|
ابغى اشري ببغاء بسعر .....
0
0 0 0 0 السلام عليكم ورحمة الله وبركاته حبيت اشتري ببغاء متكلم بسعر لايتعدى 800 هل هذا ممكن ؟ وكم يكون عمره بهالسعر ؟ < في الرياض لما دخلت اليوتيوب ذهلت من فيديوات تقليد البغاوات الافريقيه مادري وشنوعها تيمنه او افريقي مااعرف بالضبط يليت تفيدوني؟ ومشكورين |
رد: ابغى اشري ببغاء بسعر .....
بمكة تلقى تمنه يتكلم ب500وشبه اليف
|
رد: ابغى اشري ببغاء بسعر .....
واااو حلو سعره
طيب في الرياض يا اهل الرياض .. اشكرك ابو وائل على المرور |
رد: ابغى اشري ببغاء بسعر .....
هلا اختى شيخة البنات و مرحبا بكي في المنتدي،،
اولا قبل شراء ببغاء يجب ان تعرفي بعض المعلومات عنه فلافريقي انواع و اسعاره تختلف على حسب نوعه و عمره و ألفته و كلامه. *أنواعه 3 افريقي جامبو (كونقو) و عادي و الافريقي الغيني ( التيمنه) مصنفه حسب الاحسن فسعار الكونقو غاليه و العادي فوق 800 ريال الا اذا كان كبير بالسن و غير اليف و هذا لا انصحك به بتاتاً . فليس لديك بالسعر هذا الا خيار واحد الا و هو الغيني التيمنه http://www.pusup.com/up/get-9-2008-5z4vq40w.jpg http://www.pusup.com/up/get-9-2008-e54rq9w3.jpg و اسعاره في حراج الطيور في العزيزية قبل الحظر 300 الى 500 ريال غير أليف و من 500 الى 1200 ريال أليف و اتوقع انه لم يزيد كثير لان هذا النوع غير مرغوب او لا يحظى بشعبية الكاسيكو |
رد: ابغى اشري ببغاء بسعر .....
تسلمين على التبين
طيب بسئل هل التيمنة عنيييييد في التدريب ؟ ويتكلم بصوت واضح اذا احد سمعه |
رد: ابغى اشري ببغاء بسعر .....
مافيه اختلاف بين العادي والتيمنه .. فقط العادي يكون مرغوب بالسوق اكثر من التيمنه وعشان كذا سعره زايد
|
رد: ابغى اشري ببغاء بسعر .....
بمكة الافريقي الي مي اليفه وتتكلم 600-900
|
رد: ابغى اشري ببغاء بسعر .....
والله حلو
شوقتوني اشتريها.. اشكركم على الافاده .. |
رد: ابغى اشري ببغاء بسعر .....
في ببغاء كاسيكو عمره سنه واليف معروض للبيع بـ 850 في مدينه جده .. في قسم البيع
|
رد: ابغى اشري ببغاء بسعر .....
هلا شيخة البنات
ترى تلاقين التمنه برخيص ويتكلم بس مب السعر الي قلتيه يعني بحدود1200/1500 اذا كثر بعد |
رد: ابغى اشري ببغاء بسعر .....
اهلين اختي
ترا اللي شفتيه باليوتيوب مستحيل يكون تمنه لانه نوع متكلم لاكن مو زي الكاسكو واذا بتشترينه لا يكون اكبر همك كلام الطير اهم شي تكونين حابه ذا الحيوان لان محتمل انه ما يتكلم الا كلمه كلمتين وبس وخذي اليييييييف نصيحه |
رد: ابغى اشري ببغاء بسعر .....
اشكركم اخواني على المرور
طيب فيه غش بالسوق للتيمنه زي الكاسكو ؟ انه تفريخ بلدي و و و.. |
رد: ابغى اشري ببغاء بسعر .....
الله يمسيكم بالخير جميع...
اختي شيخة انا قريت الردود ...وكلهم ما قصرو... بس وانا اخوتس انا كانت لي تجارب كثيرة مع الببغانات :D اقتنين اكثر من نوع واحيانا اقتني شي ما اعرف اسمه يعجبني شكله والوانه فاخذه...بس من واقع تجربه انا اعرف لك واحد في الرياض عنده يبيع طيور وولد امون عليه انا وقد اخذت من عنده وبصراحه اشياء علي كيفك لا صحه ولا الافه...والله يشهد اني ما اعرفه الا في هالشي ولا لي اي مصلحه اني اسوق له....الحمد لله الخير واجد:) انا حاليا عندي الدبل يلو هيد اخر شي رسيت عليه لانه نوع قوي وذكي ولونه بعد حلو... لكنه غالي شوي وانتي تبين شي معقول الحبيب اللي كنت اخذ منه اقدر اوصيه لك علي شي انشالله يبيض الوجخ وتدعين لي.. والله اني ما ابي اللي اخدمك في الموضوع عشان لا احد يغشك... اذا تحياتي لك وللجميع:) |
رد: ابغى اشري ببغاء بسعر .....
شكلي من كثر ما عاشرت طيور وحاولت اعلمهم الكلام ضيعت الاملاء...:D
لا تدققون علي الاملاء بليز لو سمحتو..:o |
| جميع الأوقات بتوقيت GMT +3. الساعة الآن 06:29 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو