|
انا جديد على تربية القطط - يوجد صوره
انا جديد على تربية القطط
وشاري قطوه جديده عمرها ثلاث شهور وحاب اعرف نوعها واسألكم عن مشكله تواجهني معها . صارلها عندي تقريباً عشرة ايام خسرت نصف وزنها ما تأكل الا بالغصب واذا اكلت ما تكل غير شوووي دجاج مطبوخ . واكل القطاوه جربت معها كل انواعه واشكاله مو راضيه تاكل منهم شي ولا حتى تتذوقه !! وحتى عيونها صارت تعبانه على طول فيها غمص ومسكرتهم وتكح وتعاطس . طبعاً المشاكل هذي كلها ما صارت فيها الا بعد ما اشتريتها وديتها للدكتور قبل يومين اعطاني مضاد و مرهم للعيون لكن ما فيه اي تحسن حتى اليوم . ممكن احد يوجهنى لحل مشكلت الاكل معها وكم المده المتوقعه عشان تشفى ان شاء الله من مرضها . هذي صورها اول ما اشتريتها وقبل ما تتعب معاي http://file13.9q9q.net/img/37736152/1.jpg http://file13.9q9q.net/img/89692147/2.jpg http://file13.9q9q.net/img/67875378/3.jpg |
رد: انا جديد على تربية القطط - يوجد صوره
يووه مسكيينه
مبين ان معها زكام من الاعراض الي قلتهاا وديها لبيطري ثاني اشطر من الي قبل .. لان لو معها زكام .. علاج الزكام أغلب الاحيان يكون ابر على مدى 3 او 4 ايام .. وممكن تكتفي بمضاد لو كان دوكسيسيروب لانه مفعوله قوووي .. أقوى من البيتاموكس وخليها داااااايما بمكاان دافي وكويس انها تاكل الدجاج .. لانه مرره تمام وحلوو واحسن لها من المعلبات .. غذيها تماام وخليها بمكان دافي ووديها لبيطري ثاني .. وبتطيب ان شاءالله بس شوف من ايش جاها الزكام .. انت حاطها بمكان بارد كثييير ؟؟ او حممتها وعرضتها للهوا والبروده على طول ؟؟ |
رد: انا جديد على تربية القطط - يوجد صوره
لآ ما روشتها بس ممكن خذت برد من المكيف
كملت تاخذ العلاج ثلاث ايام تقريباً بس ما فيه اي تحسن !! و مثل ما قلتيلي بروح لدكتور ثاني واجرب . ممكن اختى اعرف نوعها وسعرها المعقول كم يكون تقريباً . ومشكور على مرورك |
رد: انا جديد على تربية القطط - يوجد صوره
نوعها شيرازي مون فيس لو انا ابيعها
بـ 1200 على الاقل و تدنن ما شاء الله تبارك الله الله يخليها لك يا رب تفو تفو (: |
رد: انا جديد على تربية القطط - يوجد صوره
اقتباس:
على العموم مشكور على مرورك والله يعطيك العافيه و حلوه تفو تفو ... احسها طالعه بذمه :) |
رد: انا جديد على تربية القطط - يوجد صوره
شكلها كأنها هملايا
وماتشوف شر ان شاء الله حاول انك تحطها بمكان دافي ومثل ماقالت سي سي ودها بيطري اشطر من اللي قبل وان شاء الله تقوم لك بالسلامه |
رد: انا جديد على تربية القطط - يوجد صوره
ماتشووف شر ان شاء الله..
بالنسبه لنوعها على مأظن شيرازي مون فيس مهجن على هملايا.. هذا حسب معلوماتي البسيطه ننتظر الأخوان.. :) |
رد: انا جديد على تربية القطط - يوجد صوره
والله الصور صغييره
لكن الاحتمال الارجح انها هيمالايا مون فيس بوينت بلو .. لكن مهجنه وسعرها .. مالها سعر محدد كل بايع وسعروو :) |
رد: انا جديد على تربية القطط - يوجد صوره
اقتباس:
الله يعطيك العافيه على مرورك وان شاء الله بشوف لها مكان غير الغرفه ما يكون بارد احطها فيه . |
رد: انا جديد على تربية القطط - يوجد صوره
اقتباس:
مشكور استفدت من معلوماتك والله يعطيك العافيه على مرورك . |
| جميع الأوقات بتوقيت GMT +3. الساعة الآن 09:30 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو