|
استفسار عن الافريقي بسيط
سلام عليكم ورحمة الله وبركاته
ياشباب انا عندي ببغاء افريقي عمره 9 أشهر له عندي من يوم شريته 3 أشهر باقي ما ولف عليه مايخليني امسح على راسه ولابيطلع على اليد بس احك صدره عادي الطير ماشاء الله صحته حلوه ومابيعض ودايم بيصفر مابيسكت واانا مطفشه الا يولف معايه بمسكة واجلس امسح على راسه بالقوة بيسكت ابغى يولف اذا في طريقه قولو لي استفسار // انا من سكان جدة حصلت واحد بحلقة الطيور معاه منشفه حمراء خفيفه يقولو عطني الطير 3 أيام واولفه لك اخليه والف بمبلغ 150 حصلت صاحب محل بيقول فيه واحد بيولف ب300 ابغى اسالكم هم صادقين والا بيكذبوا والاعندهم طريقه ابغى اكتشف هالشي ياليت |
رد: استفسار عن الافريقي بسيط
وعليكم السلام ورحمة الله وبركاته ماانصحك توديه لناس تولفه .. لان اذا وديته مابتحس بمتعة التربيه لازم تجرب العضات والازعاج وغيره وبعد مايولف بتفرح ان شاءالله وبتحصل على نتيجة تعبك ومنتدانه ماشاءالله فيه واااايد مواضيع تقدر تستفيد منها عندك المواضيع المثبته عن الافريقي والمواضيع المميزه وبالتوفيق |
رد: استفسار عن الافريقي بسيط
حبيبي الوقت اللي قضاه الطير معك يعتبر كافي لترويض الطير خصوصاً انه فرخ
وصفيره وحيويته هذا دليل على تأقلم الطير عليك وعلى المكان وهذي خطوة مهمة وراح تجعلك تعلم الطير بسهولة الطير ما يحتاج ترويض وتوليف لأنه باين انه وليف ويصوفر بس يحتاج جرأتك وقربك منه حتى تعلمه انه يسمح لك تصعده على يدك وتمسح على رأسه أعطيه من وقتك وخلك قريب منه وحدثه بهمس , صوت منخفض وراح تلقى الطير يصطاخ كلامك ويستمع لك وهذي تجعل من الطير ودود وحاول تصعده على يدك دام انه صغير يمكن يتحسس يدك بمنقاره وما يعض ولو عضك تراها حلوة عضته ههه اخدت لي طير امازوني , لقيت انه ما محتاج وقت حتى يتأقلم لانه كان هادئ فقررت اصعده على يدي من ثاني يوم يا هو كبس يدي ثلاث مراات اعتقدت انه بيتحسس يدي لكن نهشها وظليت ازجره وعمك اصمخ ما يسمع , لين كبسني كبسة واخدت لي يومها ثلاث عضات يحبها قلبك ولكني أحس بمتعة معه ولا استخدمت معه لا تجويع ولا شي أمس وضعته على عصاة ( لمكنسة التنظيف اليديوة) صعدته عليها وقدمت يدي بصدره , فريت العصاا بشكل سريع بحيث يفقد توازنه , مالقى شي امامه الا يدي , فاضطر انه يصعد فوقها , بعدها الطير بيحاول يشرد لمن يستوعب الموقف , انا حاولت الهيه باليد الثانية واقدم له أكل ما نفع الطير بقى شي دقيقة وشرد , وعاودت له نفس الحركة مرة ثانية وطبقتها وبعدها خليته يريح وكل يوم راح اعملها معه لين يتأكد ان يدي مصدر أمان له وما راح تأذيه أما طريقة التجويع قد تكون مفيدة لكني ما أحبذها خصوصاً مع الفروخ , وهي اواخر الحلول عندي |
رد: استفسار عن الافريقي بسيط
:Dياخوي العزيز الطير طيرك وتبيه يولف عليك انت شلوون توديه لناس يووولفونه >>> بيوولف عليهم وبينساك ياغالي هههههه ومعقوولة ثلاثة اشهر مااصدق اخوي ؟ مع احترامي لك >>> شكلك ماتجلس مع ببغائك لازم ياخوي تجلس معه وتحاول تاكله بنفسك والله يوفقك |
رد: استفسار عن الافريقي بسيط
الطير مايعض اجمل شيء
اجل ابدأ انت بتدريبه انا طيري قطع ايدي وتمكنت من المسح على رآسه واشيله على ايدي لكن مازال يعض |
رد: استفسار عن الافريقي بسيط
شوي شوي لاتستعجل عليه وانا اعلمك طيرقه عشان العض
خله فوق القفص وتعال وخل طبنك عند وجهه لاتخاف نراح يعض بطنك بس عشان تشل حركته وتعال بيدك من فوق راسه ومسكه وحك راسه بيحاول يعضك بس مايقدر اذا جيته من فوق راسه وخلك منتبه ومسح على راسه وكل يوم كذا حتى يستسلم ويصير عنده شي عادي |
| جميع الأوقات بتوقيت GMT +3. الساعة الآن 10:23 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو