منتديات تو زوو

منتديات تو زوو (http://www.2zoo.com/vb/index.php)
-   سؤال وجواب لقسم هواة الببغاوات (http://www.2zoo.com/vb/forumdisplay.php?f=73)
-   -   طيري جديد استفدت من نصايحكم وعندي سوال كاسكو الرمادي (http://www.2zoo.com/vb/showthread.php?t=100337)

soso2004837 28-04-2009 08:42 PM
طيري جديد استفدت من نصايحكم وعندي سوال كاسكو الرمادي
 
تحيه طيبه


طيري جديد صار له اقل من اسبوع والحمدلله بصحه جيده

عمره 4 اشهر ولا شوي اكثر

وحجل بطوق في رجله كاسكو جمبو بو ذيل احمر


لي اسئله ابي اسالها لاحظتها عليه


اول الطريق يحك جسمه من وقت لوقت هل عادي هالشي وفي ريش ابيض يتطاير منه

هل فيه قشره اشوف شوي كانه شي ابيض صغير بس حبه ولا 2 فبس ابغى اعرف اذا في شي ولا يبغى له تنظيف انا روشته بس مره على الخفيف برجله واماكن الوسخ البراز

فكيف بالنسبه للترويش متى اسبحه انظفه ارشه بالماي قصدي الوقت

وهل يضره فتره ابغاه

هو الحمدلله نشيط حجمه مناسب وياكل

والاكل ياكل حب كنوع واعطيه من وقت لوقت فواكه ياكل شوي يفضل الحب هل شي طبيعي


وبالنسبه للنوم اوديه لغرفه مظلمه للنوم ساعه 9 ولا عشره ولكنه لا يحب القفص ويرفس برجوله الى مايطلع ويكون ساكت يحط راسه على ارضيه القفص هل عادي هالشي اخاف يوم اشوفه ساكت صنم ولا يرفس:D



وبالنسبه للبخور هل عادي بالبيت
نحن نبخر لبان وبخور فهل عادي للطير البخور لانه باصاله محطوط يتسلى معانا ويكون اقرب للاصوات بس اطلعه من القفص الظهريه للمسا ادخله


اراءكم مفيده تفيدونا بها

لممحافظه على الطير والاهتمام به والعنايه من الخبراء



شكرا وجزاكم الله خيرا

سكر 28-04-2009 08:46 PM
رد: طيري جديد استفدت من نصايحكم وعندي سوال كاسكو الرمادي
 
ما شاء الله تبارك الله

اختي بالنسبة للبخور يضر الطير وما ينفع تبخري والطير في نفس الغرفة.

أما باقي الأسأله يجاوبونك عليها الأعضاء الله يعافيهم

وربي يوفقك في تربيته

تحياتي

soso2004837 28-04-2009 08:54 PM
رد: طيري جديد استفدت من نصايحكم وعندي سوال كاسكو الرمادي
 
شكرا سكر بارك الله فيك


كيف يضره يعني هل اطلعه لغرفه اخرى مدام البخور ف البيت كله نبخر

يعني تنتشر الريحه


اتمنى اعرف الرد من الخبرا لو مضر لانه نحن نبخر من وقت لوقت

فقلت اسال قبلا

شكرا لكم

واتمنى تجاوبوتي على اسئلتي الاخرى

وتسلموا


وشكرا على موقعكم الاكثر من رائع

موفقين

M a Y e D 28-04-2009 09:15 PM
رد: طيري جديد استفدت من نصايحكم وعندي سوال كاسكو الرمادي
 
اول شي مبروكه على الطير اليديد وان شاء الله يتربا في عزكم :)

وبالنسبة للاستفسارات فنبدا سؤال سؤال :

اقتباس:
المشاركة الأصلية كتبت بواسطة soso2004837 (المشاركة 854443)
اول الطريق يحك جسمه من وقت لوقت هل عادي هالشي وفي ريش ابيض يتطاير منه

هل فيه قشره اشوف شوي كانه شي ابيض صغير بس حبه ولا 2 فبس ابغى اعرف اذا في شي ولا يبغى له تنظيف انا روشته بس مره على الخفيف برجله واماكن الوسخ البراز ؟

بالنسبة للحك فهذا شي طبيعي ومع الحك بتشوفين ريش طاير على غبار على قشرة :D

وهالشي طبيعي في الكاسكو بس يباله سبوح من فتره لفتره، والله يعينكم الصاله بتنترس ريش مثل القطن يعني يبالها تنظيف يومي.

فكيف بالنسبه للترويش متى اسبحه انظفه ارشه بالماي قصدي الوقت؟

يفضل تسبحينه فتره الصبح او الظهر وتخلينه برع تحت الشمس عشان ينشف وسبحيه بدون صانصيلك او هيد ان شولدر :D بس ماي، وبما ان الحين فتره صيف فالاحسن تسبحينه كل 4 ايام واذا تبين كل اسبوع بس في الشتاء غير لان الجو يكون بارد عليه فالاحسن بين فترات طويله ويكون الظهر لان الشمس تكون ادفى

والاكل ياكل حب كنوع واعطيه من وقت لوقت فواكه ياكل شوي يفضل الحب هل شي طبيعي ؟

هذا الشي طبيعي ويفضل تنوعين في الاكل مثل ما قلتي فواكه وبعض الخضروات وانتبهي ثم انتبهي انج تعطينه افوكادو او شوكلاته او بصل لانه يمكن يروح فيها ، وحاولي تعطينها عظام الدياي يعني لو مسوين قبولي دجاج عطيه العظام بعد ما تخلصون من الاكل لانه يحبه وايد وحتى لو مسوين بعد صالونه.


وبالنسبه للنوم اوديه لغرفه مظلمه للنوم ساعه 9 ولا عشره ولكنه لا يحب القفص ويرفس برجوله الى مايطلع ويكون ساكت يحط راسه على ارضيه القفص هل عادي هالشي اخاف يوم اشوفه ساكت صنم ولا يرفس:D

9 او عشر وقت زين واصلا من تبندين عنه الليت يهدى وما يتحرك

وبالنسبه للبخور هل عادي بالبيت
نحن نبخر لبان وبخور فهل عادي للطير البخور لانه باصاله محطوط يتسلى معانا ويكون اقرب للاصوات بس اطلعه من القفص الظهريه للمسا ادخله

اذا بغيتوا تبخرون فالاحسن تبعدينه عن المكان لانه يأثر عليه
واذا في شي ثاني نسيته فالاعضاء ما بيقصرون ان شاء الله :)

soso2004837 28-04-2009 09:18 PM
رد: طيري جديد استفدت من نصايحكم وعندي سوال كاسكو الرمادي
 
شكرا كثير


M a Y e D

بارك الله فيك بصراحه كفيت ووفيت


شكلها الصاله تنترس اشوفه مع ريشه


السكريات ضاره الشوكولاته اها

شكرا كثير

مجنون عويشق 28-04-2009 09:29 PM
رد: طيري جديد استفدت من نصايحكم وعندي سوال كاسكو الرمادي
 
السلام عليكم

من قبل شهر تقريبا بدأ موسم تبديل الريش فشيء طبيعي يكون في ريش ابيض متطاير


بالتوفيق

soso2004837 29-04-2009 06:58 AM
رد: طيري جديد استفدت من نصايحكم وعندي سوال كاسكو الرمادي
 
هو الريش اللي يتطاير


بس اذا حد عنده خبره زياده يزيدنا من الاجوبه على اسئلتي



بارك الله فيكم


جميع الأوقات بتوقيت GMT +3. الساعة الآن 12:44 PM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو