ساعدوني طيري مريص
 

السلام عليكم

اخباركم ان شالله تمام المهم

ببغاي كاسكو عمره حوالي 3 سنين تقريبا

نجي للمهم وهو نوع المرض، ابقولكم الاعراض الي الواضحه

عنده فتحة الانف الي يمين فيها شوي ماء او وسخ وعينه اليمين ما يفتحه الا قليل وفيها انتفاخ فوق العين

ورحت بالطير لم بيطري واحة الحيوان الي بالملز وقال ان الطير فيه

فيه التهاب بالجيوب الانفيه الخارجيه وصرف لي دواء وهو

بودره تحط مع الماء لونه صفراء وقطره قالي تنقط بكل العينين

ومن نفسي حطيتله ليمون مع الماء فهل يضره هاذا

وعندي تساؤلات هل البرد يضره او لا وهل تنويع الاكل يضره مثل التفاح غيره

لو اعرضه للشمس يضره ولو اروشه يضره او لا

رد: ساعدوني طيري مريص
 

الله يشفيه ان شاء الله
بس الليمون ماينفع لازم البورده لحالها مع المويه بدون ليمون
وحاليا لاتعرضه للبرد ابدا ابدا ولاتروشه نهائيا الا لما يشفى تماما باذن الله

رد: ساعدوني طيري مريص
 

ماقصرت اخوي بيبي كات

بس بغيت اسأل هل هاذا المرض معدي او لا لان عندي طير ثاني

رد: ساعدوني طيري مريص
 

انا بعد طيري نفس الحاله الحين انتقل للعيـن الثانيه صار مايفتحها الا شوي والي ع اليسار مقفله مره واحسها
زي ماقلت مورمــه ولونها مخضـر وماني عارفه وش اسسوي
واحد من الاخوان في المنتدى الله يجزاه بالخيـر قالي حطي في المويه نص ثوم مع قطرتين ليمون وحطيت له
ومن اليوم اششربه بصراحه انا نفس حالتك
ماني عارفه وش اسسسوي وديته البيطري وعطاني فيتامـينات ومانفعت

رد: ساعدوني طيري مريص
 

والله اذا معدي ولا لا ماعندي خبر بس من كلام اختي بنت الشرقيه شكله معدي
الافضل تعزل الطير لحد مايتحسن الاحتياط واجب

رد: ساعدوني طيري مريص
 

تحية طيبة وبعد

اخواني عندي طير من قبل العيد بيومين مرض مثل مرض طيوركم

وخليته على العلاجات شهر كامل بدون فايدة يطيب يوم ويمرض عشرة


نصحني واحد اودي طيري عند رجال بسوق الطيور [ اسمه أبو معاذ / وأبو محمد ] كلهم في محل واحد

طبعاً شغلة أنك كل يومين أو ثلاثة تودي الطير له لكن على أجر

الحمد لله طيري تغير حاله وصار ياكل ويصصفر مثل أول

ومازلت أراجع فيه عند ابو محمد راعي الطيور

رد: ساعدوني طيري مريص
 

السلام عليكم

هذا المرض يسمي مرض الدمعة وهو معدي وهوعبارة عن مرض بالجهاز التنفسي

مما ينتج عنه انسداد بالجيوب الانفية وتورم ووجود صديد وقيح يخرج من احد العينين

ثم الاخري وينتهي بالموت ان لم يعالج جيدا علما بأن المرض يحتاج الي فترة طويلة من

العلاج بدون توقف حتي لاينتكس الطير وافضل المضادات الحيوية هو التايلان 1 سم لكل لتر ماء

ويمكن ان ينقط بالعين وايضا يمكن علاجه باقراص تذاب بالماء orni- tab قرص لكل 150 سم ماء

وقاكم جميعا وطيوركم شر الامراض

رد: ساعدوني طيري مريص
 

شكرا اخوي على المعلومات المفيده والمرعبه :(
الله يكفينا الشر ويشفي طير اخونا ان شاء الله
بس السؤال هل هو معدي علشان يعزل الطير عن البقيه ولا لاء

رد: ساعدوني طيري مريص
 

اخوي البيطري الي بواحه الحيوان صدقني هلسوداني ماااااعند سالفه ابد
موت طيري ياااااااحرقت فلبي عليه بس ...الله لايسامحه
شوف البيطري الي قال عليه اخونا في السوق ان شاء الله ينفعك وكلها بيد الله الله يشفي طيوركم

رد: ساعدوني طيري مريص
 

الله يشفيهم مثل ماقالت كاتي شف لك

بيطري ثاني