|
محتاره و ياليت حد ينصحني ؟؟
السلام عليكم و رحمة الله و بركاته ...
يا جماعة الخير عني 2 كاسكو عمرهم 5 سنين ام حاله نفسيه و ربيعتها المهم شفت امزوني يلو ناب عند ناس نعرفهم و عجبني وايد يرمس عربي و يرقص و لاكن اعتقد انه متوحش... يعني يعض على ما اظن وانا في خاطريه اتبادل معاهم. اعطيهم ال2 كاسكو و يعطوني لي عندهم الان لو قلتلهم بشتريه ماظن بيبيعونه.. بس اذا بدل يمكن و انا مااقدر اعطيهم 1 الانه ام حاله نفسيه اذا ربيعتها مش معاها تنتف ريشها :( انا لي عندي اليفات و يرقصن و يرمسن انغليزي و يقلدن صوت القطوه و الكلب عزكم الله و كلمه وحده عربي لي هي( جب ).. صح و تزقر توتو بس تنقع تقول طوطو مب توتو :) بس الانه هذيج دشت خاطريه فكرت ابدلبهم انتو شو تنصحوني لو كنتوا بدالي ؟؟ و بحط لكم صورهم و انتو قولولي رايكم ابدل و لا لا ؟؟ هذي لي طارت و رجعتلي :)http://up2.m5zn.com/photo/2009/3/24/...a5vads.jpg/jpg http://up2.m5zn.com/photo/2009/3/24/...kjq154.jpg/jpg http://up2.m5zn.com/photo/2009/3/24/...0pbb2p.jpg/jpg http://up2.m5zn.com/photo/2009/3/24/...uvvx2c.jpg/jpg هاي الصوره هم ال2 :) اليوم صورتهم حق احطهم للموضوع http://up2.m5zn.com/photo/2009/3/24/...yj72rd.jpg/jpg هنيه كانت تستهبل متعلقه على الباب :phttp://up2.m5zn.com/photo/2009/3/24/...2ztv2t.jpg/jpg شو الراي ابادل فيهم و لا بشوف التصويت :) و الاكثر بمشي عليه |
رد: محتاره و ياليت حد ينصحني ؟؟
وعليكم السلام ورحمة الله وبركاته امممم والله شاقولج .. بس لو كنت مكانج ماكنت ببادل ماشاءالله عندج 2 اليفين بتبادلينهم بمتوحش اهو صج تقدرين تدربينه بس بتشتاقين حق ذلاك وسبحان الله صج الانسان طماع بعد مانحصل الي نبيه نطمع بغيره بس لطمعين بدون تفكير وبالاخير الخيار لج وبالتوفيق |
رد: محتاره و ياليت حد ينصحني ؟؟
اقتباس:
مش لي عندي كلامهم ينعد على الاصابع( استيوبد) (هلو )(نايس ويذر)(جميرا) (جب) (مياو)(بيخ) (صوت مزعج تقولين هرن ) في كلام انغليزي ما القطه بسرعه مب من زود الغه عندي :D مشكلتي فالحياه اني متسرعه :p الاعتراف بالحق فضيله ..:D بس لي مخوفني اذا بادلتهم يفرقونهم عن بعض و اذا فرقوهم ام حاله بترد تستخف و تجلع ريشها :( مايهونن عليه بس انا عندي كاسكو غيرهن عمرها 9 شهور او 10 بس هذيج ماترمي تصفر بس و حركات هبل |
رد: محتاره و ياليت حد ينصحني ؟؟
تضنين انهم يوافقون يعطونك اليلو ناب مقابل الببغاوات اللي عندك؟؟
لو أنا مكانهم رفضت صراحة,,, لكن شوفي وجربي واذا وافقو لا تترددي أبد. تحياتي |
رد: محتاره و ياليت حد ينصحني ؟؟
لوتية أذا رضو يبادلونك تكونين سويتي صفقة تجارية ناجحه!!
( ههههههههه أخوكم يشتغل باالتجارة) لكن خسرتي كاسكوات قريبة لك وتعبتي معاها ! أذا في مقدورك تشترين أمزوني اليف وصغير وتخلين كاسكوات يكون أحسن؟؟ بسسسسسسسسسسسسسسس اليلو ناب مغررررررررررررري جداً أذا ماتقدرين تشترين بادلي أحسن هذا أذا هم وافقوا؟؟؟؟؟؟؟؟؟؟؟ |
رد: محتاره و ياليت حد ينصحني ؟؟
والله ما أظن يرفضون الانه هم مايعرفون قيمته :) و لا يعرفون حتى اسمه شو بالضبط يقولون متوه خضراء وبس و لي يخليني متأكده انه يبادلون الانه 2 و اليفات و يرمسن لي عندهم يرمس بس متوحش و هاملينه ماحس في عنايه ..
|
رد: محتاره و ياليت حد ينصحني ؟؟
لو تقدري تشتري البلو ناب مع الكاسكزهات افضل
انا واحد من الناس ما افرط بطيوري بس الامازوني رااااائع و يستحق التعب يحتل المرتبه الثانيه عندي بعد المكاو صراحه :D بس الواحد يعز عليه طيوره لو تقدري تشتريه بالاضافه للي عندك يكون افضل ما قدرتي فالمبادله ممتازه |
رد: محتاره و ياليت حد ينصحني ؟؟
بس خلي لك واحد للتزاوج
|
رد: محتاره و ياليت حد ينصحني ؟؟
مادريد للاسف هم مش عارضينه للبيع يعني لو قلت بشتريه مابيبيعونه حقي :(
ومن كتبت الموضوع و من دخلت الفكره فراسي احس كل ما اشوفهم بصيح حراااام صدق انه مافيه خير :( عقب ماتعودن عليه افرط فيهم حرااااام خلاص غيرت رايي بس لو اخذت امزون من السوق هليه بيطردوني من البيت :) مسويات ازعاج و دوم يهددوني يرمونهم عشان هالسبب افكر بالمبادله بس اليوم بروح السوق العصر و وبشوف لي امزون بس اعرف انه مابيخلوني ازيد طيور فالبيت بس الحين شكلي بشغل عمري اخليهم يتكاثرون :) بييبلهم ذكر احس عن ما افكر فاليلو ناب و كل تأخيره فيها خيره .... وانا لو بكيفي يا مدريد كان مليت البيت كله طيور بس الشور مش بيدي :) في خاطري مكاو و امزون و كوكاتو مافي طير مش في خاطريه قالتها عاشقة الطيور بنيدوم طماع |
رد: محتاره و ياليت حد ينصحني ؟؟
الامزون الفرخ كم سعره ؟؟؟
و الكبير كم سعره ؟؟؟ عشان مايقصون عليه عطني فكره تقريبن كم |
رد: محتاره و ياليت حد ينصحني ؟؟
السلام عليكم...
لوتيه كيف تهون عليك عشرة العمر...لو انا بصراحة ماافرط في طيوري مهما كان .. وكمان حرام تعطينهم اثنين كاسكو ...وطيرهم اليلوناب مو اليف .. بالنسبه للاسعار اليلوناب الفرخ سعره لايقل عن 7000 والكبير المتعلم من 8000-15000 وسلامتك ,, |
رد: محتاره و ياليت حد ينصحني ؟؟
15000 اخذلي دراجه ابرك عن لا اخذ يلو ناب ههههههههههههههههههههه على الاقل الدراجه بحوط فيها فالبر
اليلو ناب بيزاعق و بيرمس بس خلاص خلاص ماببادلهم ماياني الرقاد من كثر ما افكر فالموضوع بخلي طيوري عندي و طيرهم عندهم ابركلي محد يفرط في عياله :) <<<<طاعو منو يرمس و تسلم ابو سفر على المرور... |
رد: محتاره و ياليت حد ينصحني ؟؟
البلو ناب حلو
حركاته اجمل من الكاسكو و متحدث اول ايضا مثل الكاسكو بس ترويضه يبيله وقت بس هو ممتع نصيحتي لا تفرطي بطيورك ما شاء الله جميله جدا و مو حلو تعب سنين يروح لغيرك :D انا شخصيا عندي مكاو ازرق و اصفر - بلوناب - 2 كاسكو كبار - كاسكو فرخ للان :D و على الطريق مكاو سكارلت باذن الله تخيلي منظر الغرفه عندي ( حديقة طيور ) ما شاء الله صلوا على النبي |
رد: محتاره و ياليت حد ينصحني ؟؟
واااااااااو ماشاء الله ياحيك عقبالي :)
الله يخليهم لك و يحفظهم... |
رد: محتاره و ياليت حد ينصحني ؟؟
السلام عليكم
الخيار لك في الاول والاخير ولكن عندي نقطه مهمه مالحب الا للحبيب الاولي .....^_^ تحيه طيبه |
رد: محتاره و ياليت حد ينصحني ؟؟
عليكم السلااام و الرحمه ...
يسلموووو مجنون عويشق على المرور ... :) لا لا خلاص غيرت رايي حرام مادري كيف طاوعني قلبي و فكرة في هالموضوع |
رد: محتاره و ياليت حد ينصحني ؟؟
سلملم انا ما انصح انك تبادلين بواحد متوحش
بس لو تشترين واحد يكون افضل لك وتعلميه على يدك بس هادا اللي انا اشوفه لو كنت مكانك ما ابادلهم ابدا |
رد: محتاره و ياليت حد ينصحني ؟؟
تسلم جداوي على المرور .. و مشكور على النصيحه :)
|
رد: محتاره و ياليت حد ينصحني ؟؟
ماشاء الله تبارك الرحمن أنا لو منك ما ابدل طيور ابد ابد لانو الكاسكو أفضل من الأمازووووني وبذات أذا كانو أليفين
ونصيحتي ماتبدلي أبد أبد أبد |
رد: محتاره و ياليت حد ينصحني ؟؟
تسلم يا تيموو على المرور و على النصيحه و انا بأمشي بنصيحتك و نصيحة الاخوان لي ماقصرو ...
|
رد: محتاره و ياليت حد ينصحني ؟؟
عندي طائر يشبة البلبل العراقي بس اصغر حجم وصوته جميل جداً بس ماعرفة شو نوعة ارجو المسعده
|
رد: محتاره و ياليت حد ينصحني ؟؟
لوتية انا عندي كاسكو واحد بس ومتعلقة فيه اج وشلون لو عندي اثنين ما شاءالله ولو يخيروني بينه وبين اثنين امازوني ما ارضى عليه ابدددددددددددددددددددددددددد هذا ابني وتربيتي :D
بعدين الامازوني صوته موش ولا بد يعني كأنو مسجل يتكلم او ضاغطينه ببرامج الضغط :D موب مثل الكاسكو صوته قوي وكبير تحسين شخص يهرج قدامك موب حيوان |
رد: محتاره و ياليت حد ينصحني ؟؟
السلام عليكم
اختي لوتيه عندك كاسكوين ومتوالفين ومستانسه فيهم ليش تضحين فيهم؟؟ انا اقترح عليج خليهم عندج ولاتفرطين فيهم وعسى الله يوفقج ان شاءلله |
رد: محتاره و ياليت حد ينصحني ؟؟
الاخت لوتيه بصراحه العرض مغري لكن المشكله اني ملاحظ انك متعلقه بطيورك وبينكم عشره وسوالف وراح تفقدينهم بس بعد ماتروح فرحت الجديد نصيحه اشريه منهم او اشتري لهم بداله
|
رد: محتاره و ياليت حد ينصحني ؟؟
كيف يهونون عليج ؟؟؟
انا عندي سيكو من اسبوعين ... ومب هاين علي انه بيموت وبيتركني ... كل يوم اصيح عليه ... حتى الدوام اوديه وياي ... والله غامضني كيف متعذب ... وانتي طيورج من فترة عندج ... ومتعودة عليهم وهم متعودين عليج ... بتمين كل يوم تفكرين فيهم ... ولا يلو ناب بينسيج اياهم ... |
| جميع الأوقات بتوقيت GMT +3. الساعة الآن 03:52 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو