|
تدريب الكلب ان يكون صديق القط
السلام عليكم اخواني
انا اليوم شفت شي بالشارع عور قلبي انه جلاب تنهد على قطاوه او في جلاب تقطعها او في جلاب تتعور من القطوه او في جلاب بس جذي تلحقهم او انا اعرف جلاب لناس معروفييييييين عدل او مرح اقول اسماءهم ايدربون الجلب على انه يتعود على القطوه عن طريق الطوق التشوك او الزناطه هذا الي صاير بالكويت بس هالطريقه هم مفيده بس هم اتخليه خايف انا ابي اخليه مو خايف اشلون الحين اتعرفون شباب:- اول شي لازم ايكون عندك قفص للجلب صغير او كبير عادي يعني ينشال معاك اي مكان تبيه او لازم اتعرف انه الجلب حيوان له غريزه او انت تبي اتعدلها اشلون عن طريق التدريب انتو الحين عرفتو شنو لازم ايكون عندكم اول شي حط القطوه في غرفه اي غرفه او خل الجلب بالحوش مع اخوك او اي مكان اربطه اشويه او بعدين خل القفص بالمطبخ او دخل القطوه بالمطبخ طبعا الجلب الحين بره انت الحين دخلت القطوه حطها يم القفص او فجه خلها اتشمه او اهيا رح تستكشفه عدل طبعا او بهذي الطريقه اعرفت انه في حيوان جديد موجود بالبيت او باجر تعال او حط القفص مثل القبل بالمطبخ بس هالمره اتحط على الجلب الليش او تخليه بالقفص او اتطلعه جدام القطوه او تنطر القطوه اشوي اشوي رح اتقرب انت خلك او شوف اول ما ينبح الجلب طشر اشوية ماي على ويها او اذا القطوه حاولت اطقه انت رش عليها اهيا او خلهم على هالطريقه لمده اسبوع او نص بالضبط او اختبره او شوف اذا ما نابح ولا سوه شي جربهم ويا بعض طبعا ايكون معاك الليش او انا انشالله بحط اصور الي لقيتهم بسايت بس مو حاط كل الصور فاعذروني شباب. او تره في اكثر من طريقه بس الطرق الباجيه اتعور صج او شوف انت لازم تستعمل الطريقه الي اتعور بس مرح اتشد عليه كأنه اول مره لانك انت معوده ففي فرق اهني صح :) http://www.leerburg.com/Photos/Cat%20Intro.jpg http://www.leerburg.com/Photos/Lucy%20New%20Apt.jpg او بعدين خلاص راحه ماكو منابح بنص الليالي من سبب القطاوه او الفريييييييييج مرتاح :D http://www.leerburg.com/Photos/cat1.jpg http://www.leerburg.com/Photos/nick.jpg http://www.leerburg.com/Photos/dogcat.jpg http://www.leerburg.com/Photos/kitte...gbox%20002.jpg او تره هالمعلومات كنت ماخذها من قبل تقريبن سنتين بأحد المواقع المشهوره او الي اهناك كلهم ربعي والموقع الي ماخذ منه المعلومات اهو www.leerburg.com وانشالله شباب استفدتو مني :) |
مشاركة: تدريب الكلب ان يكون صديق القط
إستفدنا منك يابوعزوز ومشكور وماقصرت والله أهنيك على الموضوع الرائع والطيب والشرح الجميل جدا وهذه طريقه غير الطرق الي اعرفهم واذكر من فترة ثلاث سنين كلمتني أجنبيه عن طريق الهاتف بأن كلبها لا يريد تقبل القطه الجديده وحاولت مرات وأمرار لتعويدهم على بعض دون جدوى فقلت لها هاتيهم إلي أثنينهم لما اكلمك مره ثانيه تعالي إخذيهم وبالفعل الكلب كان شرس وحاقد على القطه فأتت بالقطه في سيارتها والكلب مع زوجها في السياره الثانيه :) تعرفت عليهم وخذيتهم عندي وبعد اسبوعين كلمتها قتلها تعالي خذي جاشوا ودوتشز في سياره وحده :) :):) يعطيك العافيه وذكري لهذه السالفه هو مجرد تفاعل مع موضوعك الطيب وأشكرك على الموقع الجميل :ANSmile06 مع التحيه المعطره |
مشاركة: تدريب الكلب ان يكون صديق القط
ههههههههههه والله اخوي انزين فيدني اكثر مثل شنو الطرق الي اتعرفها؟علشان نستعملها
اذا ما في ازعاج اخوي لحن الخلود |
مشاركة: تدريب الكلب ان يكون صديق القط
لا إزعاج إطلاقا ياعزيزي فأنت لن تقصر معنا طبعا ومثل منت عارف إن كل كلب له شخصيه وسلوك غير عن الثاني وهنا الاعتماد الكلي في طريقة المعامله . لأنه معاملتك وتلقينك الدروس والتدريبات لأي كلب، ليس متشابه: أحد الطرق التي استخدمها وعلى حسب سلوك وشخصية الكلب * أن يكون هو في قفص والقطه في قفص صغير وفي نفس الغرفه فأنا عندي غرفه كبيره خاصه للكلاب وتدريبهم شبيهه بصالات الرياضه فيكونون على بعد معين وكل واحد فيهم لأول ليله أخليه ينام على فوطه والكلب سيمبح على القطه حتى يمل والقطه ستخاف من النباح حتى تتعود وتعلم إنه لن يطولها وفي اليوم التالي سيخف النابح وابدل الفوطه الي تحتهم وفوطة الكلب اعطيها القطه والقطه اعطيها الكلب ويستمر التبديل بالفوط طوال فترة الترويض. ولا افك الكلب حتى يكون بجانب قفص القطه نهائيا فقط يراها عن بعد واخذه بالمقود إلى الخارج قليلا وارجعه إلى مكانه وكذلك القطه. يوم عن يوم قرب الاقفاص من بعض وبعدين تقريب الكلب بالليش من قفص القطه والكلام معه واذا حاول النباح أزجره ومره على مره حتى يعتاد على الوضع والقطه تكون قد تأقلمت قبل الكلب حتى وقت الطعام حط الاكل يم قفص القطه واذا حاول النباح على القطه او مهاجمتها شيل الاكل وتعاله يوم ثاني وكرر العمليه حتى يكون الوضع طبيعي من ثمه تكون الاقفاص متلاصقه من بعض وترا ان الامان مستتب ومن ثمه تاخذ الكلب في نزهه ولما تجيبه لمكانه تطلق الليش وترى تصرفاته مع القطه وهي بالقفص فسيكون الوضع عادي وستراه احيانن يتبول على قفص القطه هنا ترتاح وفي اليوم التالي تخلي القطه بلا قفص وانت معها وتخلي احد الاصدقاء يأتي بالكلب ويقربه شوي شوي منك ومن القطه وانت تمدحه وتمسح على القطه بأنه أمان وتجعله يشمها قليلا وتبعده على طول وتكرر باليوم التالي حتى تهدأ القطه عن البخ ويهدأ الكلب عن نية الهجوم وأي مشكله أو سلوك غريب له عندي حل ولكن الموضوع هكذا سيطول إذا كثرتلك الاحتمالات والفروض. وروضت على هذه الطريقه عدد 13 كلبا وليس فقط على القطط إنما على الدجاج والحمام والخيول وكلهم الحمد الله تمام ولن تظهر حاله هجوم وحده بالغلط الحمد الله وعلى فكره هناك كلاب كثير تتأقلم بسرعه ولا تحتاج لأغلب الطرق التي ذكرتها فهناك كلاب ودوده ولكن حذره لاتحتاج سوى إعطاءها الثقه والجرأه منك وفي طريقه ثانيه على السريع * تخليهم بالسياره إتركبهم وتمشي ابسرعه القطه في قفص او في يدك والكلب بالليش وتاخذهم بالصيحه والكلام وتلعبهم وتقربهم من بعض وتوخرهم وترد تقربهم والكلب اذا يعض حطله كمام افترو بالسياره ربع ساعه طبعا مو إنت الي تسوق وتنزلون كلكم ربع سويتها مع كلب وكانت الفكره وايد ناجحه حتى لما رديت حق الشباب ونازل معاهم ماتو من الضحك يقولونلي شلون جان افج الكمام والقطه في حظني والكلب يداعبها وكل شي اوكي:) والشغله تحتاج جرأه وملكه لتنبؤ سلوك الكلب وإذا كان في ذهنك أي احتمال أو فرض على هذه الطرق لا تتردد بتقديمه وأهلا بأي استفسار مع التحيه:) |
مشاركة: تدريب الكلب ان يكون صديق القط
والله مشكور اخوي لحن الخلود او اول مره اسمع عن هذي الطريقه
يعطيك العافيه |
مشاركة: تدريب الكلب ان يكون صديق القط
مشكووووووووووووور
أخي بو عزوز و ما قصرت و ما قصر معانا أيضا الأخ لحن الخلوووود مشكووور لكم جميعا |
مشاركة: تدريب الكلب ان يكون صديق القط
العفو اخوي مطلع الشمس
|
مشاركة: تدريب الكلب ان يكون صديق القط
موضوع رائع يعطيك العافيه أخوي بوعزوز
واشكر الاخ لحن الخلود على الاضافه ويعطيكم الف عافيه. |
مشاركة: تدريب الكلب ان يكون صديق القط
الله يعافيك اخوي
|
مشاركة: تدريب الكلب ان يكون صديق القط
الشكر موصول لكم يا أعزائي
والشكر الاول للمبدع بوعزوز :) وفقكم الله جميعا |
| جميع الأوقات بتوقيت GMT +3. الساعة الآن 03:39 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو