البورميس انهبلت!!!!! O_o
زعفرانه طولت من 73سم الى 104سم من آخر مره بدلت جلدها و مستغربه الطول الي جا فجئه هل هذا شيء عادي؟؟؟؟؟؟ __________________________ و الحين صارت شهيتها مفتوحه لاي شيء مستعده تاكل هامسترين بنفس الوقت بس ما ابي اعطيها هامسترين اخاف تتعود O_o هل لاني حاطه الهامسترات بنفس الغرفه و ريحتهم مجننتها؟؟؟؟ او طولها له دخل بالسالفه؟؟؟؟ الاسبوع الماضي كان المفروض ااكلها صباح السبت بس انشغلت و قلت باكلها الاحد بالليل طلعتها سبحتها و حطيتها على المكتب قبال لاب توب و قاعده اكتب شفتها رافعه راسها و تطلع لسانها قلت يمكن تدور شيء تمشي عليه حطيت لها يدي و عضتنني بسرعه و هدتني *_* ما حسيت بالعضه اخذت لها ثواني بعدين طلع دم و ثاني يوم اختفت العضه يعني مو شيء يذكر بس الي انا مستغربه منه ليييييييييييه عضتني؟؟؟؟؟؟؟؟؟؟ |
رد: البورميس انهبلت!!!!! O_o
تعبر عن حبها لج و إشاره انج تكونين وجبه لها مستقبلاً ~
< بره :D ولله شوفي البايثون عموماً ، حيايه عجيبه ، تكبر بسرعه ،، بالسنه الأولى من حياتها ممكن توصل لـ مترين و 25 سانتي يمكن انتي مو متأكد من طولها قبل 30 سانتي ما تصير بمره وحده :D ،، او سؤال انتي قاعده تقيسين زعفرانه نفسها ولا تقيسين اليلد ؟ ترى اليلد يطلع أطول منها :D ،، و العضه عادي ، تقولين توها مبدله اليلد يعني بتكون شهيتها مفتوحه عالآآآخر ~ و العضه تقولين الهامستر بنفس الغرفه و هالشي غلط بتكون شامه ريحته و تدوره و تعرفين البورميس ما تعمتد عالبصر أكثر شي تعتمد عليه الريحه ، فأي شي يتحرك بتعضه ،، و مرات يكونون متنرفزين فـ تعض ، توقعي انج تنعضين كل يوم عادي < مو معناه بتعض كل يوم :D ناس سنين يربون و ما انعضو و ناس كل شهر و غيرهم كل اسبوع و غيرهم كل يوم بعد :D و عادي لو بتكثرين الوجبه كثري ،، |
رد: البورميس انهبلت!!!!! O_o
ما شاء الله عليك بايثن تحب تطمن العالم
^_^ مشكور لوووووووووووووووووووول لا زعفرانه حبوبه شحلاتها بس الله يستر اذا كبرت حاليا بعد ما عضتني مستهتره بعضتها مو شيء ينخاف منه لو تعض اليد بس الخوف تعض بالوجه _______________ بس بدلت من زمان اكلتها 3 مرات على ما اعتقد من 17ديسمبر يعني 23 يوم يعني 3 اسابيع يعني شهر الى 5 ايام <<<<< تبي تقول ان صار لها شهر بس ما تبي تطلع كذابه لان لو شهر بكون اكلتها 4 _______________ و عن اكثر عادي لو عطيتها 2 و الاسبوع الجاي 1؟؟؟؟؟ |
رد: البورميس انهبلت!!!!! O_o
اي عادي ^^
|
رد: البورميس انهبلت!!!!! O_o
بايثون أسلوبك وايد يفرح ويطمن من زمااااان و انت دايما تحبط هههه حلوه وجبه بالمستقبل
مثل ماقال بايثون الاصلات يكبرون بسرعه و خصوصا البورميه والشبكيه وبالنسبه للوجبه عادي عطيها ٢ او عطيها وجبه اكبر أنا البورميه الي عندي أعطيها سمانتين او سمانه و أرنب صغير او ٢ جرذ كبير يكون طوله اكبر من ٢٠ سانتي ( موقاعد أبالغ ) حجمه يخرع بما ان حجمها زاد شي بديهي وجباتها تكبر يعني مو معقوله بيصير طولها مترين او ٣ و انتي ليلحين تعطينها هامستر واحد وبالنسبه للعضه يمكن كنتي ماسكه هامستر وريحته موجوده بإيدك وعضتك |
رد: البورميس انهبلت!!!!! O_o
من وين تجيب الجرذان؟؟؟؟
ما عندنا جرذان عندنا فيران و هامسترات و وبر و ارانب بس انت الي عندك كبيره ؟؟؟ زعفرانه طولها متر الهامستر الكبير تقدر تبلعه بس بصعوبه يعني ما اتوقع تقدر تبلع جرذ 20سم و عن العضه ما امسك الهامسترات و لو صار و لمستهم اروح اغسل يديني لانها تسبب لي حساسيه فاكيد مو هذا السبب اتوقع زي ما قال بايثن بصير وجبتها المستقبليه -_- |
رد: البورميس انهبلت!!!!! O_o
عادي مرات حركة إيدج أو تكون شامه شي و تنطر الأكل
شافت ايدج عبالها أكلها :D . . |
رد: البورميس انهبلت!!!!! O_o
الجردان من سوق الحمام بس مو الجرذان الوسخه لا لا لا جرذان نظيفه نفس فيران المختبرات الي لونهم ابيض
اتوقع انها تقدر تاكل وبر من الحجم العادي الوسط لاهو كبير ولا صغير انا الي عندي طولها من 170-175 تقريبا تاكل ارنب بس مايكون كبير وبعد الارنب اعطيها سمانه انتي اذا حاسه ان وجبتها صغيره عطيها 2 هامستر بالوجبه الوحده |
رد: البورميس انهبلت!!!!! O_o
اصلتك بالطول هذا ممكن تاكل من 3 الى 4 هامستر روسي أو من 2 الى 3 هامستر سوري وللعلم راح تكبر بشكل اسرع لأن كمية الغذاء يؤثر على سرعة نموهاوالعكس صحيح . و أنا انصحك بما أن سعر الهامستر غالي ممكن تعطينها صيصان دجاج طبعا ما تكون من المصبوغة بالالوان . وتحاولين تبدلين نوع الاكل بين الهامستر والصيصان لأنها اذا تعودت على نوع معين تصير ترفض تاكل اي نوع ثاني من الغذاء . ممكن هي حاليا تاكل من 3 الى 4 صيصان . |
رد: البورميس انهبلت!!!!! O_o
انا اربي الهامسترات يعني مو مشكله عندي الاكل بس زي ما تقول الاكل له دور بالنمو
يعني لو ااكلها اكثر بتكبر اكثر؟ انا يوم بدلت جلدها آخر مره صرت اخاف منها صارت اقوى و اطول و هذا بس شيء بسيط كيف لو كبرت اسرع ؟ ما اتوقع راح اقدر اخليها عندي بعد كذا لان حاطه في بالي بعد سنه تقريبا راح افصل لها حوض اكبر لو كبرت اسرع من ما انا حاطه في بالي لازم ابيعها |
جميع الأوقات بتوقيت GMT +3. الساعة الآن 10:22 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو