منتديات تو زوو - مشاكل مع اناث البادجي

منتديات تو زوو (http://www.2zoo.com/vb/index.php)

- سؤال و جواب لقسم هواة طيور البادجي (http://www.2zoo.com/vb/forumdisplay.php?f=98)

- - مشاكل مع اناث البادجي (http://www.2zoo.com/vb/showthread.php?t=357480)

مشاكل مع اناث البادجي

السلام عليكم
عندي انثى من العصر لين المغرب كانت في ارضيه القفص ومره باين تعبانه
وعندها بيضه من اسبوع واحس البيضه الثانيه ببطنها جاها انحباس
وتركتها يوم رجعت لقيتها ميته وفي راسها شويه دم وبيضتها وين احطها لين تفقس
السؤال الثاني
عندي انثى ثانيه باضت اربع بيضات تمام وملقحه بس انها ماتحضنها كثير
او تحضنها لين يجي موعد البيضه التاليه والاقيها تعبانه مره وب ارضيه القفص
والحمدلله طلعت البيضه بس شفتها زي اللي ممكسوره ومعفسه وش السبب
وليش الانثى ماتحضن البيض ؟

رد: مشاكل مع اناث البادجي

عليكم السلام ورحمة الله وبركاته
الله يعوضك خير في الأنثى الأولى والبيضة حطيها تحت أنثى حاضنة بيض .
بالنسبة للأنثى الثانية ممكن هناك إزعاج لذلك لا تحضن البيض جيدا وتخرج من البياضة.وفري لها الهدوء .أو ممكن بسبب عسر إخراج البيض .أريحيها بعد هذا التفريخ مدة وبعدها أدخليها في دورة إنتاج جديدة.
بالتوفيق يارب

رد: مشاكل مع اناث البادجي

المشكله ماعندي الا ثنتين اناث وحده ماتت وحده ماتحضن بيضها
جزاك الله خير ربي يسعدك

رد: مشاكل مع اناث البادجي

السلام عليكم
نعم أختي ضعيها تحت الانثى الثانية .
بالنسبة للانثى الثانية هل هاته أول مرة تبيض ؟
هو عدم حضن الأنثى للبيض أسباب كثيرة :
1 - البياضة غير مناسبة .كان تكون صغيرة أو كبيرة وفتحة البياضة كذلك لها دور فكبرها يؤدي إلى دخول النور للداخل والظلمة عامل مشجع لكي تحضن الانثى البيض بإستمرار.
2 - كثرة الإزعاج والتطفل من قبل المربي وعدم إحساس الأنثى بالراحة والامان.
3 - كثرة عدد البيض مما يرهق الانثى.وإرهاقها بكثرة الإنتاج.
4 - الذكر ومحاولاته بالتزاوج ومغازلاته.أو رغبة الأنثى في التزاوج .
5 - مرض الانثى .
6 - قلة خبرتها في حضن البيض كأن يكون أول إنتاج لها.
أرجو أن أكون قد ساعدتك .أنت راقبي الوضع عندك وحددي السبب وعالجيه وإن إحتجتي لأي مساعدة أنا حاظرة حبيبتي
بالتوفيق ويارب يفقس البيض وتفرحي بالفراخ يارب

رد: مشاكل مع اناث البادجي

ابشرك حطيت البيض عند الانثى الثانيه وشفتها اكلت بيضتين مره انقهرت
شلت عنها البيضتين الباقيه وخليتها بالعش والعش شلته من القفص
لا الانثى تقريبا عمرها سته شهور وذكرها نفس العمر
والبيض فيه فروخ لمن اكلت البيض لاني شفت الفرخ باقي له اربع ايام تقريبا ويفقس
يعطيك العافيه ياقلبي .

رد: مشاكل مع اناث البادجي

السلام عليكم
ستة شهور مازالها صغيرة يستحسن تزويج الإناث في عمر سبعة أو ثمان شهور .الواضح قلة خبرة منها .لكن أكيد في المرة القادمة راح تغير من طباعها .المهم إحرصي على توفير الهدوء لها .أريحيها هذا الشهر واهتمي بالتغذية والكالسيوم ولا تضعي العش بالقفص ضعيه لما تبلغ سبع شهور.
بالتوفيق يارب وتشوفي أحلى إنتاج