|
فرخ بلو فرنتد
استفسار بيسط يا أخوان كم سعر فرخ البلو فرنتد وكيف مستواة من ناحية الكلام والجمل ووضوح نطق الكلمة مقارنة بالافريقي واليلو ناب ولكم جزيل الشكر مقدما |
رد: فرخ بلو فرنتد
فرخ لبلو فرونتد سعره 3000 ريال
أما مستواه قمل بعرف لأني أول مرة أربي هالطير من شهر وعمر طيري 8 شهور لكنه مرح وطائر جميل وحيوي , لكن في فصاحة النطق ما أعرف لبلو فرونتد يعتبر في الدرجة الثالثة في فصيلة الأمازونات , وهذا ترتيبهم: 1- يلو ناب 2- دبل هيد 3- بلو فرونتد طيور الامازون معروفة بالجمال والذكاء والجرأة , وهي مميزة في تقليد الصياح والضحك وجرأتها بالحديث وهي على يدك أو قريب منها والكاسكو له عشاقه والأمازون له عشاقه , ولبلو فرونت أعتقد له مستقبل جميل خصوصاً توفره بشكل ملحوظ خلال هالسنة وسعره مناسب مقارنة بفصيلة اليلو ناب والدبل هيد , لهذا كثير الآن بدأو يقتنوه من هواة الامازون , وراح نشوف طيور جميلة في الشهور المقبلة بإذن الله لا تستعجل في شراء الطير , خذه بعناية وعلى مهل وراح تلقى طير مميز ومناعة الأمازون أقوى من مناعة الكاسكو خصوصاً "الفروخ" اللي ما وصلت عمر السنة وهذا الكلام من أحد المستوردين لطيور الكاسكو والأمازون قاله لي وانت لاحظ مواضيع المنتدى راح تلقى ان فرخ الكاسكو يحتاج عناية أكثر لان مناعته ضعيفة والبعض يقول ان الكاسكو أفصح , وللأمانة أنا من كنت صغير كان الأمازون متواجد في منزلنا لهذا صرت من عشاق الأمازونات ومتعصب لها |
رد: فرخ بلو فرنتد
حياك أخوي بالنسبة للأسعار تعتمد على جمال الطير من حجم ونظافة ريشه وأيضاً يرتفع السعر إذا كان فرخ ويتكلم وعموماً بتحصلها من 3000 وطالع وتبي إللي يفديك وصدقني ما راح تسأل من بعده أنشب للعسل سكر تراه من مناصرين هذا النوع المميز وإذا عزمت على البلوفرونتد عندي صديق عزيز نجح في إنتاجه ما شاء الله تبارك الرحمن وسجل تجربته بالصور في منتدى صديق وعنده حالياً فرخين بعمر 45 يوم بالتوفيق أخوي |
رد: فرخ بلو فرنتد
خذ بلو فرنتد ولا تشيل هم الخيال
طائر مميز وسعره من 3000 الى 4000 تقريبا وهو طائر ذكي يحب اللعب ولا يخجل ابدا ومخلص لصاحبه انا عندي بلو فرنتد اللى صورته في التوقيع يتضايق لو بعدت عنه ويناديني واذا ماكان تدريبه جيد كل ما اصبح افضل والاخوان ما قصرو بس نصيحتي البلو فرنتد طير يستحق العشق |
رد: فرخ بلو فرنتد
مراحب أخوي
من غير تردد خذ بلو فرنتد وأكيد أن شاء الله ماراح تندم والعمر حاول أنه مايكون أكبر من سنه ونص علشان يستجيب معاك في التدريب والكلام لأنه لو كان أكبر ممكن يتعبك وأذا تحب الراحه خذه أكبر من سبعه شهور علشان تتفادى المرض ويكون معتمد على نفسه في الاكل .. وبالنسبه للفصاحه هو ماعليه أذا درب تدريب جيد وبعدين حنا شفنا يلو ناب كثير ماتكلم وفيه بلو فرنت يتكلم مقاطع طويله وبصوت واضح ولو تشوف في اليو تب راح تلاقي كاسكو حافظ سورة الاخلاص وصوته أفضل من يلو ناب الجنوبي المشهور .. الموضوع يعتمد على ذكاء الطائر وتدريبه الجيد لاكن هذا مايمنع الدرجات في الافضليه بالامزونيات.. |
رد: فرخ بلو فرنتد
اخوي نمط اخوي حب استطلاع اخوي احساس طفل اخوي كاجو كل الشكر لكم وبانتظار باقي الاخوان من الخبراء أو من سبق لة تربية البلو فرنتد |
| جميع الأوقات بتوقيت GMT +3. الساعة الآن 08:50 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو