|
استفسارات عن الاغوانا
السلام عليكم ورحمة الله وبركاته
كيفكم شباب ان شاء الله طيبين المهم انا من اشد معجبين بـ الاغوانا لدرجه فكرت اشتري وحده صغيره واهتم فيهالكن ابي اجوبه سريعه للاسئله لاهنتم ما اكلها المخصص ؟ طرق التربيه ؟ المعيشه كيف ؟ وسعر جهاز الرطوبه بكم ؟ (بالسعوديه )}{الشرقيه}ْ؟ وكيف اعرف درجه الضوء ؟ هل هو اليف ام شبه وحشي ؟المعذره علا اطاله الاسسئله ولكن مجرد اهتمام ...!انتظر الرد جزاكم الله خيرإ...ْ~ |
رد: استفسارات عن الاغوانا
في أكل معلب يحتوي على فيتامينات و هالسوالف
لكن اكلها الأساسي خضروات و فواكه طريقة التربيه مستحيل أشرحها برد ، تقدر تقرى بالمواضيع بالمنتدى او تقدر تشوف بيوتيوب ، و المعيشه لو تقصد حوضها ؟ هم شوفه بيوتيوب أحسن و سو نفسه ~ سعر الجهاز ما اعرفه لكن تقدر تستخدم بخاخ ماي و ترش ، لكن اشتر ترمومتر " مقياس درجة الحراره " و مقياس الرطوبه ، ينباعون مع بعض يكون فيه عدادين واحد لدرجة الحراره و الثاني للرطوبه و حافظ عالحراره تكون ما بين الـ 27 - 32 بالنهار و الليل 25 - 28 ، و الرطوبه حول الـ 70% درجة الضوء ؟ شنو يعني ؟ و بالنسبه للوحشيه ، اخوي الأغوانا من الزواحف يعني مو قطوه ولا جلب الزواحف ما تفكر ، مجرد تتعود على شي و خلاص لكن لا تخترع لو انعضيت او شي ، يعني مهما كان تظل من الزواحف ^^ يعني ما اقدر أقولك أليفه 100% ولا متوحشه ، على حسب مزاجها :D . . |
رد: استفسارات عن الاغوانا
يعطيك العافيه
معلومات جدا افادتني ولكن ما الافضل قفص ام حوض وانا اقصد بدرجه الضوء اي ما الضوء المناسب لها وشكرا بايثون لاعدمناكـ *-^ |
رد: استفسارات عن الاغوانا
أنا أخوي من الشرقيه ومن الخبر بالتحديد
وعندي إغوانا مربيها من سنتين ونص بالنسبه للحراره حاط لها دفايه الهلوجين وتحت وعاء ماء عشان تصير فيه رطوبه والدفايه أخليها على كهرب 110 وشغل شمعه وحده بالنهار وبالليل إذا كان الجو بارد أشغل الثانيه والدفايه شغاله 24 ساعه إلا بالصيف بالنسبه للأكل أي شئ أخضر من خس جرجير خيار فلفل أخضر رويد نعناع بوبر قرع كوسه إلخ وكذالك جبن زي جبنة البقره الظاحكه المثلثات أو أي نوع من جبن الشرايح وعلى فكره عودها وتاكل من يدك مثل الي عندي وعندك بعد الفواكه شمام موز تفاح كيوي منغا (( ملاحظه )) الفواكه والجبن لا تحطه لها بصحن أكلها ودايم حاول من فتره لفتره ما تكون الفتره طويل وتأكلها من يدك لأنك لو قطعت الفواكه أو الجبن تاكل شوي وتوخر وبعدها الفواكه الجبن مثل ما تعرف بسرعه تخترب مش زي الخضره هاذا بخصوص الفواكه والجبن بعض الأحيان أعطيها قطع من يدي طبعا بصل أو ثوم وتأكله وتحبه يمكن إلي عندي ((( مجنونه ))) وأي إستفسار أنا تحت أمرك |
رد: استفسارات عن الاغوانا
هاذي صورها قبل سنه وشوي http://files.mothhelah.com/img/Eq289519.jpg http://files.mothhelah.com/img/7Sn89519.jpg وعلى فكر ولله الحمد صحتها 100% مشاء الله عليها وأليفه جدا وأخليها تتمشي عندنا بالصاله وتجي وتركب على رجل أي واحد من أهلي لين توصل إلى كتفه أو فوق راسه ما تخاف أبد وإذا حطينا أكل تقرب من السفره ما عدها مشكله تعرف قاطه معنا من جد أتوقع إلي عندي مجنونه |
رد: استفسارات عن الاغوانا
LOOVEER كفيت ووفية
بس عندي سولا انا عندي اقوانه بس مو وليفه كيف اخليها وليفه وانطر ردك |
رد: استفسارات عن الاغوانا
تجاوب رائع من الإخوة الأعضاء
|
| جميع الأوقات بتوقيت GMT +3. الساعة الآن 09:40 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو