|
قط عمره شهر ونص ياترى ايش اوكله.
السلام عليكم
اخواني عندي قط شيرازي عمره شهر ونص ماشالله عليه ياترى ايش الطعام الصحي له وكم عدد الوجبات الي اقدمها له ياريت تساعدوني. تقبلوا تحياتي |
رد: قط عمره شهر ونص ياترى ايش اوكله.
حرام توه صغير مفروض لسه عند امه
عموما انا كنت اكل قطاوتي مع عمر شهر دجاج مسلوق او رز مسلوق او اكل ويكساس اللي باكياس الخاص بالكتن |
رد: قط عمره شهر ونص ياترى ايش اوكله.
مشكوور اختي لس حاب اسالج الدجاج المسلوق ممكن اغطيه العلب الي حق القطط الصغار ياريت تعطيني صور وتشرحيلي بالتفصيل عدد الوجبات والف شكر لج
تحياتي |
رد: قط عمره شهر ونص ياترى ايش اوكله.
اخوي اذا عطيته حليب جبن او شي من هذا لاتعطيه كامل الدســم
وفي بالجمعيات اكل مكتوب عليه Under 1 Year |
رد: قط عمره شهر ونص ياترى ايش اوكله.
أفضل أكل بالنسبه لهذا العمر...الدجآج المسلوقــ,؛,ــ
أو الويكسآس اللي بالأكيآســ,؛,ــ |
رد: قط عمره شهر ونص ياترى ايش اوكله.
ممكن تعطوني صوره الويكساس الي بالاكياس هذا؟
شاكر لكم مساعدتكم تحياتي |
رد: قط عمره شهر ونص ياترى ايش اوكله.
بالنسبه لعدد الوجبات القط الصغير ياكل من 3 الى 4 وجبات باليوم
وبالنسبه للاكل الويكساس بتلاقي يا مكتوب على طرفه كيتن او جونيور زي ذا http://www.rosnijzdrowo.pl/rosnijzdr...ck_2ed_big.gif واللي مكتوب عليه كتن ما لقيت له صوره بس تشبه هالصوره وبدال كلمه ادلت مكتوب كتن http://online.migros.com.tr/images/1...6078003626.jpg ويفضل يكون بنكهه الدجاج او اللحم ابعد عن منتجات السمك |
رد: قط عمره شهر ونص ياترى ايش اوكله.
|
رد: قط عمره شهر ونص ياترى ايش اوكله.
هلا..قطقوطه
الحين وش فرق كيتن عن جونيور.؟ هل معنا الكلمه نفس الشي؟ بالعاده كيتن او ادلت..:) يعطيكم العافيه |
رد: قط عمره شهر ونص ياترى ايش اوكله.
جونيور معناها صغير
|
رد: قط عمره شهر ونص ياترى ايش اوكله.
جبن مهروس او جبن شرائح وحليب لهالمرحله من هالعمر وياكلون بفك بعد
|
رد: قط عمره شهر ونص ياترى ايش اوكله.
هلا جوري
انا قلت جونير وكتن لان شركه ويكساس كذا مسوياع عندها جونير وعندها كتن وتقدرين تروحين اي سوبر ماركت او تدخلين موقعهم وتتاكدين |
رد: قط عمره شهر ونص ياترى ايش اوكله.
يعطيك العافيه اختي فطوم..وقطقوطه
على التوضيح,,,,مشكورين:) |
رد: قط عمره شهر ونص ياترى ايش اوكله.
اختي جوري
الجونيور للقطط الصغيره حيل الكيتن للي اعمارهم بين شهرين الى 3 شهور ونص 5 والاكل العادي لباجي الاعمار |
رد: قط عمره شهر ونص ياترى ايش اوكله.
الله يعطيكم العافيه قطوطع وفطوم وقطو كويتي عساكم عالقوه والله
انشالله راح التزم بتصايحكم هذي. وانا شريت بعد داري فود حق القطاوه الكتن. وجهزت كل شي الحمدالله للقطو عندي. عساني ما انحرم منكم تحياتي |
رد: قط عمره شهر ونص ياترى ايش اوكله.
قطوطع:(
طيب نمشيها المهم اخوي خلي الدراي فود شوي لما يكبر الحين صغير عطه الاكل اللي بمرق او دجاج مسلوق علشان اسنانه |
رد: قط عمره شهر ونص ياترى ايش اوكله.
اهاا زين اختي انا الي شريته منه قالي هو متوعود على اكل منعين اسمعه فيسكتس حق الكيتن كات.
المشكله اني دورت الاكل هذا بكل مكان وقالولي انه مقطوع من الشركه نفسها اذا حولت على ويكساس ماراح يتعب؟وهل بالوجبه الوحده احطله الكيس كامل ولا ايش الكميه الي احطها؟ وهل مثل ماقال حبيبنا قطو كويتي الجونيور حق القطاوه الاصغر من سنه والكيتن حق الاصغر من سنه ولا كله واحد؟ وعندي سؤال بعد ماعليه كثرت الاسئله هل احميه الحين وشنو الشامبو الي تنصحيني فيه ياليت صوره. وياليت اذا فيه سبريه حق البراغيث تقوليلي عنه لانه عمره صغير وما ابي اعطيه اي شي ياليت تفيديني. والله يعطيج العافيه على مساعدتج اختي قطوطه. تحياتي |
رد: قط عمره شهر ونص ياترى ايش اوكله.
هلا اخوي لا عادي اسئل اللي تبيه
بالنسبه انك تغير لماركه ويكساس فهو شي عادي وبالنسبه للكميه شوف انت الكميه اللي هو ياكلها اتوقع نص الكيس كافي كل قطو يختلف عن الثاني بكميه اكله بالنسبه انك تحميه لا تحميه قبل لا ياخذ التطعيمه الاولى(بعمر شهرين) بعد التطعيمه الاولى باسبوع روشه وبالنسبه للشامبو انا افضل شامبو نيوزورال تلاقيه اي صيدليه وبالنسبه للسبري ماعندي فكره انا استخدم بودره موجود باي محل حيوانات بالنسبه للجونيور والكتن انا ما عندي فكره بس شركه ويكساس مسويا نوع للجونيور ونوع للكتن بس اي واحد تلاقيه عادي اثنينهم يصلحون |
رد: قط عمره شهر ونص ياترى ايش اوكله.
الله يعطيج العافيه
وماقصرتي اختي قطوطه سؤال اخير يا الغاليه. ممكن نوع البورده هذي او صوله لها وكيف طريقه استخدامها. وانشالله كل الاخوان المربين يستفيدون من هالموضوع. تحياتي لج اختي العزيزه. |
رد: قط عمره شهر ونص ياترى ايش اوكله.
ماقصرت قطقوطه
بدر القطو مالك الحين صغير لاتعوده على الاكل الخاص والله نصيحه عوده عالدراي فود واكل بيت عطه شرائح جبن ياكل وقلاص حليب 3 مرات بالاسبوع احسن اكل حقه |
رد: قط عمره شهر ونص ياترى ايش اوكله.
االله يعطيك العافيه قطو.
بس انا لما سالت الطبيب البيطري قالي لا تشربها حليب نهائيا ولا تعطيها شي من مشتقات الحليب عشان لايسويله اسهال. على فكره ماشالله القطو متعود على الاكل من قبل لا اخذه.والحمدالله قاعد ياكل اكل الكيتن. بس ماحد جاوبني على البودره حقت البراغيث شنو اسمها وكيف طريقه استخامها في فيه بودره معاها معطر.؟ |
رد: قط عمره شهر ونص ياترى ايش اوكله.
والله يابدر الدكتور صاج ويقصد لاتعطيها حليب أي موكل يوم
عادي اذا بالاسبوع مرتين فقط لانه القطط بحاجه لتقوية عظامها من قبل الحليب بالنسبه للبودره انا حاليا للحين ماشفت بالكويت في منها غير بمركز سلطان بودره لقتل البراغيث مادري اذا يابو للاستحمام صار يبيله روحه ;) |
رد: قط عمره شهر ونص ياترى ايش اوكله.
الله يعطيك العافيه اخوي قطو
انا شفتها بركز سلطان بس ما ادي اشلون طريقه استخدامه وهل ينفع للقطاوه الصغار مثل الي عندي. تقبل تحياتي |
رد: قط عمره شهر ونص ياترى ايش اوكله.
اخوي بالنسبه للبودره انا ما عندي صوره لها بس في انواع كثير انت اسئل باي محل بيطري عنها
وطريقة استخدامها انك والقطو ناشف ترشها على جسمه كله بالنسبه لسؤالك على الخاص القطو اذا اكل ونام عادي جدا مافيها شي مو لازم يتحرك انا عندي قططي وهم صغار كانو ياكلو وينامو جنب الصحن على طول |
رد: قط عمره شهر ونص ياترى ايش اوكله.
الله يعطيج العافيه قطقوطه ماقصرتي على هالمساعده الطيبه.
هل البودر هذي ماتاثر عليه بشي وهل عمره عادي يعني شهر ونص عادي احطله هالبودره؟ انا سمعت انه بس تحط البودره على عنقه ولا احطها على جسمه كله وادلكه بايدي.؟ وانا لقيت سبري مثل الي بالصوره هذي http://www.imageswebhost.com/store06/8af5265c0e.jpg وهذي صوره البودره بعد http://www.imageswebhost.com/store06/26c52d562a.jpg واشرايج اختي البودره احسن ولا السبراي. بخصوص البودره او السبري هل لازم اغسل القط بعد ما احطه علي بفتره ولا اخليه؟ وهذا اخر سؤال ترى مافي شي بعده والله يعطيج العافيه. تحياتي |
رد: قط عمره شهر ونص ياترى ايش اوكله.
انا افضل البودره بس عمرها صغير لا تكثر لها منها هاذي بالعاده تستخدم للبسس اللي تطلع برى البيت انا ما اطلع قطاوتي برا البيت فما استخدمها الا مره كل شهر
وهي صح تنحط من العنق ونزول على باقي الجسم وانتبه لا تدخل بالعيون وانا احطها بعد ما احممهم وانشفهم زين |
رد: قط عمره شهر ونص ياترى ايش اوكله.
الله يعطيج العافيه اختي قطقوطه ماصرتي وعساتج عالقوه.
تحياتي |
رد: قط عمره شهر ونص ياترى ايش اوكله.
ودي اروح مركز سلطان شوقتني بالاصور
انا افضل السبراي لانه البودره في احتمال لما القطو يركض اطيح بعيونه ينخاف خصوصا اذا شيطان اما السبراي ترشه عادي |
| جميع الأوقات بتوقيت GMT +3. الساعة الآن 01:31 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو