السلام عليكم و رحمة الله وبركاته

كل عام و أنتم بخير بمناسبة رمضان أعاده الله علينا وعليكم بالمسرات واجعلنا يارب من العابدين الصائمين المقبولين التائبي.

قبل أربع أيام تقريباً أخوي جاب لي هدية ببغاء أنثى و ذكر الدرة الهندية >> الهدية ورائها نية مش كويسه للاسف يبغاهم يتكاثروا و أنا أبغاهم يتكلموا :(
عمرهم سنة يقولوا
هذي صورهم

http://im49.gulfup.com/RXNtbT.jpg

للأسف ما أعرف أي شيء عنهم نهائي حاولت أدور بس الغالب عن الصغار
من لما وصلوا و هم خايفين من أي حركة و يهربوا لنهاية القفص مغطية كل جهات القفص بغطاء و مخليه الجهة الامامية
طبعاً البيت مو هادي ما شاء الله و غير كذا حاولت أخليهم بغرفة لحالهم ما نفع
و حركة أني أسكت عنهم فيه غيري يكلمهم لذلك ماتنفع :confused:
و أغلب الوقت بس أكل و يدفوا بعض عشان الاماكن
صح أوقات يتضاربوا أسمع صرخه بس لما اقرب منهم يختفي الصوت >> بالعربي مالهم صوت الا بالمضاربه
و كمان يحاولوا يفتحوا القفص كثير مدري يمكن لاني بطلعهم بالحوش الصباح و العصر أوقات و اوقات لا , بس تغيير جوا حرام :shy::D

كيف ممكن أتعامل معاهم كنت بتمنى يطلع لهم صوت بالبيت حتى لو أزعاج بس أفضل من حالهم كذا ؟!
و أيش ممكن أطعميهم غير الحبوب و التفاح ؟
و متى يفضل أحط لهم أكل ؟ >> لانو أمس و اليوم لما أنسى تفاجاءت أنو الذكر يقرب من القفص حتى لو أنا بجنب القفص و يحرك علبة الاكل و لما أحط يأكلوا :D
وهل يفضل أفصلهم عن بعض عشان أقدر اعود كل واحد لحاله ؟!

و ياليت لو انا ناسيه شيء بخصوصهم تنبهوني
صح فيه حساسية من الطيور و أو يتخيل لي من يوم وصلوا و أنا مو طبيعيه :D



و إذا تعرفوا طبيب بيطيري جيد بالمدينة المنورة أرجو أرشادي أيضاً :shy:

أعتذر على الاطاله بس لازم أعرف لاني بجد أحب الببغاءوات كثير

و شكراً