منتديات تو زوو - كم سؤال قبل لاتموت قطتي

منتديات تو زوو

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - كم سؤال قبل لاتموت قطتي (http://www.2zoo.com/vb/showthread.php?t=102169)

كيفي قطري

10-05-2009 11:03 PM

كم سؤال قبل لاتموت قطتي

السلام عليكم ..

كيف حالكم

شريت من كم يوم قطوه شيرازيه صغيره

وشريتلها اكل

بس مصيبتها ماتاكل وصاادها اسهااال

وديتها البيطري اليوم وعطاني الدواا

اما عن الاكل فكييف ....؟؟
:eek:

الله يخليكم ساعدوني قبل لاتموت

معى اني شريت لها نوعين من الاكل

نوع اللحم اعتقد مكتوب عليه من شهر الى 12 شهر
والنوع الثاني نفس البسكويت بعد من شهر الى 12 شهر

وماكلت الا حبتين بس

ماعرف شسوي

آنـــــو

10-05-2009 11:25 PM

رد: كم سؤال قبل لاتموت قطتي

كم عمرها ؟؟

وشنو العلاج اللي أعطاها البيطري ؟؟ حق أسهال أو مضاد حيوي ؟؟

والأكل أبتعد أبتعد عن المعلبات مامنها فايده وتسبب لهم ليوونه بالأخراج

هذا أذا هي ماتحسست منه لو عمرها صغير ..

أعطيها دجاج مسلوق وأرز مع شويه من موية السلق ..

ولازم توكلها غصب لو مو راضيه ،، تعطيها بالسرنجه الدجاج ويكوون مفروووم

ومحلول الجفاف بيبي لايت ..

كيفي قطري

10-05-2009 11:33 PM

رد: كم سؤال قبل لاتموت قطتي

عمرها شهرين تقريبا

والعلاج ماعرف اسمه بس عطاني سرنجتين فيهم دوواا ابيض قالي كل ثلاث ساعات تعطيها ربع السرنجه ولين بكره يقولي انشالله كل شي اووكي

آنـــــو

11-05-2009 11:28 AM

رد: كم سؤال قبل لاتموت قطتي

كيفها اليوم أن شاءالله أنها أحسن ..

الشي اللي أقدر أقوله لك .. تعطيها دجاج مسلوق مع الأرز مفيد مره لحالات الأسهال ..

ودراي فود للكيتينز ،، والحليب والأجبان وهالشغلات أقطعها عنها دام عمرها 3 شهوور

والمعلبات (الأكل الجاهز للقطط) بلاش منه .. وأذا مارضت تاكل

وكلها غصب بالسرنجه حتى تحرك معدتها وماتهلك

مثل الدجاج مسلوق و مفرووم وسايل يكوون .. وتقدر تخلط معه شوية دراي فود

وبرضو سيريلاك .. ومحلول الجفاف بيبي لايت

وماعليها شررر

جيسيكا

11-05-2009 02:04 PM

رد: كم سؤال قبل لاتموت قطتي

انا أول ماجبت قطاوتي صار لهم نفس الشي

أخوي اقطع عنهم الأكل الثقيل وخلك على السيريلاك وبسكوت غمسه بشوية مويه
او مرق دجاج

والله مايفيد قطاوتي الا كذا

واذا حسيت اللله يكرمك الاسهال اشتد عليهم
جوعهم 12 ساعه بعدها عطها زبادي قليل الدسم
وبعدها سيريلاك او اي شي

وشوف كيف بتكون صحتهم

وطمني عليهم

كيفي قطري

11-05-2009 11:33 PM

رد: كم سؤال قبل لاتموت قطتي

يعطيكم العافيه اخوواني

الحمدلله اليوم كلت وانفتحت شهيتها والسهاال خف عليها

بس عندي مشكله
انها يوم تقضي حاجتها فالرمل نصه يكوون فالرمل ونصه يكوون عالق فيها

هل نصحووني اقص الشعررالي حوالين رجولها ؟؟

آنـــــو

11-05-2009 11:45 PM

رد: كم سؤال قبل لاتموت قطتي

الحمدلله أنها خفت ،، ومن أحسن الى أحسن

بالنسبه للوسخ هو يلصق فيها لأنه لين أخراجها

يفضل أنك تخففه شوي بالمقص ،، وعادي مابيخرب منظرها وبيطلع بسرعه ..

تركوازية

12-05-2009 05:15 PM

رد: كم سؤال قبل لاتموت قطتي

اخوي كيفي قطري

كل القطاو يوم توديهم مكان يديد ما ياكلون ..لانه همهم الاول انهم يستكشفون المكان..من الفضول اللي فيهم ينسون الاكل لوول..

واذا صابهم اسهال فيكون من انه الاكل يديد عليهم...

المهم سو مثل ما انا سويت و ان شاء الله الاسهال بيوقف....غليت مقدار كوب ماي مع نصف معلقه نشاء ذرة...صار الخليط شوي غليظ...وخلطته مع شوية من الدراي فود عشان الطعم بس....وعطيته...والحمدلله من ثاني يوم وقف الاسهال...

جرب و بشرني

جميع الأوقات بتوقيت GMT +3. الساعة الآن 02:41 PM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو