سؤال عن اليلو ناب
 

السلام عليكم... اشحالكم..

عندي يلو ناب عمره سنه تقريبن وانا اول مره اربي الامزون قبل كان عندي كاسكو المهم اليلوناب بس ايقلد اصوات التلفون والتصفير بس يوم يتكلم كلامه غير مفهوم خراابيط؟ يمكن لان عمره اصغير ولا بعد السنه يتكلم بطلاقه؟ ولا شو السالفه؟ وفي مشكله واايد ايصاارخ عكس الكاسكو.
ممكن اهل الخبره ايفيدوني ...
ومشكورين

رد: سؤال عن اليلو ناب
 

وعليكم السلام هلا اخوي ..

بعض الطيور تاخذ لها فتره علما تتكلم .. وهل انت قاعد تعلمه على الكلام وتجابله ؟ لأن كلام الطائر يعتمد على مربيه ان كان مهتم فيه ويعلمه ..

وممكن انت مهتم فيه وقاعد تعلمه .. لكن في البعض الطيور تخزن الكلام وتحفظه وبعدها بفتره تنطلق باللكلام .

مراحل بعض الطيور ..اول ماتشتريه أو اتجيبه..يجعر ..بعدها تصفير وبعدها الكلام ..

وممكن توضح شلون يصارخ ؟ يعني لما احد يقرب يمه أو لما بتحط ايدك على راسه أو انك جايب شي كبير بويهه ويخاف منه ؟

وشكثر صار له موجود عندك ؟ ان كانت مده قصيره اصبر عليه حتى يتعود على المكان ويتعرف على صاحبه الجديد اكثر ويثق فيه اكثر (طبعا اقصدك انت:)) ...

رد: سؤال عن اليلو ناب
 

هلا اخوي Q8 Sailerومشكور عالرد..

المتو صارله عندي شهر و ايصارخ لم ايكون روحه محد معااه ومافي شي ايخوفه وبعدين ايحاول ايقلد اللي انا اقله بس كلامه مش واضح .. انا اشغله الابتوب واحطه اصوات عشان يتعلم وبعد اشله فوق ايدي واتم اكلمه واردد عليه

رد: سؤال عن اليلو ناب
 

هلا اخوي ..

ممكن يصارخ بروحه يكون متملل أو ينادي على احد .. يعني يبي احد معاه يلعب وياه ويكلمه ...

ودام ان يحاول يقلد اللي انت تقوله هذي بدايه طيبه وبادره جيده من الطير.. وكبدايه يقولها بشكل غير واضح لكن مع الاستمرار بالتعليم راح يطلقها بشكل جيد ..

بضرب لك مثل .. الطفل اول ما يبديء بالكلام راح يبديء بكلام غير واضح ويكون فيه اخطاء ..

هذا ينطبق على الطيور المتكلمه .. كبدايه يحاول يتكلم وحتى لو كلامه غير واضح لكن مع الاستمرار بالتدريب والتعليم راح ينطقها بشكل جيد .. لكن شرط انك تجابله وتعلمه بشكل مستمر بالاضافه ان يكون الكلام وااضح للطائر وبصوت مسموع له ..

رد: سؤال عن اليلو ناب
 

تسلم ياخوي كفيت ووفيت

رد: سؤال عن اليلو ناب
 

العفو وحياك الله وأي استفسار محد راح يقصر معاك ان شاءالله :))