اسهال قطي الصغير
السلام عليكم و رحمه الله و بركاته مثل ماواضح بالعنوان اسهال قطي الصغير عنده اسهال مو طبيعي عمره شهر و جم يوم قبل راعيته كانت تعطيه اكل بيت ولما ييه عندي عطيته رويل كينين (كيتيز) بس مادري شنو الحل ع هل اسهال حت يوصخ جسمه هل الاسهال ينتقل من قط لاخر لان عندي 2 و يوصخون بنفس اللتر القط يلعب و ياكل و يشرب كل شي تمام بس ينام وايد وانا قلت ينام وايد عشان توه صغير بس مشكله هل اسهال وايد متضايقه عشانه تنصحوني اروح البيطري ؟ انا امس كنت اقول اني بروح اليوم بس هل الاسهال لازم اسرع له للبيطري ولا شي عادي يمر و يروح ؟ ابي الحل الله يجازيكم خير |
رد: اسهال قطي الصغير
ممكن يكون من تغيير الاكل
امنعى عنه منتات الالبان اكليه دراى فود و بطاس مسلوقه ودجأج مسلوق وهتجيبى انتينال او فلاجيل لاطفال وتديه 1.5 سم كل 12 ساعه |
رد: اسهال قطي الصغير
شكرا شاهستا
انا وديته للبيطري وفحصه وطلع سليم قال ان من تغير الاكل و اعطاني دوا حبوب نص حبه باليوم و عطاني قطره للانف و العين لانه صار فيه نشله (زكام) من البرد و انفه و عيونه تدمع وبس و يعطيج العافيه |
رد: اسهال قطي الصغير
الحمد لله ما طلع فيه شي ربي يقومه بالسلامه ويطمنج عليه
|
رد: اسهال قطي الصغير
حبيبتي (عبق الياسمين ) مشكوره ماتقصرين
|
رد: اسهال قطي الصغير
اختي فيه اسهال مرضي يكون ناتج عن البرد وعوامل اخرى وهذا ممكن يعدي لكن فيه اسهال بسبب طريقه الاكل يكون فيها دهون كثير وانصحك اعطائه زبادي خالي الدسم وبعدها بكم ساعه عطيه وجبات تكون خاليه من الدهون واذا للحين تشرب حليب عطيها حليب خالي الدسم واذا ماتحسنت الحالها وديها بيطري والله يعافيها لك
|
رد: اسهال قطي الصغير
ريم20
يعطيج العافيه ع الرد بس خواتي القط تعافى و تطعم بس رجع له الاسهال خفيف هل من اكل المعلبات ؟ انا اخلط دراي فود بوباك مع اكل معلب |
رد: اسهال قطي الصغير
؟ البراز طري و رائحته كريهه جدا جدا جدا
ماذا افعل |
رد: اسهال قطي الصغير
متى عطيتيه جرعة ديدان اخر مرة ؟
|
رد: اسهال قطي الصغير
اخوي حط له زبادي مع نقطة عسل مرتين في اليوم
مرا كويس الزبادي في حالة الاسهال الله يكرمكم |
جميع الأوقات بتوقيت GMT +3. الساعة الآن 10:31 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو