|
! قطوو مجُنون !
بسم الله الرحمن الرحيم السلام عليكم بصراحه صار لي موقف وانا راجعه للبيت كيتي طلعت من البوكس مالها ولما وصلت البيت فتحت باب السياره ونزلت ركض على الباب تنطرني افتح وانا نزلت وفجاءه في قطو اسود كبير شقولكم بالضبط حجمه يخوف وشكله رعب بصراحه حجمها عكس القطط متين وبصراحه من شافها وهو كل ليله عند راسي وبصراحه ومرات اقوم مفزوعه من صوته مثل صوت الاطفال الي يصيح وكيتي عيونها طلعت برا تدور الصوت خصوصا لما اكون بالصاله في طوفه اشوفه قاعد مايتحرك لساعات بعدها يروح بس اهو مايشوفني لانه انا بالصاله ويعكس الجام عليه في الظهر عكس بليل يشوفنا ويماوي وخصوصا كيتي توها صغيره يمكن 4 شهور او 3 شهور ونص لونه اسود وحتى مرات اشوفه قبل لااشتري كيتي جلده الي فوق الرقبه متصفطه :confused: شكله غريب احسه مرات مثل حجم الكلاب عزكم الله الصغار حجمه مو طبيعي كلش وبصراحه صار اذيه كل ليله ماعرف انام صوته ماشاء الله الجيران يسمعونه الشارع فاضي بليل مافي همسه الى صوت القطو المزعج |
رد: ! قطوو مجُنون !
:p
لا تخافي الصراحه انا مو فاهمه منك حاجه |
رد: ! قطوو مجُنون !
لا عادي خلي اخوانك يشلونه ويرمونه حارة ثانية او جيبو كلب
اناكان عندنا مجموعة كلاب توقف قدام بيتنا بليل لما الفجر تنابح نزلت لعنت شكلهم وحطيتهم بكيس ورميتهم بحارة ثانية |
رد: ! قطوو مجُنون !
حرااااام
شكله متعور او مجرووح واللــهـ مسكين زيك انتي كمان مو عارفة تنامي ههههههههههههههههههه بس لو تقدر في مرة تخلصو اكل جيبي دجاج او عظم ويكون فيه شوية دجاج وروحي للقط وارميله هي حاولي تخليه يشوفها بس انتبهي مو ترميه قدام الشباك يفضل يستناكم ترموله المرة الجاية ههههههههه سوي هذي الحركة وقوليلنا ايش صارله تحياااتي |
رد: ! قطوو مجُنون !
لالا مو متعور ولا شي وتوني سمعت صوته :"( صج مزعج صج صج مشكله القطط البلديه |
رد: ! قطوو مجُنون !
يمه..:p
ذكرتيني يا هاويه..بقط أسود..بس حجمه تقدرين تقولين طبيعي.. كان دوم ببيتنا..ومأذي خلقتنا..:p فيوم من الأيام..احقطوه الأهل وسدو عليه الطرق..:D وما حد كلها إلا شغالتنا..مسكته ودخلته في خيشه..و شفنا يدها..ماشاء الله لوحة من لوحات بيكاسو..:p وكان كاسر خاطري القطو...بس من جد مزعجنا..أخذه الوالد وانا كنت مرتز معه بالسيارة..:p .. ورحنا مننطقه ثانيه عن بعد 10 دقايق من منظقتنا..وفتحنا له الخيشه وراح يكمل مسيرة حياته في مدينته الجديده..:p فأنتو الله يعينكم..دام شكله ماشاء الله تبارك الله..يبغالكم جمعية الرفق بالحيوان تجي تصيده بهذا مدري وش يسمونه...:p اللي يمسكون فيها الحيوان من بعيد لبعيد.. فيها عصا وطوق..>>يقال له وضح الموضوع..:D الله يعينك يا هاويه..واحنا مرينا من قبل بتجارب..أكثرها ولاادات متعسره بأنصاف الليول..:p تحياتي لك.. |
رد: ! قطوو مجُنون !
وربي نفس ماصار لي مع قطوه لي زمان كانت طالبه التزاوج وشافها قطو أسود وجه مادري كيف صاير يخرررع وكل يوم مغرب يجي لبيتنا ويصايح ينادي قطوتي أززعاج كأنه يعوي قمت عصبت عليه وطلعت له أطرده وأهشهشه ياعليه نظرات وخززز وربي تموت خوف ولله بعدها 3 أيام كووووابيس منه .. الله لايعودها فـ أنتبهي وقطوتك لاتطلعينها ولاتخلينه يشوفها ولاحتى يسمع صوتها حتى يمل ويروووح من كيفه .. |
رد: ! قطوو مجُنون !
اقتباس:
هههههههه كل هذا صار لا مستحيل اكلم احد ياخذه محد يهتم بمثل هالامور اهو الحمدالله اليوم ماجا فكه وعساه مايجي وياذيني زياده صوته بروحه مزعج شكله بروحه رعب مادري منو يبي يمسكه الف شكر على المرور وان شاء الله مانشوفه خير شر |
رد: ! قطوو مجُنون !
اقتباس:
لا اهني فرق انو لانها طالبه التزاوج انا توها 4 شهور تو الناس عليها وبعد اهي كيتي تطلطل بالدريشه وتنام عندها الي برا يشوفها وخصوصا بليل يكون واضح عكس الصبح عاكس لا ماطلعها اهي كلها بالغرفه وبالصاله ابد ماتطلع بس ان شاء الله يارب مايزعجني لانه اليوم ماجا امس صوته كاانه داخل واقولهم في قطو قالو لا مافي شي بس مادري من وين الصوت طلع الله يستر |
رد: ! قطوو مجُنون !
مع احترامي للجميع إلا أن هذا القطو (ليس قطاً)و إنما (جنّي)..
مع أحاول أرعبك أو أخوفك.. بس الحالة الي ذكرتيها عنه (من ضخامته) (غير طبيعي) (جلده متصفط) (لونه) (صوته) (مداومته على مكان و وقت معين=وهذا الأهم) (عدم اعتراض كيتي له) يدل أنه ليس من بني جنسها.. و تستطيعين أن تستفسري أي راقي أو شيخ عن هذا الموضوع.. هذا جني مسلّط عليك أو على إنسان آخر. و بالأخص أنه -كما ذكرتي- موجود قبل وجود قطوتك.. أتمنى أن تتقبلي كلامي .. ليس كلامي من قبيل الخزعبلات.. بل هذا ما أعرفه عن هذا النوع من القطط (المتلبَّسة). تريدين أن تتأكدي.؟ افتحي (أو أقرأي) سورة البقرة كل 3 أيام.. و أفتحي صوت الأذان إذا شفتيه. راح تلاحظينه يشرد و يتضايق. يمكن يقاوم.. بس تالي الأمر ما يقدر يدخل بيتك. و لا يقدر يتعب على بيتكم. بس حده بالشارع. إذا زودها. هدديه(بكلام مفهوم) بسكب موية قرآن عليه. شوفي كيف الاستهزاء و الاستهتار.. و راح تعرفي. |
| جميع الأوقات بتوقيت GMT +3. الساعة الآن 03:26 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو