|
أحد جرب هالدراي فود من قبل ؟
1 مرفق
السلام عليكم
فيه نوع دراي فود ما جربته قطاوتي من قبل ابد بس وحدة من البنات قالت لي ان القطاوة تحبه فشريته لحمروش وفعلا لما اكله صار ما ياكل شي غيييره !!! لا معلبات ولا الدراي فود اللي كان ياكله اول ولا الباكيتات ولا شي صار ما يبي الا هذا !!!! حتى القطاوة الثانيين ما عطيتهم منه بس يدخلون احيانا غرفتي وياكلون مع حمروش وصاروا هم بعد ما ياكلون اكلهم اللي عندهم !! اذا جاعوا يجون يستنون عند باب غرفتي ويشمخون الباب ويصارخون عشان افتح لهم وياكلون من هالأكل !!! :eek: صار عندهم ادمان على هالأكل :confused: بنت خالتي عندها قطو معروف انه ما يحب الدراي فود ابد .. خلته عندي اسبوع واكلته من هالاكل وانهبل عليه وصار ما ياكل غيررره شي ! ما ادري هالحالة طبيعية ؟ صاروا ما ياكلون غيره !! مو مضر لو ما ياكلون الا هو طول اليوم ؟ هذي صورته http://www.2zoo.com/vb/attachment.ph...1&d=1155972740 والعلبة مكتوب عليها على حسب وزنهم اني اعطيهم من نص الى ثلاث ارباع كوب باليوم فقط .. بس هم ياكلون اكثر |
رد: أحد جرب هالدراي فود من قبل ؟
انا اول مره اشوفه بحياتي
لكن ماركته ممتازه بيورينا من احسن الماركات الي بالسوق وماتوقع راح يضرهم لكن يفضل انك تنوعلهم عشان مايتعودون عليه وتتوهق اذا انقطع او محاصلته |
رد: أحد جرب هالدراي فود من قبل ؟
ماجربته لكن ماركته يحبونها انا اشتريلهم من نوع indoor formula وايد زين .
ولا تعودينهم على دراي فود واحد مثل ما قالت فطوم :) |
رد: أحد جرب هالدراي فود من قبل ؟
اهلاً أختي أفنان...
والله أول مرة أشوف هالدراي فود... (بصراحه مااعرف الا ماركة وحده wheskas) ..:P وأدمنت على قطة من قططي وصارت تاكله أكثر من الدجاج وباقي الأكل...:( تحياتي لكِ... وتوقيعك أحزنني كثيراً....:(:(:( |
رد: أحد جرب هالدراي فود من قبل ؟
شكلها ماركة تمام
ومش زين تعودينهم عليه خليطه مع الاكلات احسن |
رد: أحد جرب هالدراي فود من قبل ؟
السلام عليكمـ
الدراي فود وايد زين ويخلي القطو متبتب ومتين هذا اول مره اشوفه بس فيه نفس الماركه Catchow سوسي وفسفس ولوسي وايد يحبونه وهذي صوره هذا للقطط الكبيره iNDoor http://www.homegrocer.com/images/pro...oor%20chow.gif http://www.homegrocer.com/images/pro...chow%20bag.gif هذا للصغار الكتن http://www.homegrocer.com/images/pro...ten%20chow.gif |
رد: أحد جرب هالدراي فود من قبل ؟
اختي افنان انا اعلمك ليه
كثير من شركات القطط مثل الشركه اللي قلتي عنها وشركه رويال كانون ...الخ يحطون بالاكل حقهم ماده معينه تخلي القطو ياكل بشراهه وييبي كل شوي ياكل منه هوبالذات وانا فعلا لاحظه نفس ما تقوين مع قطاوتي اللي ياكلون رويال كانون والله توتا ما ترضى تاكل الا منه واذا حطيت لها نوع ثاني تاكل شي بسيط مره وتتركه وتبي بس الرويال عموما انا افضل ما تعوديها عليه ابد لانه على المدى الطويل بيصير زي توتا ما يبي الا هو انا جتني فتره اعاني يوم شركه رويال قطعو منتاجتهم عن السوق قطوتي نحفت مره وما كانت تاكل |
رد: أحد جرب هالدراي فود من قبل ؟
انا بالنسبة لي رويال كانون
وفعلا مثل ماقالت الاخت قطقوطه القطط تعشق الرويال كانون بشكل جنوني |
رد: أحد جرب هالدراي فود من قبل ؟
شوفي اختي الدراي فود كان الوجبة المفضلة لدومينيك طوال اليوم وكنت أعاني معاه علشان ياكل المعلبات فكنت أفتح المعلبات وأحطها بالصحن وبعد 3 ساعات تتم مثل ماهي وتنقط بالزبالة .... الطبيب قالي لازم أعوده على الأثنين المعلب يلين معدته وأمعائه والدراي يشبعه ويسمنه... لأن كثرة الدراي تسبب حصوة عاد وين ماقاللي.. بالكلى.. بالأمعاء.. بالمرارة مادري وين.. المهم إنه عقب عملية الاخصاء صار ياكل مثل المفجوع.. دراي معلب ما يهم المهم أكل بس عقبها بفترة صار ما يشبع من الدراي ... لأ تعود السيد على المعلب لا ومن نوع فانسي فيست... وماياكل غيره..
فحاولي تغيرين نوع الدراي فود طوال اليوم حتى لو حمروش ما كله منه راح يضطر ياكل في الآخر من اليوع.. وشوي شوي حاولي تعلمينه على المعلب.. |
رد: أحد جرب هالدراي فود من قبل ؟
مشكوووورين على ردودكم ومساعدتكم يعطيكم العافية
امس خلصت العلبة وتعمدت ما اشتري له نفسه عطيته دراي فود ثاني ما رضى ياكل عطيته معلبات ما رضى عطيته الباكيتات اللي فيها اكل قطع ولا اكل وبعدين اخر الليل من الجوع رضى ياكل باكيتات :d واليوم الصبح سوى معاي نفس الشي .. صفيت كل انواع الاكل جنبه ولا رضى ياكل .. يروح جنبه ويسوي كأنه يدفن بالارض يعني مو عاجبه بس بعدها رجع من نفسه واكل :d مشكورين مرة ثانية |
| جميع الأوقات بتوقيت GMT +3. الساعة الآن 06:25 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو