|
شباب شوفو وشو باقي على الاستاند حقي
السلام عليكم ورحمة الله وبركاته انا بديت اسوي استاندمن جزء من شجرة وانشاء الله يعجبكم وانا جال اسوي مثل هذا وانشاء الله يضبط http://up3.m5zn.com/photo/2009/5/15/...31mu8l.jpg/jpg ولكن حبيت احد يقترح علي كم اقتراح كم اسوي طول الاستاند ؟ وكيف اسوي قاعدة للاستاند ؟ وشو بعض الافكار (الالعاب )المقترحه الي اسويها مع الاستاند ؟ |
رد: شباب شوفو وشو باقي على الاستاند حقي
http://www.2zoo.com/vb/showthread.php?t=98812
شف الموضوع هذا يمكن يفيدك من الاخ مايد ^_^ وبالنسبه لطول ياليت يكون طويل شوي يعني لا يصير يغير والالعاب لا تحطله كور صغيره انتبه ترا يمكن مع الحماس واللعب ياكل وحده ويجيه شي هذا الي عندي ييالغالي |
رد: شباب شوفو وشو باقي على الاستاند حقي
حبيبي اول شي مبروك على طير ويتربا بعزك انشالله
ثاني شي خل جلوس طير عند مستوى راسك اذا خليته اطول من المستوى تبي تشيله يتهرب واذا خليته اصغر بيصير يخاف |
رد: شباب شوفو وشو باقي على الاستاند حقي
هلا اخوي طير ..؟ فكرة جميلة والله وآحجزلي وآحد انا بعَد ههههه;) المهم طول الاستناد تقريبا او ارتفاع الطير بالاصح يكون من 2مترا الى 3امتار واعتقد2ونص افضل ...وبالتوفيق |
رد: شباب شوفو وشو باقي على الاستاند حقي
اهم شي الارتفاع وانت واقف يكون على قد صدرك
لأن الشركات المنتجه للأستاند تحافظ ان يكون ارتفاعه موازي للصدر عند الوقوف يعني تقريباً متر ونصف |
رد: شباب شوفو وشو باقي على الاستاند حقي
اذا كان الطير مقصوص الجناح فالافضل ان يكون ارتفاع الاستاند قليل
واذا كان جناحه طويل ما في مانع لو 10 متر تقبل مروري |
رد: شباب شوفو وشو باقي على الاستاند حقي
احسنت لاختيار و بالتوفيق ان شاء الله ....
|
رد: شباب شوفو وشو باقي على الاستاند حقي
اخوي الاستاند وايد حلو وفكرتك حلوه
بس نصيحتي لك تاكد ان الالعاب اللي بتحطه مايكون ثابت في حالت بغيت تنظفه ولا تغير العبه يكون شي امكانيه وما تتبهدل |
رد: شباب شوفو وشو باقي على الاستاند حقي
ولكن حبيت احد يقترح علي كم اقتراح
أبشر طال عمرك آمر :) *كم اسوي طول الاستاند ؟ لايتعدا المتر والنصف بكل الاحوال *وكيف اسوي قاعدة للاستاند ؟ القاعدة سهلة وانصحك انك تختصر الطريق وتروح لمحل صيانة اثاث او نجاره وتقوله يسوي لك قاعدة ارضية من لوح خشبي ابعادها لاتتجاوز 70×50سم ثم يضع لها جوانب لايتجاوز ارتفاعها عن 10سم من جميع الجهات واعتقد انها ماتكلفك ولا 20 ريال ..يعني مايستاهل تعبها اصلا وخلي التعب لأفرع الشجرة .. وانصحك نصيحة حاول تبحث عن اغصان شجرة "التين" فهي من افضل الاغصان سماكة ونعومة ولافيها أي أبر او اشواك ... وبالتوفيق يارب *وشو بعض الافكار (الالعاب )المقترحه الي اسويها مع الاستاند ؟ سلاسل ، حبال من الصوف (تلاقيها عند محل الخيام) العاب خشبية ملونة .. تلاقيها عند محلات الطيور وبالتوفييييييييق بس لاتنسى تورينا شغلك عاد :) |
رد: شباب شوفو وشو باقي على الاستاند حقي
وازيد على الاخوان ... حط للقاعدة رمل
|
| جميع الأوقات بتوقيت GMT +3. الساعة الآن 04:30 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو