منتديات تو زوو - أبشركم .. ببغائي صار يسمح لي امسح على راسه .. تعالو شوفو

منتديات تو زوو (http://www.2zoo.com/vb/index.php)

- قسم هواة الببغاوات (http://www.2zoo.com/vb/forumdisplay.php?f=31)

أبشركم .. ببغائي صار يسمح لي امسح على راسه .. تعالو شوفو

مرحبااااااا يااحلى اعضاااء

بعد عودتي من السفر .. واعتقد انها فرحة بشوفتي من ببغائي السيد "روكي" صار يسمح لي امسح على راسه وعلى منقاره ولا يحاول يعضني مثل اول.. ولا بعد يقرب ليدي عشان امسح له راسه ;)

عاد .. هالفرحه غمرت صدري .. وقلت لازم اوثقها بالصور واخليكم تشوفونها :D

وبعدين عندي بعض التساؤلات ودي اهل الخبره يفتوني فيها .. الا وهي بعد سفري حطيت الببغاء عند اقرباي ولما اتصل اسأل عنه .. يقولون من امس وهو بوضع خمول مو مثل اول

عاد انا خفت وقلت لايكون مريض ولا شي :o

فاللي بسألكم اياه ... هل الببغاء ممكن يكون فقدني يعني ؟!!

مع اني لاحظت بعد ماجبته كان نشيط ولعوووب مررره وصار يسمح لي امسح على راسه ومنقاره وهو داخل القفص ..ولاعاد يعض مثل اول مع اني بالاول لما احاول المس راسه يهج مني لمكان ثاني .. ومثلكم عارفين هالنوعيه من الببغاوات حساسه جدا وخوافه .. فضنكم مستقبلا من خلال هالخطوه هل تعتبر انجاز ؟

و هل ممكن فيما بعد انه يصعد على يدي ؟

وعندي سؤال مهم ودي اعرف جوابه بعد.. تحملوني شوي ;)

طبعا الببغاء هذا ...له عندي شهرين وزياده .. وقبل شهر من الآن لاحظت اني لما اكون انا وياه بلحالنا وبعد مااعطيه اكله .. اشوفه بعد مايشرب مويه يصعد على العصاء ويبدأ ينزل فمه عند العصاء ويناظرني مع اصدار صوت "غوغو" <--<< بهذا الشكل ويبدأ يطلع المويه من فمه ممزوجه بعصاره كأنه نوع من الاستفراغ .. وطبعا يسويها بإرادته يعني مااحس انه مغصوب عليها

فاللي ابيه .. ليش يسوي كذا ؟!

اكيد لها معنى عنده

عموما هذي الصور ويهمني تعليقاتكم قبل مديحكم :)

وتسلمون لي يارب

http://thumbs.bc.jncdn.com/0c8b8f6b8...56ff463_lm.jpg

http://thumbs.bc.jncdn.com/a8a8c80fa...ec65d85_lm.jpg

http://thumbs.bc.jncdn.com/14cedb6ca...e1a151b_lm.jpg

http://thumbs.bc.jncdn.com/4f7b6617f...b4551ca_lm.jpg

http://thumbs.bc.jncdn.com/7c932096b...5cd2bd7_lm.jpg

http://thumbs.bc.jncdn.com/c74d5809f...fc4c54d_lm.jpg