منتديات تو زوو - القط الخجول كيف التعامل معه !؟

السلام عليكم ورحمة الله وبركاته ..

خلال هالسنتين .. تقريبا ربيت 6 قطط
وكلهم اطباعم مختلفه ولكن ما عانيت منهم في اطباعهم وايد
غير واحد يوم يطلب التزاوج
☹ اغلبهم جنسهم ذكر والحين توني اربي انثى عمرها شهرين

وامس تبنيت انثى عمرها 3 سنوات على حسب كلام راعيتها السابقه ..

قالت انها خجوله وما تختلط بحد ووووو ..
ماشاء الله حلوه القطوه هي قطه محليه
بس شكلها وايد حلو

من امس هالقطوه ما قاعده تاكل وكله تنخش

ماعندها اي مشكله مع قطاوتي لكن مشكلتها معاي انا

اذا بمسكها تتم منزله نفسها نفس اللي تسلم نفسها
لكن بنفس الوقت فجأه تشرد بغيت أقص أظافرها
خافت .. وقطي الذكر يبيها ولكن بنفس الوقت
يسويها لها صوت الحيه ( فحيح الثعبان )
يوم تكون على ريلي ( هل هاي غيره او خوف )

والمشكله حابها مب ان خايف وطول الليل مجابلها
بس يوم لمسها دافعت عن نفسها

للعلم مسوين لها عملية تعقيم للاسف ..

وانا قبل لا اتبناها كنت بين اسوي له عمليه وبين ايب له انثى
محد شجعني على العمليه ..

واصلا انا ماكنت ابي أطفال وقريت البعض اللي يسون عمليه لهم
عادي يطلبون التزاوج .. بس ما يقدرون يحملون ..

لكن يبت له وحده شخصيتها ما قاعده تتوافق معاه هل لان اول يوم !!

لا ماي ولا اكل ولا شي احط يمها تروح تغير مكانها .. وخايفه عليها

وللعلم الاسنان الإماميه طايحه !! هل هشي طبيعي لقطوه عمرها 3 سنوات
انا لاحظت يوم تقول مياو تطلع لسانها 😄

وهم خبرتني ان ماعطتها تطعيماتها .. ومافيها اي مرض

وهي شكليا ما تعاني من شي الا هالخجل او الخوف ..

وماعرف كيف اخليها قط لعوب وتتعود على المكان اللي فيه

واللي يهمني ان تاكل وتشرب بس معقوله ماتحس باليوع
ولا اغرتها ريحة الأكل !؟