|
مـــحـــــبـــــوب وطــيــــرانـــه مــــاشــاء الــلــه تـــبـــــارك الــلــه ..!!
بسم الله الرحمن الرحيم اسعد الله اوقاتكم جميعا بكل خير وصبحكم / مساكم الله بالخير محبوب ماشاء الله طول جناحه ماشاء الله وصار مكتمل لحد ما وصار يطير جنني ما افك باب القفص إلا وهو يطير وراي << وده يغامر وياخذ الكاميرا ويطيره في الشارع والكاميرا شغاله ولكن الخوف ما يرجع اظن يجيني .......... لا قدر الله المهم مقطع حلو لمحبوب وهو يطير جوا البيت فديته احبه هالطير حب غريب << غيره عائليه خخخخخخخخ خلونا نشوفه أتمنى لكم مشاهده ممتعه http://www.youtube.com/watch?v=ZUM4VdutHNc محبكم محمد ( ابو نايف ) |
رد: مـــحـــــبـــــوب وطــيــــرانـــه مــــاشــاء الــلــه تـــبـــــارك الــلــه
:)
يالله ذكرتني اول احب الحركات ذي طيران وتعال وواحد ثنين ثلاثه طير ومدري وشو واتحمس واروح ادرب وماتعقل المطيرجيه الله والله زمان فات عليه 6 ايام و8 ساعات ودقيقتين اجل تقول بتطلع الشارع وتاخذ الكمره وتقعد تصور المزيون محبوب وهو يسفح في الهواء الطلق وترا بعد يمدحون انك تطيره الساعه اربع العصره وترجع انت تاخذلك غطه والساعه ست ابد تلقاه ران الجرس وجايبلكم خبرز ولبن من البقاله :D الحين انا لو ماشفت ردك على موضوعي والكارثه الي صارت لي كان قلت الرجال معذور بس المصيبه انك راد :confused: شف ترا انا بقولك شي والله والله مو يعني تفلسف وكذا بس والله ان امره رب العالمين وسوى فيك الي سواه طيري المغدور قسم بالله موب تطق له اصبع والله لو تجيب فرقة بن مرضي تطق ماجاك وهذيك الساعه ترجع بيتكم تشوف الاهل كلهم محبوب ومريشين وتعرف المخيخ الي في الدميجه الي فوق الرقبه بشوي شفت هذا الجزء من تكوين الانسان في هذيك اللحظه اول شي يلتمس بعدين يبدا يطلع شرار بعدين يقبع بعدين وش يصير يصير انك تسوي مثل عباس بن فرناس وتحاول اللحاق بطيرك اللذي في مسكه منه قرر انه يسوي فاهم ويستقل بحياته الشخصيه خصوصا اذا كان الطير له مكانه في قلبك ما اقول الا المقص المقص المقص يكون في علمك من الروعه الي انافيها خليت المقص جنبي كل مامريت جنبه قصيت ليين يصير من الزواحف ولا ينقلب ضب واحطه في جحر وارتاح نفسيا هع شفت كل ها الديباجه الي فوق من اثر الي صار فيني يوم الاربعاء الغادر اسفه جدا على الي قلته والسموحه بس من جد من اللقعه الي فني ماودي احد يجربها الله لايذوقها مسلم كل ماشفته وسمعت صوته والله ما اصدق انه رجع لي :( لكن سبحان الله قدر ولطف ادري طولت ونكدت عليك:shy: بس والله من الي جربته والله يحفظلك غواليك من كل شر:) |
رد: مـــحـــــبـــــوب وطــيــــرانـــه مــــاشــاء الــلــه تـــبـــــارك الــلــه
ههههههههههههههههههههههههههههههههاي ^^^^^
ياماشاء الله تبارك الله .. والله الطير مره حلو كيف خليته يصير كذا يجيك من جد روعه يتربى بعزك والله يخليه لك .. في دول ثانيه اشوفها في اليويتوب ببغاوات مكاو .. او اي شي يطيرهم . في الشارع ويجي . وش معنى احنا مانقدر يعني هل في صعوبه . ولا يخوفك مثل عباس بن فرناس نطلع طيرنا في الشارع ونروح نلحقه < هههههههههههههههه |
رد: مـــحـــــبـــــوب وطــيــــرانـــه مــــاشــاء الــلــه تـــبـــــارك الــلــه
ماشاء الله محبوب طائر يستحق الاقتناء والاهتمام به
ومميز مثل صاحبة المستقيل والله يوفقك في عملك الجديد وانتبة على محبوب خاصة اذا راح معك لا تحاول تتهور وتمارس معاه هواية الطيران الحر الا بالهارنس لانه ممكن يشوف الطبيعة يفكر انه في جزر الكاريبي وبالتوفيق يا نجم . |
رد: مـــحـــــبـــــوب وطــيــــرانـــه مــــاشــاء الــلــه تـــبـــــارك الــلــه
مساء الخير مشالله الطير يجنن مرة ربي يطول بعمرك وعمره
تقبل مروري تحياتي ومني انا ابو غزل للسنايديه ((((( اهجدي ))))) ههههههههههههههههههههههههههههههههههه :angry: حبتيييييييييييييين :88: |
رد: مـــحـــــبـــــوب وطــيــــرانـــه مــــاشــاء الــلــه تـــبـــــارك الــلــه
ماشاءلله تبارك الله طير جميل
.. .. الله يخليه لك والله يخليك له .. .. تقبل مروري |
رد: مـــحـــــبـــــوب وطــيــــرانـــه مــــاشــاء الــلــه تـــبـــــارك الــلــه
ماشاء الله تبارك الله يبو نايف محبوب طآئر محبوب من الزوار ومني انا خاصه انتبه تتهور خصوصاً وريشه طلع انتبه تطلقه بلهواء بدون حزام ماتدري يمكن مآيرجع لك الله يوفقك واصل ابداعاتك يا بو نايف
|
رد: مـــحـــــبـــــوب وطــيــــرانـــه مــــاشــاء الــلــه تـــبـــــارك الــلــه
مشاء الله اخي طير جميل واجد
|
رد: مـــحـــــبـــــوب وطــيــــرانـــه مــــاشــاء الــلــه تـــبـــــارك الــلــه
ما شاء الله الله يخليه لك وخليك له الطير شكله متعلق فيك بقوه
|
رد: مـــحـــــبـــــوب وطــيــــرانـــه مــــاشــاء الــلــه تـــبـــــارك الــلــه
ما شاء الله تبارك الله
الله يطرحلك فيه البركه |
| جميع الأوقات بتوقيت GMT +3. الساعة الآن 05:58 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو