|
القفص قفل على رقبة ببغائي لمدة 5 ساعات
السلام عليكم ورحمة الله وبركاته أمس بعد ما صليت الفجر جلست ربع ساعة مع ميزوو ببغائي,, واللي ما يعرف ميزوو يقدر يراجع مواضيعي ويلاقي صوره في كل موضوع. المهم ان عندي قفص كبير ينفتح من فوق, وله بابين من فوق القفص. أنا شكلي نعسان وفتحت باب واحد بس,,, ورحت انام,,, صحيت على المنبة عشان صلاة الجمعة,,, شوي الا المدام تقول لي الحق على ميزوو علق راسه في القفص. رحت اشوفه لقيته مسكين ناشب في القفص ومخنوق فيه,,, أثاري ميزوو كان يلعب كعادته وطلع فوق الباب المفتوح وتقفل على راسه صار جسم ميزو فوق الباب,, وراسه داخل القفص... يعني صار داعس على راسه,,, قمت فتحت الباب له وطلعته وحضنته,,, ولقيته مسكين ما يقدر يحمل راسه,,, وكل شوي يميل على جنب او يطيح على تحت,,, وفي الأخير استقر انه يرجع راسه على ورى عشان يثبت لكن كل ما فكر ياكل أو ينزل راسه قدام,, يميل برقبته كلها وما يصير يقدر يرفعها الا بجهد كبير,, كأني فهمت انه صار له خلع في رقبته,,, جلست ادلك رقبته,, وامسح على راسه,, وأضمه لصدري,,, وأقول لاحول ولا قوة إلا بالله. إنا لله وإنا إليه راجعون. وهذي صوره,,, http://up2.m5zn.com/photo/2009/4/17/...c5z119.jpg/jpg http://up2.m5zn.com/photo/2009/4/17/...bxfrl6.jpg/jpg http://up2.m5zn.com/photo/2009/4/17/...mwjzk2.jpg/jpg المهم اني رحت صليت الجمعة,,, وبعد الصلاة لقيت شايب طالع من المسجد ورايح بيته,, قلت له يا عم تعال أوصلك,, الجو كان غباار,, وركب الشايب معاي وجلس يدعيلي وانا في بالي ان ربي يشفي ميزوو. ولما رجعت البيت لقيته أحسن شوي وكان عنده اسهال, ونافش ريشه مثل مانتم شايفين في الصور,,, ومغمض عيونه,, وحالته تحزن والله,,, وكل شوي يطلع صوت استعطاف,,, مثل صوته وهو صغير لما كان يبغى ينام, بعد ما أكله,,, وأنا قلبي ينعصر عليه,, جلست أعطيه أكل,, بيض مقلي (بزيت الزيتون),, وجزر وخس وخيار وتفاح, ومكرونة. بس ياكل شوي ويوقف,, قمت تذكرت كلام أخوي مجنون عويشق, الله يجزاه خير عن موية الرز. ونقعت الرز في الموية وشربت ميزوو منها,, وجبتله حبة بركة وخليته يآكل كم حبة. وطول الوقت وانا أطالع فيه وقلبي ينعصر من الألم عليه,, والخيال لعب في حسبتي للآخر,,, توكلت على الله, وحسيت انه مرهق ويبغى يرتاح,,, طفيت النور ورحت أنام للعصر. قمت لصلاة العصر وأول ما دخلت الغرفة عند ميزوو وشغلت النور جلس يرفرف بجناحه فرحة بشوفتي,, مثل ما كان يعمل أول كل ما شافني أو سمع صوتي,,, وفرحت كثير انه قدر يرفرف بأجنحته,,, قمت ألعب معاه بس مازالت رقبته تعبانه,, وانا طول الوقت أدلك رقبته وأعمل له مثل المساج. لكن لاحظت انه تحسن كثير عن أول,, وصار يلف راسه وينظف ريشه,, وهذي علامة جيدة. بعدين صار يخبي منقاره تحت جناحه من ورى,, مثل ما يعمل لما ينام ويخبي منقاره بين الريش اللي في ظهره. وجلست معاه للمغرب,, وبعدين قمت سويت له خلطة أكل,, طحنت شابورة وحبة بركة وعسل وتفاح مهروس,, وخلطتها له وأعطيته بالابرة أو الحقنة. أكل نصها ووقف, وهذا شي أفرحني كثير. ورجعته للقفص عشان ينام. اللي يحزنني انه يبغى يتشقلب عشان يرضيني بس مو قادر,,, يبغى يلف حول العصا بس رقبته تخونه,,, وكل ما أقرب يدي منه يمد ارجوله عشان يسلم,, بس يختل توازنه ويرجعها,,, ولما امسح على رقبته يغمض عيونه ما أدري مرتاح والا من قوة الألم,,, والله يا شباب من غلاته عندي لو يجيني 10 آلاف ريال ما بعته... وأسأل الله العلي العظيم انه يشفيه برحمته التي وسعت كل شيء. وفي الأخير أتمنى من كل الأعضاء انهم إذا بينصحوني بشيء بقولون لي إذا جربوه أو لا. يعني لاحد يقول استخدم الشي الفلاني أو أعطيه الشي الفلاني الا إذا قد جربه فعلاً. أما المعلومات اللي عن طريق النت أو المنتديات أتمنى من الكل انه اذا بينقل منها انه يقول ان طريقته منقوله من غيره, وليست مجربة. وكثير منكم بيقول وديه لبيطري,,, وأنا أقول أشكرك لكني ما أثق فيهم, ولا أعتقد ان عندهم الإمكانيات اللي تخولهم بعلاج مثل هذي الحالات. تمنياتي لكم ولطيوركم بالصحة والعافية . |
رد: القفص قفل على رقبة ببغائي لمدة 5 ساعات
الحمد لله على سلامة ميزوو
ومايشوف شر ان شاء الله |
رد: القفص قفل على رقبة ببغائي لمدة 5 ساعات
الحمد لله على السلامه وزين جات على كذا لانه جلس مده طويله مخنوق
بس انا عندي احساس انه بيتحسن وقريب ان شالله بتشوفه مثل اول وفضل الله يخليه لك ويدوم عليه الصحه والعافيه |
رد: القفص قفل على رقبة ببغائي لمدة 5 ساعات
الله يشفيه ويعافيه يارب بس حاول تعمله تدليك خفيف باصبعك على رقبته عشان تنشط الدوره الدمويه لانه مع سكت القفص اتحبس الدم في الرقبه بس انتبه لاتزنطه ههههههههههههه
ترا زوج اختي دكتور بيطري وهو الي قالي كده وحاول تسويله كمدات دافيه بس بعدها لاتعرضه لتيار هوا بارد تقبل مروري |
رد: القفص قفل على رقبة ببغائي لمدة 5 ساعات
اقتباس:
أشكرك على المرور . |
رد: القفص قفل على رقبة ببغائي لمدة 5 ساعات
اقتباس:
آمين يارب مشكوور على مرورك |
رد: القفص قفل على رقبة ببغائي لمدة 5 ساعات
اقتباس:
والله طول الوقت وانا اعمل له تدليك,,, والله يجزاك ويجزا زوج اختك خير على النصيحة. اشكرك على المرور |
رد: القفص قفل على رقبة ببغائي لمدة 5 ساعات
قدر الله وماشاء فعل الله يشفية ويعافية والحمدلله انها جات على كذا ولا مات ماشاءالله تبارك الله والله يشفية لك ويهنيك فيه ولا يوريك فية شر آمين يارب |
رد: القفص قفل على رقبة ببغائي لمدة 5 ساعات
الله يشفيه والله ما تستاهل ياسكر
بس أخوي اتوقع أنها شغلة بسيطة و أنصحك تدلك رقبته مع شوية زيت زيتون مشان تعطي مرونة لرقبته بس هذه الوصفة مالي مجربها |
رد: القفص قفل على رقبة ببغائي لمدة 5 ساعات
الحمدالله عاى سلامة طيرك والله يخليه لك صراحه يجنن شكله
|
رد: القفص قفل على رقبة ببغائي لمدة 5 ساعات
لاحووول ولاقووة الا بالله شكللله يحزززن خاصه أول صووره :( والحمدلله أنه حي وربنا كتب له عمر ،، 5 ساعات مو هينه وأن شاءالله مده بسيطه ويرجع مثل قبل ويتشقلب لك لين يدوخ راسك .. وأن شاءالله الأعضاء يفيدونك بالشي الأكيد والمفيد .. الله يحفظه لك من كل مكرووه .. |
رد: القفص قفل على رقبة ببغائي لمدة 5 ساعات
الله يشفيه لك اخوي سكر ولايوريك فيه مكروه وان شاء الله راح يتحسن
بس انا ماجربت الكمادات على الطيور بس تراها نافعه كثير مع الانسان وانت سيد العارفين ولو لاقدر الله مانفعت اكيد ماراح تضره اذا كان المكان دافئ ومره ثانيه اقول الله يشفيه ويهنيك فيه ياغالي والله اني حزنت من حزنك عليه ياغالي |
رد: القفص قفل على رقبة ببغائي لمدة 5 ساعات
الله يشفيه لك ياسكر والله انا اليوم صحيت ومعي صدااااع قوي ورقبتي تعورني كله عشان المخده شوي عاليه كيف المسكين اللى صاك على نفسه الباب......على فكره هذي اول مشاركه لي وعشاني تعاطفت معه رديت ...بس ماقول الا الله يشفيه لك
|
رد: القفص قفل على رقبة ببغائي لمدة 5 ساعات
لا شكر على واجب بس خلي في بالك لاعاد تنزل صورته في النت انت عارف الطيور والحيوانات تتنظل (تتحسد ) زي الانسان وترا في ناس لا يذكرو الله ولا يصلو على النبي لازم الواحد لمن يشوف اي شي يعجبه يقول ماشاء الله ولا حول ولا قوة الابالله الله يباركلك فيه
|
رد: القفص قفل على رقبة ببغائي لمدة 5 ساعات
بسم الله الرحمن الرحيم
الرائه سكر ما اقدر اني ما اجاوبه بكل تفصيل سكر قبل اي شيء ساجاوبك على الخاص باذن الله غدا بالتفصيل ايضا بس خلنا الان بالغالي ميزوو اول مشكله القفص سكر على رقبته بسيطه جدا هذي يا غالي و ما تخوف شوف يا غالي هيا علاجها بالوقت فقط ( اذا ما كان في كسر ) ولا اعتقد وجود كسر مادام الطائر يحاول تحريك راسه و يرفرف بجناحيه ممكن انت تساعد الطائر بوضع ماء دافئ داخل كاسه ( اجعل الكاسه من الخارج دافئه و ضع الكاسه على رقبه الطائر لمدة ربع ساعه فقط ما تخليها تكون ساخنه فقط دافئه و موضوع الاصابه مساله وقت فقط ( لا تخاف من هذا الموضوع الا اذا كان كسر ) الموضوع الثاني الاسهال الاسهال علاجه بمرحلتين مهمتان جدا الاولى تعويض الطائر السوائل اللي فقدها الثانيه مكافحه المرض نروح للنقطه الاولى كيف ممكن نعوض الطائر السوائل اللي فقدها الطائر مادام ياكل شيء ممتاز و لكن الغذاء ليس كل شيء لتعويض السوائل فبحالة الاسهال اول شيء يفقده الطائر السوائل اللي بالجسم فينقص وزنه بشكل ملحووظ روح الصيدليه يا غالي جيب دواء اسمه ORS هذا مشروب للاطفال ضع مقدار كيس بكاسة ماء دافئه و اعطي الطير كل ساعه 2-3 مل بمجموع 20-25 مل باليوم هذا فقط لتعويض الطائر السوائل اللي يفقدها مع الاسهال المرحله الثانيه العلاج الاخ مجنون عويشق اقادك بشيء ممتاز جدا و لكن الطائر بحاجه لمضادات حيويه من رايي اذا الطائر ياكل و ما فقد شهيته و يشرب لوحده نضع المضاد بالماء ممكن تستعمل 3 انواع لعلاج الاسهال 1- تايلان ( تجيبه من الصيدليه ) 2- انروميك ( بيطري و صعب جدا تحصله ) 3- سلفامايسن ( بيطري - دواء فوار سوري ) اذا استخدمت تايلان ضع بالماء كل يوم 5 نقط + فيتامينات فيتوبلكس 2 حبه ( تلاقيها عند البيطري او محلات الطيور * و تجدد الماء بشكل يومي اذا استخدمت انروميك نفس الشيء تماما كما التايلان اذا استخدمت سلفامايسن تضع كل يوم بوعاء المياه مال الطائر 2 حبه + 2 حبه فيتوبلكس ولا تنسى ابقي الطير بمكان دافئ دام عنده اسهال و باذن الله مساله ايام و الطائر يعود كما بالسابق باذن الله اتمنى اكون افدتك يا غالي و الله يشفيه اللهم امين |
رد: القفص قفل على رقبة ببغائي لمدة 5 ساعات
^^
ردي كثير طويل انا مليت و انا جالس اراجعه الله يعينك يا سكر حتقرء هذا كله :D |
رد: القفص قفل على رقبة ببغائي لمدة 5 ساعات
أأأأوووووووووووووووووووف لا إله إلا الله محمد رسول الله أذكروا الله يا أعضاء توزو على هذا الطير
ماشاءالله ولا حولا ولا قوة إلا باالله صحيح ياسكر قلب المؤمن دليله وأنا من دخلت المنتدى المغرب كان عندياحساس رهيب فقدنا طلتك علينا وقلت في نفي ياالله عسى خير ... والله ما تستاهل يا سكر إلا كل الحلى لكن قدر الله وماشاءفعل معليش ياخوي قول إن شاءالله أزمه وتعدي .. وأنت قد الصلايب تطمن أخوي سكر ..مراح يكون إلا كل خير إن شاءالله لأن الطير بالصور واضح أنو زعلان وخايف فقط أكثر من أنو تعبان يعني زي ماقالوا الأعضاء مسألة وقت وتعدي حاول تهتم فيه أكثر من الناحيه النفسيه وراح يتحسن بإذن الله ماعليه إلا العافيه .......................................... وفي الىخير أتمنى من كل عضو يدخل للرد يذكر الله على هذا الطير زي ما قال أخونا أبو ريان وتأكد سكر حنا معك في كل وقت بس أنتا أهدى على اساس تقدر تركز في معرفة الدوا المناسب له |
رد: القفص قفل على رقبة ببغائي لمدة 5 ساعات
:eek: يؤيؤيؤيؤ سلامات والله ياسكر ياغالي على طيرك ليته برااس طيري ابوو جعررة هههههه وابشرك توفقت امس وبدلت فيه والان بنزل المووضووع الف سلامة تقبل مررروري بدووون مخالفات;) |
رد: القفص قفل على رقبة ببغائي لمدة 5 ساعات
اخي العزيز سكر الف سلامه على ميزو وفكره الاخ ابو ريان جزاه الله خير جيده ماشاء الله تبارك الرحمن بعدين اتمنى والله من كل قلبي انك ماتطبق وصفه الاخ مدريد جزاه الله خير تايلان وش هو له وليه هو عنده مايكروب او التهاب في الرئه وانروميك وسلفا مايسين يستخدم للجراثيم والعصيات في الامعاء تكفى لاتجرب ما يستاهل ميزو ان شاء الله عدت مرحله الخطر اتوقع انها بس شد في العضلات لطول الفتره الى اجبر انه يثني رقبته وما فيه زي مويه الرز للاسهال والشاهي الثقيل واستمر بالتدليك وان شاء الله ماعنده غير العافيه اشوف صورته الاخيره متحسن كثير والله يسعدك بسلامته
|
رد: القفص قفل على رقبة ببغائي لمدة 5 ساعات
ماشاء الله تبارك الله
لاحول ولاقوة الا بالله الله يشفيه وان شاء الله يرجع احسن من اول |
رد: القفص قفل على رقبة ببغائي لمدة 5 ساعات
مراحب أخوي سكر ... [IMG]مايشوف شر ميزو والله من امس من يوم قريت ردك لواحد من الاعضاء وقلت عن حالة ميزو وأنا أفكر فيه وناوي اليوم الصبح أسألك عنه على الخاص بس شفت موضوعك وقلت الله يستر مايكون صاده شيء بس الحمدلله على كل حال وان شاء الله معافا ومايشوف مكروه ... ميززوووووووووو الحمدلله على السلامه وهذي باقة ورد ماحبيت اجي وايدي فاضيه . |
رد: القفص قفل على رقبة ببغائي لمدة 5 ساعات
[B]الف سلامة علية .................... والله مزيون ما يستاهل بس طال ما انه يحرك رقبته يعني ما في خلع انشاء الله ولا كسر لان لو في كسر اوخلع لا قدر الله الطير يكون رقبته على اسفل على طول ما يقدر ارفعها ابدا انا في رائي الشخصي انك تستخدم المضاد الحيوي كورس لمدة 5 ايام متتالية للوقاية وعلى شان يخف الالم وانشاء الله راح يرجع مثل اول واحسن كمان ........:( تمناتي لمزوووووووون بالشفاء العاجل ,,,,,,[/B] |
رد: القفص قفل على رقبة ببغائي لمدة 5 ساعات
الحمدلله على السلامة
مايشوف شر |
رد: القفص قفل على رقبة ببغائي لمدة 5 ساعات
اقتباس:
اقتباس:
فعلا ياليت اي واحد يشوف صورة طير ويعجبه يذكر الله سامع ياسكر .. تذكر كلامي لك هههههههههه أنا من الاول قايلك ماعاد انزل صور طيوري ياخي ماتشوف العافيه الطيوري من تنزل صورهم.. شوفو الي عنده طير ومزعجه مايبيه يسويله صوره حليوه وينزلها هههههه علشان يفتك منه..ههههه أعترفوا يا أعضاء توزوو منهو فيكم الي عينه حاره هههههههههههه أمزح معاكم .. بس والله العين حق وحنا مانقول ان الي صار لــ ميزو عين لا.. ممكن يكون قدر من الله لاكن ذكر الله واجب ( الابذكر الله تطمئن القلوب ) وتقبلو مرروري واتمنى محد يزعل مني.. . |
رد: القفص قفل على رقبة ببغائي لمدة 5 ساعات
الحمدلله على سلامة طيرك ياسكر
قدر الله وماشاء فعل لكن عندي إحساس إنه بيتحسن والله تألمت على ماحصل لميزو والله يشفيه إنشأالله. |
رد: القفص قفل على رقبة ببغائي لمدة 5 ساعات
معافى ان شاء الله
ما يشوف شر يالغالي |
رد: القفص قفل على رقبة ببغائي لمدة 5 ساعات
سلامات لميزو ان شاء الله يرجع حصان
اخوي انا بديت استعمل دواء بببغائي فتو لان رجله فيها خلع من اول مايقدر يحركها الحين ياطا عليها اسم الدواء هو:Neomycine-Hydrocortisone سعره:SR 35 اتمنى لميزو الشفاء العاجل كل يوم مره بس لاتكثر لمدة اسبوع |
رد: القفص قفل على رقبة ببغائي لمدة 5 ساعات
الله يشفيه والله انك عضو مميز الله يخليك لأهلك ولوالديك ويحميك من العين
|
رد: القفص قفل على رقبة ببغائي لمدة 5 ساعات
السلام عليكم
اعذرني سكر توني انتبه لموضوعك والله والحمدلله على سلامة طيرك ومايشوف شر ان شاء الله وبيرجع مثل اول بإذن الله بس اذا تقدر تحط فوطه فيها ماء دافي على رقبته علشان تخلي العضلات تنبسط شوي وبإذن الله مافيه الا الخير مايشوف شر ان شاء الله تحيه طيبه |
رد: القفص قفل على رقبة ببغائي لمدة 5 ساعات
انا عندي قصة تشبها ولقيت لها حل
كنت ابطلع ببغائي فوق القفص وهو ما صبر لين افتخ الباب طلع بسرعة وتسكر على رجله وقام يصارخ بصوت عالي وانا من الخوف ما قدرت اسوي شيء بس بعيد قدرت اطلعه بس الحمد لله ماصار له شيء بس لي نصيح مهمة لك إذا جيت تنوم دخله القفص وسكر عيه |
رد: القفص قفل على رقبة ببغائي لمدة 5 ساعات
سلامات انشاءالله انها بسيطه بس عشان اولها وراح يتحسن باذن الله
وطمنا عليه |
رد: القفص قفل على رقبة ببغائي لمدة 5 ساعات
قطعت قلوبنا ،،
لكن الله يشفيه بصراحة استفدنا كثير من مواضيعك ،، |
رد: القفص قفل على رقبة ببغائي لمدة 5 ساعات
وعليكم السلام ورحمة الله وبركاته الحمدلله على السلامه ومايجوف شر ولا خبيث ان شاءالله وانتبه مره ثانيه والله يشافيه ويعافيه |
رد: القفص قفل على رقبة ببغائي لمدة 5 ساعات
الله يعينك
لي مده ما دخلت و اول موضوع اقراه موضوع ببغاك :( بشر رجع مثل اول |
رد: القفص قفل على رقبة ببغائي لمدة 5 ساعات
ألف ألف الحمد لله على السلامة وما تشوف شر ياسكرنا أسأل الله أن يرد طيرك أفضل مما كان عاجلا غير آجل وأرجوك طمنا عليه أول بأول |
رد: القفص قفل على رقبة ببغائي لمدة 5 ساعات
سلامته وما يشوف شر ... الله يعافيه ان شالله ويخلية لك يارب ...
وان شاء الله ما يكون الي فيه أكثر من شد عضلي ... |
رد: القفص قفل على رقبة ببغائي لمدة 5 ساعات
وعليكم السلام ورحمة الله وبركاته ..
هلا اخوي سكر .. انا مابنصحك ولا بقولك وده للبيطري ولا اقولك عطه ولا تعطيه .. لكن من كل قلبي وربي يشهد .. عسى ربي يشفيه لك ويرده لك عافي متعافي مثل قبل واحسن .. يالله ان شاءالله ربي يشفي لك طيرك ويعافيه من كل مرض ومن كل الم .. ويحفظه لك من كل شر ومن كل مرض .. اللهم امين .. وصلى اللهم على محمد وعلى اله وصحبه اجمعين .. ((الدعاء من دون الصلاة على النبي(صلى الله عليه وسلم) لايكون مستجاب)) واسف على الاطاله . :) |
رد: القفص قفل على رقبة ببغائي لمدة 5 ساعات
الله يجزاكم خير
أبشركم انه بخير وبنعمه وصار تمام وبرجع بإذن الله وقت ثاني أرد على الكل وأشرح اللي صار بإذن الله,,, حالياً عندي ضرف بطلع من النت وبرجع بإذن الله وقلبي معاكم طول الوقت الله لا يحرمني منكم,,, أخوكم سكر |
رد: القفص قفل على رقبة ببغائي لمدة 5 ساعات
ألف سلامه والله
ومايشوف شر ماقدمو الى العافيه طمنا على ميززو با أخوي سكر |
رد: القفص قفل على رقبة ببغائي لمدة 5 ساعات
اقتباس:
فديت الوفاء واهل الوفااااء 8 8 اتخيلت الموقف وربي حزنت مثلك من الموقف ... فما بالك انت !!!!!:( وترى 5 ساعات ماهي سهله بالنسبه لجسم الببغاء والحمدلله ان السالفه انقضت على كذا والعافيه ياسكر .. ماتجي دفعه وحده .. تجي شوي شوي وان شاءالله راح يتحسن لاتخاااف راح يتعافى بأذن واحد احد :) وطمنا عن حالته يوميا راح اكون متابع معك في حفظ الكريم |
| جميع الأوقات بتوقيت GMT +3. الساعة الآن 06:37 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو