منتديات تو زوو - اريد طريقة ؟؟؟

فيه طريقة انا جربتها مع كرواني ليمون ونفعت معي الحمدلله ..

أول شيء يكون جناحة مقصوص يكون أسهل وأفضل في التدريب ..

خله يمشي في أرض الغرفة المغلقة وراح يدور على أي مكان عشان يحاول يحمي نفسه منك .. أنت دورك هنا انك تحاول تخليه يروح للزاويه ويجلس فيها .

أجلس معه شوي في الزاوية ويمكن بيجلس ينفخ عليك ويبدأ يهز ويروح ويجي ((ينقال اني أخوف ))

مد يدك له وحطها قريبة من رجلة . بيحاول ينحاش أو ما يرفى خير شر بس معليش أصبر شوي .

راح يبدأ مفعول فائدة الزاوية:
اذا شاف مافيه مفر منك غير انه يطلع على يدك راح يطلع .. رجعه للقفص وخله يرتاح ويهدأ ..

جرب هالطريقة مرتين لثلاث في اليوم أو على حسب فظوتك وراح يبدأ الكوكاتيل تلقائي من يشوف يدك يطلع عليها .

أتمنى أكون أفدتك وراح ننتظر النتيجة وان شاء الله مايصير الا الخير .

أما بالنسبة للتحميم فمثل ماقال icare حط له صحن كبير شوي فيه ماء بس انتبه يكون عميق أو كثير لايتعدى ال2_3 سم

وهو راح يتحمم لحاله اذا كان له رغبة .. وأحسن وقت للحمام هو الصبح .