منتديات تو زوو - عمره سنه

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

- - عمره سنه (http://www.2zoo.com/vb/showthread.php?t=93642)

أم صوفي

14-03-2009 05:50 PM

عمره سنه

السلام عليكم

كيفكم ..؟

لو شريت الكاسيكو عمررره سنه ايش المشكله ..؟

إذا كان ردكم يبي له وقت ع بال مايتكلم .. اوكي

أنا عندي سؤال ثاني ..؟

لو كان عمره سنه في أشكال انه يغرد اوو يقلد اصوت تغريد ..؟

ووو الجعير لو كان عمره سنه كم يبي له عشان يتعود ومايجعر ..؟ فتره كثير ..؟

وايش مشاكل اللي عمره سنه ...؟

أم صوفي

14-03-2009 06:00 PM

رد: عمره سنه

وينكم

عاشقة الطيور

14-03-2009 06:03 PM

رد: عمره سنه

وعليكم السلام ورحمة الله وبركاته

خخخخخخخخخخ ماادري ليش احس ان احد محذرج ما تاخذين ببغاء بعمر السنه :D .. بس تطمني الافريقي بهذي العمر ممكن تحصلين صعوبه بسيطه في البدايه وهذي شي طبيعي ولازم بيجعر بس خليه اسبوع عشان يتأقلم على البيت اليديد وفي هذي السن المناسب انه يتعلم الكلام وبتلاحظين بنفسج اذا صار له عندكم شهر ولا شهرين بتسمعينه يقلد صوت رنات التلفون والجرس واصوات مخلتفه

والمشاكل تييج حزت التدريب يعني يوم تحصلينه اوكي ويوم لا وهذي يعتمد على الجهد الي بتبذلينه في تدريبه واتمنى لو اجوفين المواضيع المثبته عشان تستفيدين اكثر

وبالتوفيق

أم صوفي

14-03-2009 06:13 PM

رد: عمره سنه

أنا خذت واحد عمره سنه .. احتياط لو ماعجبني ارده:rolleyes:

مدري مو يقولوا لا تاخذي عيونه صفرا :D

فـ توقعت انوا اكو مشاكل

يعني اتوكل ع الله واخليه ..؟

ولكن بزيااااااااده يجعر ..؟

عاشقة الطيور

14-03-2009 06:17 PM

رد: عمره سنه

يعني عندج واحد .. عيونه صفرا؟؟

اختي ممكن تنزلين له صوره واضحه لعيونه ؟

أم صوفي

14-03-2009 06:18 PM

رد: عمره سنه

ايوا اقولك خذته وقلت له لو ماخش مزاجي برده وواخذ اصغر منه

انزلك صوره بس مو احين لأني ارد وبيدي 100 شغله بس اخلصها انزل صورته

عاشقة الطيور

14-03-2009 06:31 PM

رد: عمره سنه

في انتظار الصور:)

مجنون عويشق

14-03-2009 06:35 PM

رد: عمره سنه

السلام عليكم

ياجماعه وش المشكله في شراء كاسكو عمره سنه !!!!!!!1!

المشكله عند الناس الان والي ماعندهم خبره ...يحط الفكره في باله ان اي كاسكو مش كبير بالسن معناها انه في احتماليه كبيره يموت او صعب ترويضه او او او

لو الفكره مثل كذا اجل ماحد جاب كاسكو وباعه بالسوق ..

ولكن الفكره تكمن في المربي نفسه

بالتوفيق

أم صوفي

14-03-2009 07:24 PM

رد: عمره سنه

امبيه وراك جيت كلكـ

أنا مدري وبعدين أنا سألت وقلتوا أنتبهي من اللي عيونه صفر

وحطيتها فـ بالي حتى يوم رحت المحل وش فتهم قلت وش ذا

ولا يهمك أنا خش مزاجي لكن الجعير أبي حل له وبس ..

والكلام لاحقين عليه يكفيني لا غرد الصبح وطلع صوت حلوووو بــس

أم صوفي

14-03-2009 08:17 PM

رد: عمره سنه

وهذى الصور إن شاء الله واضحه هذا اللي قدرت عليه

يتحرك وخايف يجعرررر

http://www.pusup.com/up/get-3-2009-7ma35aj6.gif

http://www.pusup.com/up/get-3-2009-g7umlueb.gif

مجنون عويشق

14-03-2009 08:28 PM

رد: عمره سنه

الجعار اختي الكبيره يروح مع الوقت ..

انا اول طائر اقتنيته ..كان كاسكو ..وعمره سنه ونص..

وكان مايسكت من الصراخ ..>>تقول مجنون

لكن استمر معي خمس شهور او اكثر وبدا يتكلم .وصار مثل العسل

فالوقت هو الغايه

تحيه طيبه ..أم صوفي

أم صوفي

14-03-2009 08:40 PM

رد: عمره سنه

اوكـ اكيد يبي له صبر << لكن والله ماعندهم صبر ناسن تحن فوقي :(

طيب الجعير ماله حل أو وش السوات ..

ادري ازعجتكم .. تحملوني

عاشقة الطيور

14-03-2009 08:51 PM

رد: عمره سنه

ماشاءالله عليه .. امممم مااظن عمره سنه فوق السنه والعلم عند الله

بس اختي لازم تبذلين مجهووود .. ودامج ماتبين ترجعينه سمعي كلام اخوي مجنون

وعندج المواضيع المثبته فيها طرق تفيدج في حل مشكلة الجعير

ولتنسين الصبر مفتاح الفرج

والله يوفقج

أم صوفي

14-03-2009 08:53 PM

رد: عمره سنه

رحت عليها بس ماشفت والاسئلة كثيييييييير دخت وأنا اشوفها

فتفوته

14-03-2009 10:10 PM

رد: عمره سنه

معروف اختي كل ما كبر الطير يصعب تعليمه الكلام وهالكلام ماجبته من راسي بل من خلال تجربة
اذا انتي صبورة لا ترجعينه خصوصا اذا كان من النوع الحركي وينتبه كلامك
وهو ان شاءالله بيتكلم بس يبيله وقت وتعليم مكثف
ووالله اعلم عمره اكبر من السنة على حسب وصفك للون العين
بالنسبة لعينه بيضاء مو صفرا

فتفوته

14-03-2009 10:11 PM

رد: عمره سنه

شفت صورة الطير توني انتبه للرد
عمره اكبر من السنة اختي

أم صوفي

14-03-2009 10:47 PM

رد: عمره سنه

أنا حاليا والله ماهمني يتكلم أو لا

اهم شي يخف الجعير حقه

شفت زيه عند ناااس وله فتررره عندهم وماشاء الله على صوته الصبح لجيت اسمعه جميييل

لكن مايتكلم بس يغرد ويطلع اصوت جميله

كذا يكفيني ..

إذا وقف الجعير وقتها اعلمه الحكي :)

الصبررررررر زين ... فديتكم جميع ..

يعطيكم العافيه

نقيب المحاميين

14-03-2009 11:15 PM

رد: عمره سنه

ممكن اعرف السعر لان انا من مصر واريد شراء بغبغاء مثل هذا

سكر	15-03-2009 03:10 AM

رد: عمره سنه

أخي نقيب المحامين سعره مابين ال800 إلى 900 ريال سعودي بحسب المكان.

وممكن تلاقيه بأقل من كذا.

أخي أم صوفي.

ليش احنا نقول العيون السوداء .. الخ.

لأن الصغير في العمر أسهل في التربية, طبعا هذا الكلام يفرق حسب نظرتك انتي وحسب اللي انتي تبغيه.

يعني مثلا لو أجيب طير عيونه صفرا مرررة وكبير في العمر وأعطيه أمي (عجوز الله يحفظها) بتلاقيه بعد سنة شي ثاني.

بتلاقيه يتكلم وأليف ولا يجعر وكل شي زي الحلاوة.

لأن أمي ما بتتدخل فيه ومابتطالبه بانه يعمل حركات ويسلم ومدري ايش.

وكل يوم وهي ناقزة تمسح على راسه ومن هذ القبيل.

بتتركه في حاله وتوفر له الأكل والأمان.

لكن لما يكون الهاوي يبغى الببغاء يلعب ويعمل حركات ويبوس ... الخ.

نقول له انتبه لا تاخذ كبير ما ينفع.

الزبدة انا أشوف ان هذا الطير مناسب لك تماماً.

لا تفرطي فيه وفي نفس الوقت لا تروضيه أصلا. خليه هو يروض نفسه <<< مثل أمي :D

تحياتي

فتفوته

15-03-2009 03:16 AM

رد: عمره سنه

ام صوفي
ليه ما تاخذين لك كناري احسن يغرد بنغمات مختلفة وحلوة

عاشقة الطيور

15-03-2009 05:23 AM

رد: عمره سنه

وازيد على كلام اخوي سكر ان الببغاء الافريقي لما تكون عيونه سوده ممكن بالبدايه يجعر لكن جعيره يخف وبسرعه ينتهي ويرجع سبب انتهائه بسرعه لصغر سنه من جذي احنه دايما ننصح بالصغار

المهم احين عن الجعير لتخافين كلها مسألة وقت بس عطيه شهر-شهرين عشان يتعود على البيت اليديد بشكل كااامل وان شاءالله بعدها بيختفي الجعير بس اهم شي في هذي الفتره محد يضايقه او يسبب له ازعاج

أم صوفي

15-03-2009 10:51 AM

رد: عمره سنه

مشكورين جميع

فتفوته

عندي بادجي وكان عندي دره و الصبر زين ماورانا شي ..~

لكن أنا أبي الكاسكو وثانيا أنا شريته وقضيت

فديتكم جميع .. تعبتكم معي

جميع الأوقات بتوقيت GMT +3. الساعة الآن 11:08 AM.