(( وش افضل حيوانات للتجارة فيها وسرعة تكاثرها ))
 

السلام عليكم

ممكن تفيديوني في افضل حيوانات للتجارة وسرعة التكاثر

وابي استفيد منها على المدى البعيد يعني استمر فيها بدون تغيير

قريت في بعض المواضيع في المنتديات يتكلموا عن الارنب + الهامستر + القطط + بعض الطيور

بس انا محتااااار وابي شي يقعد لفتره طوييله

انا عندي القدرة المالية والمكان المناسب وكل شي بس ابي التوجية عشان ابدا المشروع

اتمنى المساعدة

رد: (( وش افضل حيوانات للتجارة فيها وسرعة تكاثرها ))
 

انزل السوق وشوف الطلب
وإقرأ وإسأل عن السبيات والامراض قبل التفكير ف الربح وياريت تكون تحب الشي اللي راح تتاجر فيه عشان تبدع وبصفه عامه الطفرات شي محبب ومرغوب من قبل الجميع وبالنسبه للطيور الفروخ مرغوبه لامكانيه تدريبها بسهوله والطيور الكبيره الاليفه واللي عندها حركات مرغوبه وفي الازواج يكون الولافه والانتاج شرط للشراء
القطط لازم تكون متعلمه ع الحمام
ولاتنسى التحصينات
في النهايه كل شي له سوقه
واذا لسه محتار ابدأ بزوج من كل نوع وشوف اللي يناسبك

رد: (( وش افضل حيوانات للتجارة فيها وسرعة تكاثرها ))
 

يعطيك العافية حبيبي ,

والله انا افكر في الارانب كثير لانها تتكاثر بسرعه , واحب القطط بس لازم تطعيم وقلق شوي

والهامستر من خياراتي بس سوقه شوي طايح لان الاغلب يحسبه فار -_-

ياليت احد يفيدني زيادة في التجارة في الحيوانات

رد: (( وش افضل حيوانات للتجارة فيها وسرعة تكاثرها ))
 

عندك الطيور انتاجها غزير ومرغوبة مثل الزيبرا والكناري والكروان وطيور الحب والحمام

والدواجن والبط والنعام هاذي مرغوبة في السوق

وعندك المواشي بس تحتاج ميزانية مثل الاغنام والبقر

والقوارض بشكل عام انتاجها وفير مثل الارانب والسناجب والهامستر

وفي حيوانات كثيرة بس الاحسن انك تختار الحيوان الي تميل له عشان تبدع فيه وتستمر فيه