منتديات تو زوو - سلحفاتي ما تاكل :(

منتديات تو زوو (http://www.2zoo.com/vb/index.php)

- سؤال و جواب لقسم هواة الزواحف (http://www.2zoo.com/vb/forumdisplay.php?f=60)

- - سلحفاتي ما تاكل :( (http://www.2zoo.com/vb/showthread.php?t=203417)

سلحفاتي ما تاكل :(

السلام عليكم

عندي سلحفاه شريتها من اسبوعين " Baby Turtile" - Red ear slider"
اول ما اقرب من الحوض او اقرب ايدي من الحوض تدخل راسها
ولما اعطيها اكل اطلعها من الاكواريوم " وهي تعيش لحالها ما في اي سلحفاه ثانيه او سمك" احطها في حوض صغير واعطيها اكل على سطح الماي
لما تشوف الاكل يتحرك تخاف وتدخل راسها داخل
ولما احطه بمكان المخصص للاكل ما تقرب منه تقعد داخل الماي
اعطيها اكل العلف الاخضر المخصص للسلاحف واعطيها روبيان مجفف مش راضيه تاكل و بديت الاحظ الوزن خف ونشاطها قل

لما اشتريتها من المحل كانت تعيش مع مجموعه وكانت نشيطه عشان كذا اخترتها
هل يكون السبب لانها وحيده؟
او عندها بيات شتوي ؟

انتظر نصائحكم

رد: سلحفاتي ما تاكل :(

اقتباس:

المشاركة الأصلية كتبت بواسطة هكذا اذن (المشاركة 1976367)

و عليكم السلام و رحمة الله و بركاته
كم درجة الحرارة في الحوض ( بالمقياس الالكتروني ؟ )

رد: سلحفاتي ما تاكل :(

هل يكون السبب لانها وحيده؟ نعم او امكن مريضة
لازم تجيب وحدة ثانية تونسها

او عندها بيات شتوي ؟ ماعتقد انهاتسوي بيات شتوي

رد: سلحفاتي ما تاكل :(

نفـــس حالـــة السلاحف اللي عندي

صارلهــن فترة ما اكلــوا شي .

رد: سلحفاتي ما تاكل :(

درجه الحراره 22 سيليزي كا فيه ولا ازيد ؟ مستوى الماي انها ترفع راسها وتتنفس

والمقياس الحراري ادخله بالماي عادي ما بيحرق السلحفاه اذا قربت منه ؟

رد: سلحفاتي ما تاكل :(

اقتباس:

المشاركة الأصلية كتبت بواسطة هكذا اذن (المشاركة 1976485)

المقياس مو اي مقياس في مقياسات تستخدم لاحواض السمك تشتريهم من محلات السمك او من نفس المحل اللي اشتريتي منه السلحفاة

الحرارة خليها 27 ( يعني اشتري سخان ) و الواط يكون حسب كبر الحوض

رد: سلحفاتي ما تاكل :(

عندي سخان حطيته على 25
غيره ما عندي

رد: سلحفاتي ما تاكل :(

الحمد الله اليوم شفتها تاكل ^^

رفعت الحراره على 27 على طول سبحت قريب من السخان وصارت نشيطه
فالمشكله مشكله الحراره

شكرا للجميع على الرد ومساعدتي بالموضوع