منتديات تو زوو - يا صاحبي لا شك والشوق سلطان

ياصاحبي والشوق لاشك سلطان
ياصاحبي والقلب نبضه سجيني

ياصاحبي والطير مكسورجنحان
جيت اشتكي لك ضيقتي ياعويني

جيتك واشوفك لاتضايقت عنوان
ماغيّرك فعل الدهر والسنيني

وافي وأعرفك ماتغيرك الأزمان
باقي مكانك بالوفا كل حيني

ياصاحبي قلبي تولاّه سجان
ماراف لآخر رحلتي مقتفيني

اشقاه واشقاني تناهيد واحزان
معلاقهامابين خدي وعيني

منطوقها لوحه بلاحرف ولسان
مرسامها دمعي شقاي وونيني

ياليت مضنوني عطاياه نكران
وادري واشوفه للوفا مايليني

نكّار جاحد بايع الود خّوان
عجّاب حضرت كِبرته تبتليني

عشان يقفي به ثمانين شيطان
بقريح واتلى قلعته وآدريني

يلقى بواااره مايماريه كسبان
والمشترين بسلعته زاهديني

واصير زاهدبه ولاني بخسران
مادامني والف رضى كاسبيني

المشكله مالك بالأضلاع بنيان
حاكم وأعرفه خيرة الحاكميني

حاكم شراييني تحبه ولوكان
تكوين ضعفه ماتحمل ونيني

دايم يجازيني وداده بالأحسان
حاني ودايم باالعطا يحتضيني

الله ياهي شوفته عندي إدمان
أصبح مكانه بالحنايا مكيني

صافي تواصيفه تواصيف هتان
وافي حنينه بالعطش يرتويني

لالي عزا يجبر ولاعنه سلوان
غربة ضياع بغيبته تبتليني

ياصاحبي يبست مواريق وأغصان
عقبه تقلب باالحسافه يديني

عيت تجيبه بالصواديف الأحيان
وعييت لاأصبروأنتضروأستكيني

روحي مشاعرهامواقيد نيران
توقد مشاعلها بوارق حنيني

وترصد روافدها محاذير الأجفان
خيرة سهرها ضيقتي تصطفيني

ياصاحبي حيران لاقلت حيران
واشوف وحشة غربتي تحتويني

طال أنتظاري حارس اليل سهران
أرقب مراسيل الحبايب تجيني

ماهي رسايل زينوها باالألوان
وحطو يمين اقلوبها ياسميني

إلا ملامح يحتويها بالأحضان
مشتاق يقضي بالقا حاجتيني

الأوله ترتاح احاسيس وجدان
والثانيه لجل احتري دافنيني

ماعاد قلبي يحتمل هجر خلان
خليت مالي بالقناعه يقيني

... مما راق لي ...

منقووووول لعيونكم
اختكم
نادر وجودي