منتديات تو زوو

منتديات تو زوو (http://www.2zoo.com/vb/index.php)
-   سؤال و جواب لقسم هواة الكلاب (http://www.2zoo.com/vb/forumdisplay.php?f=38)
-   -   هل الكلاب تنقل الأمراض؟؟؟ (http://www.2zoo.com/vb/showthread.php?t=10726)

FAWAZ 20-08-2006 01:16 AM
هل الكلاب تنقل الأمراض؟؟؟
 
السلام عليكم

اخواني انا عندي كلب زينه في البيت , وهو شعره كثير ونا كل اسبوع اروشه في محل للحيوانات ومشطه يوميا وبالنسبه للاكل ياكل من اكل البيت حقنا والكلب مطعم وعنده شهاده

طيب سؤالي : فيه خطوره للأطفال اذا لعبوا معه وماغسلو يديهم بعده , او جلسو عنده في الغرفه لاني حاطه في غرفه مكيفه بالحوش ؟؟؟

أنا سألت السؤال هذا بعد مقال قريته عن أمراض الكلاب الي ينقلها للإنسان , وياليت الكل يفيدنا بالي عنده .

وشاكر لكم مقدما ,,,

دراكولا المجنون 20-08-2006 01:48 AM
رد: هل الكلاب تنقل الأمراض؟؟؟
 
انا من رايي اخوي انه ما في خطورة ما دام عنده شهادة صحية بس من الافضل انك تنصح وتحذر الاطفال انه بعد ما يلمسونه ويلعبون معاه يغسلون ايدينهم قبل لا ياكلون اي شي احتياطا وهذا رايي الشخصي

pitbull-lover 20-08-2006 01:57 AM
رد: هل الكلاب تنقل الأمراض؟؟؟
 
بسم الله الرحمن الرحيم
السلام عليكم ورحمة الله وبركاته
اخوي طبعا فيه امراض تصيب الناس تنقلها للحيوان وفيه امراض تصيب الحيوان وتنقلها للناس .. شي اكيد طبعا اغلب الامراض الي تنتقل هي !- فايروس 2- انواع الفطريات و غيرها .. طبعا اخوي جميع الناس الي يهتمون في حيواناتهم ويخلونهم يراجعون الدكتور البيطيري بأنتظام يتجنبون تقريبا 80% من الامراض و 20% تكون امراض مستعصيه ما لها علاج .. فطبعا اخوي الهدف من الكلام هذا كله انك تهتم بصحة حيوانك و تراعيه مو ( خذوه فغلوه ) لان الحيوان روح ولازم نراعيها ونحافظ عليها والي يحافظ على صحة حيوانه كلب او غيره .. انشاء الله ما راح يجيه شي .
تقبل مني اجمل التحيات .. ولو كثرة عليك بالكلام

البدبخت 20-08-2006 05:42 AM
رد: هل الكلاب تنقل الأمراض؟؟؟
 
وعليكم السلام ..

اي نعم في احتمال كبير ينقل الامراض .... المهم ما بتكلم كثير بس انصحج بقراءة هالموضوع :

http://www.maghrebmed.com.tn/versionarabe/art-vete.htm

تحياتي ..

لحن الخلود 20-08-2006 06:32 PM
رد: هل الكلاب تنقل الأمراض؟؟؟
 
اخي العزيز فواز هناك أشياء كثير تنقل الامراض والعدوى فالهواء أيضا ينقل بعض الفيروسات
وهذا الشيئ معروف ومتفق عليه
باختصار شديد تأكد ان أبناء ليس بهم حساسيه من الكلاب واحرص على التطعيمات والعنايه
بالكلب وأهم نقطه هي التعقيم والتهويه
وان شاء الله ماكو الا الخير لا تقلق يا عزيزي

FAWAZ 21-08-2006 01:43 AM
رد: هل الكلاب تنقل الأمراض؟؟؟
 
دراكولا :
شكرا لمرورك ونصائحك

pitbull-lover :
يعطيك العافيه اخوي على المعلومات المفيده , وشاكر لك مرورك يالغالي


البدبخت :
شكرا لمرورك اخوي



لحن الخلود:
ان شالله مافيه الا الخير , وشاكر لك مرورك ونصايحك عزيزي


مع التحية,,,

عاشق التربية 27-08-2006 05:38 AM
رد: هل الكلاب تنقل الأمراض؟؟؟
 
ماشاء الله الأخوان يعطيهم العافية كفوا وفوا بعد ماكو شي أجول عساهم على الجوة ونظم وقتك مع الكلب والنظافة والمراجعة البيطرية المنتظمة وإنشاء الله ماكو شي


جميع الأوقات بتوقيت GMT +3. الساعة الآن 11:04 PM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو