نريد تصحيح بعض المفاهيم , نحتاج مربين خبره
 

السلام عليكم و رحمة الله و بركاته

توجد مفاهيم خاطئه لدى باعة الببغاوات و تجارها

بتكلم بالعاميه عشان الصوره تكون اوضح:D

انا لست بالخبير صراحه لاكن ما اشوفها منطقيه اطلاقا
و اكثر شيئ منتشر لدى الباعه و المخدوع فيها الزبون وهو مغلوب على امره ويصدق بعض الاقوايل وان كانت صحيحة بنسبه بسيطه جدا
هنالك نقطتين

عمر الطير
متى يعتبر الببغاء فرخ ؟
هو اكيد بشكل عام يعتمد على نوع الببغاء فسن البلوغ مختلف من نوع لآخر من البادجي الى المكاو

على سبيل المثال و بما ان اكثر انواع الببغاء الناطقه مبيعا في السوق هو الكاسكو

متى يعتبر فرخ هل هو أقل من سنه أو سنه و نصف
انا شخصيا كنت في احد الاسواق الشعبيه و شفت كاسكو سئلته كم عمره قالي فرخ
قلت كم مواليده
قالي اخر 2014 ؟!!
نريد تصحيح هذا المفهوم

نقطه اخرى مهمه ايضا بخصوص مايدعي بعضه انه طفره

اول شي نعرف الطفره الوراثيه او الجينيه
هو اي تغير يحصل في DNA أو في الكروموسومات اللتي تحتوي الDNA وهذه هي اللتي تحمل الصفات الوراثيه هذا تعريف مبسط جدا
ينشئ منها تغير في الصفات الجسديه او الوضيفيه او غيرها

معضمنا سمع عن تشوهات في الاطفال سببها الاشعه هذه ايضا تمسى طفره جنينه بسبب دخول الاشعه لنفس الكروموسمات و تغيير او تشويه ترتيبها و كفايه تعمق مايحتاج:(


لسان حال البائع

طيري طفره و طفره و على الطالعه و النازله طفره و يصقع سعره فوق
انت الزبون الفاهم او لديك خلفيه تدور وينها تلاقيها ريشه ولا ريشتين في بطن الطير فيها شوية لون أحمر :wao:
حتى لو كان أكثر يعني يادوب تشوفها
و الزبون المبتدئ ينخدع بهذا الشي

متى تستحق الطفره الوراثيه دفع المبلغ الزائد عن مثيلاتها العاديه
بمعنى اخر متى نقول هذي فعلا طفره و تستحق هذا المصطلح و متى مانقدر نقول كذا :confused:

http://store2.up-00.com/2016-04/146053697257541.jpg



http://store2.up-00.com/2016-04/146053697262182.jpg




http://store2.up-00.com/2016-04/146053697267913.jpg





أعذروني على الإطاله و شكرا لكم

رد: نريد تصحيح بعض المفاهيم , نحتاج مربين خبره
 

جزاك الله خير ، موضوع مفيد تشكر عليه
بخصوص العمر انا من وجهة نظري وحسب تجارب وتربيه من سنوات طويله
ذكاء و نطق الطير لا يعتمد على صغر سنه هذي معلومه خاطئه
والدليل عندي احد طيوري ما شاء الله تبارك الله عمره اكثر من ثلاث سنين ما شاء الله لا قوة الا بالله
ينطق و بوقت قصير الكلمات

اغلب اللي بالسوق وفي المنتديات أيضاً يقعد يمدح بضاعته
طير صغير فرخ منوة للي يبي يلقن و يربي ...الخ
والحقيقه مفهومهم خاطئ و مع احترامي لبعضهم ما يفقه شيء بالطيور

وبالنسبه للطفره هذي تعتبر ميزه بالطير
أحيان تحصلها بالاظافر بيضاء
و تجي على الريش

سبحان الله عندي طير صيد شريته قبل سنه تقريباً كان ريشه عادي
الان ما شاء الله طلعت له طفرات متفرقه في الظهر و بالصدر وقرب الذيل
لكن لاحظت فيه مشكله و ما اعتقد تأثر
لاحظت احد اظافره طويل جداً ماخذ لفه دائريه مثل حلقة المفاتيح سبحان الله
هذي ما تقدر تقصها او تبردها سبحان الله

ومن المواقف المضحكه شفتها بالسوق لقيت طير انا وياه وسمته ب 1800 الصراحه حجم ولون اعجبني
قالي لا بعيد من البيع قلت له ليه ؟
قالي في طفره بأظافره
اناظر فيها لقيت اظفرين ماهي موجوده (عيب خلقي)
قلت له هذي بالله طفره ؟؟
وهونت عن الشراء

اسف على الاطاله ..

رد: نريد تصحيح بعض المفاهيم , نحتاج مربين خبره
 

لا مافي اطاله ولا شي خوك
أسعدني مرورك و جهة نظرك و اتفق معك فعلا

ايضا بحسب تربيتي نقطه ثالثه

هي موضوع الهدد

ربيت كثير ببغاوات بأنواع مختلفه يستثنى منها الكاسكو و ان شاء الله قريب امتلكه و ايضا الامزون
المهم لاحظت ان الفرخ وهوصغير اذا عودته على حركه و تناديه يجيك
لاكن من يكبر يصير يطنشك مو دايم يسمع كلامك و يجي
احد الاسباب اني لم اكن ادربه بستمرار طبعا

لاكن الشاهد ان كثير من البائعين يعرض طيره وهو في هذا السن و يقول للزبون هدد
الزبون المسكين يناديه مره ولا مرتين شاف طيره مطيع
طلع برى الشارع و طار طيره ولا رجع له
تلاقيه يعلن عنه في حراج او في الواتس
المشكله انه خسر طير بمبلغ و قدره
يلوناب او كاسكو و احيانا مكاو
شنو استفاد الحين ؟؟!!!

رد: نريد تصحيح بعض المفاهيم , نحتاج مربين خبره
 

انا اشوف الكاسيكوات عادي تربيه وأهوه كبير من عمر سنه وسنتين وافضل من عمر سنه وشهرين مناعه قويه غير الفرخ الا تحت السنه المناعة ضعيفه جداً وممكن يموت في اي لحظه وياما شفنا مواضيع تخص الأعضاء عن فراخ الكاسيكو سرعة مرضها وموتها السريع

اما بنسبه حق بغبغاوات الأمازون الأفضل التربيه من عمر ٧ شهور فراخ الامازونات مناعتها اقوى من فراخ الكاسيكو بكثير تحصلها حتى لو مرضت تقاوم المرض وتشفى منه باْذن الله والامازونات الأفضل تربيتها وهيه في عمر شهور عشان ترتبط معاك بعلاقه قويه وتتفاعل معاك وتكلم اما الامازونات الكبيرة من عمر سنتين وفوق قلليل منها راح يتجاوب معاك واغلبها راح تكون اصنام تاكل وتشرب ولا تسوي شي عكس الكاسيكو اللي ممكن تربيه وأهوه كبير ويتعلم ويتروض


Sent from my iPhone using 2zoo.com mobile app