|
إلحقوني قططي بتموت
القطط كملت 3 أسابيع لكن أحاول أرضعهم مايرضعوا ويناموا على طول وتقريبا ماأرضعهم في اليوم غير 3مرات يمكن وياليت أرضعهم بشباعه لا مايشبعوا مايبغوا يرضعوا نهائي ويناموا على طول تعبوني إلين ماضعفوا وحسيت فيهم جفاف كثيييير من قلة الرضاعه وأنا لوبيدي كان غصبا عنهم حطيت الحليب مرره وحده في فمهم لأنهم مايبغون يرضعون تعرفون إيش معنى مايبغون يعني مايتركولي فرصة إني أرضعهم على طول يتحركوا كثير ويصرخوا ويناموا و لكن خفت يدخل في رئتهم ويشرقون ويموتوا بسبب كذا فإيش الحل تري مررره تعبت معاهم وأنا قلت بعد كذا مستحيل أربي قطط يرضعوا من كثر ماأعمل فيهم مجهود وقلق عليهم وآخر شئ يموتوا لأنها هذي ثاني مره تحصل لي مو أول مره!
الله يستر تراهم على وشك الموت إيش أسويلهم قبل ناموا مافيهم شئ لكن من أول ماجيت بصحيهم يرضعوا لقيته موقادرين يتحركوا مع إنهم قبل مايناموا ماكان فيهم شئ نهائي والله موذنبي لي قد إيش والله وأنا أحاول فيهم يهربوا من الرضاعه ولا يبغوها وذحين على وشك الموت يصرخوا بشويش وراسهم صار معفوت لورا بدون سبب ومايثبتوا في وقفتهم يعني لمني أرفع رأس واحد فيهم على طول يطيح يعني فقدوا القدرة على الحركه. الله يخليكم ساعدوني وهل لي ذنب فيهم أم هذا عمرهم ومقدر ومكتوب؟! الله يستر ماأدري إيش أسوي فيهم فالله يسعدكم دنيا وآخرة إنكم تسمعوني نصائحكم في هذي الحاله ولكم جزيل الشكر وخالص الدعوات إن شاء الله! |
رد: إلحقوني قططي بتموت
توهم صغار يعني مو كل الحليب لازم يشرونه
|
رد: إلحقوني قططي بتموت
اقتباس:
ممكن لو امهم غير موجوده تشوف اي ام مرضعه وتخلي القطاوه يرضعوا منها الرضاعه مفروض كل ساعتين اوثلاث رضعه ولحد ماينتفخ بطنهم انهم شبعوا بعدها تمسح منطقة الاخراج انا مادري ايش ظروفك بس اذا انتي حاولتي ترضعينهم وسويتي اللي عليك ماعليك ذنب ان شاءالله استعملي رضاعه الكيتن بمحلات الحيوانات والرضاعه تخليهم عالارض وترفعي راسهم مو على ظهرهم عشان مايشرقوا لوكملوا شهر ممكن تعوديهم على الشرب من الصحن واكل اشياء خفيفه مره الله يجزاك خير عندك ضمير مو زي بعض الناس مايحسوا |
رد: إلحقوني قططي بتموت
لاتخاف ماراح يشرقون السفنجه تنظم مرور الحليب
اهم شي هل جربت الطريقه الرضاعه اللي قلت لك عليها خلك معي خطوه بخطوه وبأذن الله بيعيشون حط الحليب بالرضاعه وبلل السفنجه لين تتشبع بالحليب اهم شي يكون الحيب مخفف اذا كان بقري قرب السفنجه المبلله من فم القط وحاول تدخلها بهدوء لاتغصبها على ادخالها لازم يتذوق الحليب ويدخل الحليب في فمه بهدوء بتلاقيه بدا يتقبل الرضاعه ويبدا يمزمز ويرضع وهو مبسوط انت لازم يكون عندك صبر وتكون هادي سوي اللي قلت لك عليه حاليا وطمنيي انا معك للفجر |
| جميع الأوقات بتوقيت GMT +3. الساعة الآن 12:54 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو