|
ندوة حول موت افراخ الكاسكو
السلام عليكم ورحمة الله وبركاته جماعة الخير حبيت اناقش معاكم موضوع الكاسكو اللي يوصل لنا عن طريق البحرين. اللي خلاني افتح هالموضوع اني اشتريت انا وصاحبي كاسكو من واحد من الاخوان وقال انه مشترنهم من البحرين طبعا، وطبعا خذناهم وهم فروخ بعمر 3 شهور تقريبا وتدفعنا فيهم هاك المبلغ المحترم ... وللاسف ما كملوا معانا الا اسبوعين او 3 اسابيع بالكثير وصابهم مرض وهو انهم يرجعون الاكل ويطلع منهم سائل وفي الاخير ماتوا. وقلنا يمكن من الجو لانه كان حر وصيف. وبعد فتره واحد من الربع اشترى كاسكو ونفس الشي يايبينه من البحرين وبنفس العمر وللاسف ما كمل اسبوعين الا صابه نفس المرض ومات. واخر شي اخوي اشترى كاسكو بعمر تقريبا 4 شهور وبعدددددددددددد من واحد يايبنه من البحرين، بس الحمد لله اخوي لحق وباعه حق ناس يعرفهم، وامس سالته عن الكاسكو اللي باعه بعده موجود مع الجماعه فقالي للاسف ماااااااااااااااااااااااااااااات، وقالي انه صابه نفس المرض ومات والطبيب قاللهم ان فيه ورم في بطنه من وهو صغير ويبدا يكبر لاين يسبب موت الكاسكو، واكثر فروخ الكاسكو يكون فيهم هالشي. يعني الجو طلع برئ من موضوع موت الكاسكو براءة الذئب من دم يوسف. بس نبي نعرف شو سبب هالورم وليش يكبر مع بعض الطيور والبعض لا، وهل طريقه النقل وخلط الطيور لها دور ؟!؟!؟؟!؟ اساله تسدح نفسها ويا ريت نلقى حل ..... والحين اترك الميكرفون للاخ اللي بيرد بعدي فليتفضل مشكور :D |
رد: ندوة حول موت افراخ الكاسكو
والله انا كنت ابي اشتري لي فرخ ومتحمس .. لكن من كثرة المواضيع الي اشوفها الحقوني وببغائي بيموت .. بطلت الموضوع :D
|
رد: ندوة حول موت افراخ الكاسكو
السلام عليكم اخوى مشكلة البحرين وطيورها مشكله الطيور تجى من الخارج وتختلط ببعضها وتنتشر بينها الفيروسات والامراض انا زرت محجر البحرين للطيور وزرت الكثير من المحلات وشريت الكثير من الطيور من البحرين والنتيجه الى خرجت فيها ان المشكله بطيور البحرين هى الخلط وتكديس الصحيح مع المريض وانتشار الامراض بينها وهنا ما نقفل الخط على من يبي كاسيكو لكن ألافضل التريث وعدم الشراء من الطيور حديثة الاستيراد بل الشراء اما من المنتجيين المحليين وان كانو اغلى سعراً لكن اضمن او الشراء من الطيور قديمة الاستيراد يعنى تكون استوردة قبل ستة شهور وأكثر وضلت عند مربي ويرغب في بيعها فهى اضمن لن مرحلت احتضان الفيروس قد زالت ولى اصحاب أشترى طيور من استيراد العام الماضي والطيور الان بصحه ممتازه والحذر الحذر من الطيور الصغيره المستورده حديثاً فكل المشكلات منها |
رد: ندوة حول موت افراخ الكاسكو
^^^^^^^^^^^^^^^^^^^^^^^^^^^^^^^^
لا تعليق بعد كلا عازف الكيبورد فهو عين الصوااااااب |
رد: ندوة حول موت افراخ الكاسكو
انا عندي فرخ بسم الله عليه ماشاء الله من مزرعة هولندية
بس اخذتة من خالي جابة لي هدية بسم الله عليه نشاااط ولعب وله الحين شهر او ثلاث اسابيع والسبب هو مثل ما قال اخوي عازف الكيبووورد التكديس ونقل الفايرس بينهم البين |
رد: ندوة حول موت افراخ الكاسكو
اتوقع مو بس في طيوور البحرين ..
لانه قبل تقريباً 6 سنين كآن عندي فرررخ ولمآ كمل عمره 7 شهور .. صار مايكـل ويرجع وبالاخيـر مآآت :( .. ومافد فيه لا علاج ولا شي .. يعني اتوقع ان فروخ الافريقى حسآآسه مررره :( |
رد: ندوة حول موت افراخ الكاسكو
مـــــــــــــــــــــــــــــــــــــــــــــــــشـــــــــــــــــــــــــــــــــــــــــكــــــــــــــــــــــــــــــــــــور
|
رد: ندوة حول موت افراخ الكاسكو
السلام عليكم ورحمة الله وبركاته
اشكر الاخوان اللي شاركوا بالموضوع واخص الاخ عازف الكيبورد على راية الصحيح يعني اللي فخاطرة يشتري كاسكو لازم ياخذ واحد عمره على الاقل سبعة شهور وطالع ، او ياخذ انتاج محلي ولو كان سعره غالي. بس يا جماعة الخير ... انا عندي استفسار ......... جميع الدول عاملة حظر على دخول الطيور اليها بسب مرض انفلونزا الطيور ... بس الغريب كيف توصل الطيور للبحرين وبهذي الكميات الكبيره ؟؟؟؟ ولو قلنا تهريب .. فمعقوله الحكومة ما عندها خبر ؟؟؟؟ الشي الثاني نبي نعرف المصادر الصحيحه اللي نقدر ناخذ منها ... يعني انا اللي اعرفه انه في مزرعة الديواني اللي في الاحساء بس للاسف متعاقدة مع واحة الحيوان، وعندنا في الامارات فيه مزرعة الاخ بن غليطة وهو يقوم بتفريخ الكاسكو ، صح ان سعره 3500 درهم بس الصراحه انا بروحي شفت واحد من طيوره وكان فرخ ياكل السيريلاك بس ما شاء الله ما شاء الله نظافه ولون وحجم كبير يعني لو ما شفته ياكل سيريلاك كنت قلت هذا بالغ. فيا ريت على الاقل نعرف بعض المزارع او الاخوه اللي يفرخون الكاسكو على الاقل ندفع 3500 ويبقى الطير معانا ولا اني ادفع 2500 ويموت علي بعد اسبوعين ( طبعا الاعمار بيد رب العالمين ) بس الواحد ياخذ الحيطه والحذر. تعبت من الطباعة وانا صايم ... اترك الحديث لشخص ثاني :) |
رد: ندوة حول موت افراخ الكاسكو
السلام عليكم أخوى حكومة البحرين سامحه للمحلات بأستيراد الطيور من الخارج ولو تروح البحرين بتشوف العجب من الطيور والكميات والبحرين هى المصدر لدول الخليج بنسبه للمنتجين بسعوديه الديوانى ( ألاحساء ) الاخ حبيب ( الشرقيه ) معنا بلمنتدى ونك نيم تبعه الكاسكو الاخ حكيم ( الشرقيه ) هذولا منتجين ااااااااالشرقيه تقريباً للكاسيكو ألامارات (( بن غليطة )) وهو يقوم بتفريخ الكاسكو يليت الى عنده اى مفرخ لكاسيكو يقدر يفيدنا بأسمه وعنوانه اوتلفونه حتى نقوم بادراجهم بموضوع واحد مختص بلمنتجين المحليين |
رد: ندوة حول موت افراخ الكاسكو
اقتباس:
اشوف الاخ وايد شايل في قلبه على البحرين عسى ماشر الحبيب في كل موضوع اشوف طيور البحرين وطيور البحرين,,, الكاسيوكو معروف انه حساس وتغير الجو يلعب دور والمكان الي بتربي الطير فيه وانت وخبرتك مع الطيور والتعامل معاها في شتى الظروف كثير ناس اشترو طيور من البحرين والحمد لله لحد الان موجودين وبصحه ممتازه.... واقول خفف شوي من ذكر طيور البحرين ويعطيكم الف عافيه |
رد: ندوة حول موت افراخ الكاسكو
أخوى بو فيصل أحنا نطرح مشكله ونحاول نوجد الحلول لها واهذا واقع وهذى مشكله أما ذكر البحرين فما بقصد الاساءه معاذ الله لكن لن الطيور تستورد من هناك اما مسألت الى ذكرناه فهذى حقيقه موجوده والكل معانى منها وهذا المنتدى |
رد: ندوة حول موت افراخ الكاسكو
مشكور اخوي عازف الكيبورد على قائمة المنتجين المحليين ويا ريت الاخوه الباقين يتفاعلون معانا واللي يعرف اي منتج للكاسكو في الكويت وقطر والبحرين وحتى عمان يخبرنا وما يبخل بالرد.
ولكم جزيل الشكر :) |
رد: ندوة حول موت افراخ الكاسكو
جميع الدول عاملة حظر على دخول الطيور اليها بسب مرض انفلونزا الطيور ... بس الغريب كيف توصل الطيور للبحرين وبهذي الكميات الكبيره ؟؟؟؟ ولو قلنا تهريب .. فمعقوله الحكومة ما عندها خبر ؟؟؟؟
الشي الثاني نبي نعرف المصادر الصحيحه اللي نقدر ناخذ منها ... يعني انا اللي اعرفه انه في مزرعة الديواني اللي في الاحساء بس للاسف متعاقدة مع واحة الحيوان، وعندنا في الامارات فيه مزرعة الاخ بن غليطة وهو يقوم بتفريخ الكاسكو ، صح ان سعره 3500 درهم بس الصراحه انا بروحي شفت واحد من طيوره وكان فرخ ياكل السيريلاك بس ما شاء الله ما شاء الله نظافه ولون وحجم كبير يعني لو ما شفته ياكل سيريلاك كنت قلت هذا بالغ. فيا ريت على الاقل نعرف بعض المزارع او الاخوه اللي يفرخون الكاسكو على الاقل ندفع 3500 ويبقى الطير معانا ولا اني ادفع 2500 ويموت علي بعد اسبوعين ( طبعا الاعمار بيد رب العالمين ) بس الواحد ياخذ الحيطه والحذر. تعبت من الطباعة وانا صايم ... اترك الحديث لشخص ثاني :)[/QUOTE] لا يالحبيب M a Y e D مو تهريب الدوله سامحه بأستيراد الطيور واذا تهريب بيهربون طير طيرين مو كميه كبيره وتنزل في المطار والكل يشوفها.... ليش انهرب والدوله سامحه لنه .. انا اعرف واحد من الامارات اشترى كميه كبير من انواع مختلفه من الطيور الي تباع في البحرين بمبلغ كبير ودخلها الامارات تهريب اذا طيورنا فيها مشاكل ليش يشترون من البحرين ويخسرون فلوسهم |
رد: ندوة حول موت افراخ الكاسكو
السلام عليكم
ياشباب كل هذا الكلام عن الفروخ بعضها صحيح والاخر اجتهادات من الاخوة ولكن يضل راي اخونا عزف الكيبورد الاقرب للحقيقة مو لان كل طيور البحرين مريضة ولكن حسب خبرتي المتواضعة واحتكاكي بالتجار والمستوردين ولاني اعشق فروخ الكاسكو بصفة خاصة ومات عندي اكثر من واحد ان ظروف جلب الطيور من البحرين الي باقي دول الخليج يتم عن طريق التهريب بسبب منع الاستيراد وفي كثير من الاحيان في ظروف بالغة السوء من حيث التهوية والنظافة والتكدس الرهيب وقد شاهدت بعيني لحظة وصول كمية مستوردة الي التاجر وبصراحة شي يقطع القلب اكثر من 30 طائر في صندوق صغير وبدون ماء او طعام لدرجة ان الطيور اكرمكم الله كانت تـأكل فضلاتها من الجوع وكان بينها اثنين نفقوا بعد رحلة سفر اكثر من 16 ساعة من البحرين الي جدة وانا متأكد ان باقي هذه الارسالية سوف يمرض عاجلا او اجلا والاعمار بيد الله حتي لو كانت هذه الطيور سليمة بالبحرين فبعد هذه المعاناة لابد ان يكون مستقبلها من حيث الصحة مشكوك فيه ولكن بعد تجربة فقد اشترطت علي احد التجار ان اشتري منه احد هذه الفروخ ولكن تظل عنده لمدة شهر وادفع له ثمن اكلها وشرابهاوثمنها طبعا ولكنه رفض لانه يعلم بالطبع ان احتمالات مرضها ووفاتها حتي عنده في هذه المدة مؤكد طبعا فصرفت نظر بعد ان شاهدت بعيني مدي سوء الظروف التي مرت بها والتي تسببت بموت معظم هذه الرسالة من الطيور بعد ان اشتراها الناس وذلك حسب كلام التاجر نفسه وهذا راي بعد تجربة شخصية وتقبلوا تحياتي |
رد: ندوة حول موت افراخ الكاسكو
يعني كم طير كاسيكو يكون في محلات البحرين ويموتون ايذا استمرت هذه الحاله بين غرض الكاسيكو :eek::eek::eek::eek::eek::eek::eek::eek: |
رد: ندوة حول موت افراخ الكاسكو
السلام عليكم ورحمة الله وبركاته
اولا شي اخوي بو فيصل .... اخوي انا لا متحامل على البحرين ولا على اهل البحرين بالعكس والله العالم شكثر احبهم مع اني للحين ما زرتها بس من كثر طيبه اهلهم حبيتها :) الشي الثاني اخونا عازف الكيبورد وضح ان الموزع الرئيسي الرئيسي للطيور هي حبيبتنا البحرين، وانا قصدي من كلامي كله اني اوضح ان المشكله في الطيور اللي توصلنا من البحرين عن طريق التجار اللي يهربونها ويوصلونها للامارات او السعوديه او الكويت او قطر او عمان مثل ما تفضل الاخ hazzz وخبرنا عن الحاله اللي توصل فيها. فيعني مب معقوله اني بقول " مشكلة الطيور اللي توصلنا من بنجلاديش " :D لان مصدرنا الرئيسي هي البحرين. وثالث شي انا لما سألت كيف توصل للبحرين لاني صدق ما كنت اعرف انه مسموح انهم يدخلونها لاني كنت اعتقد ان الحظر على كل دول الخليج واستفساري كان بس من خوفي وحرصي على اهلها من مرض انفلونزا الطيور اللي نسمع عنه ومخوفينا منه ( الله يحفظكم ان شاء الله من كل مرض ) وسؤالي عن المنتجين كان عشان الاخوان يستفيدون من المنتجين اللي في كل دوله بدل ما يخسر فلوسه على تاجر لا عنده ذمه ولا ضمير يهرب 30 طير في صندوق ويبيعها بالمبلغ الفلاني وفي الاخير يصير الكاسكو مرحوم وفي ذمه الله :cool: على العموم اهل البحرين حبايبنا والسموحه ثم السموحه اذا كنت غلطت عليهم بقصد والا بدون قصد وان شاء الله ما يزعلون مني وان شاء الله بعد العيد لي زياره للبحرين وهي المره الاولى ومب الاخيره ان شاء الله فلا تقصرون علينا بالعيديه :D |
رد: ندوة حول موت افراخ الكاسكو
السلام عليكم,,,,,
حياك الله في ديرتك .. مثل ماقال الاخhazzz اول ماتوصل الشحنه الله لايراويكم اشكالهم تكرهون شي اسمه كاسيكو قفص صغير من خشب ارتفاعه قدم واحد تقريبا وفتحات تهويه من الجهتين ومضروب مسامير يعني على اكلهم اول ماحطوهم في القفص للشحن ...والجماع اول مايسمعون بان في محل جايب طيور على طول راحو واشترو منهم ماينتضرون فتره حتى ينعرف المريض من السليم..وانا سمعت ان التاجر المستورد للطيور يتفق مع التاجر المصدر للطيور بأن الدفع يكون بعد بيع الكميه يعني اذا مات عنده طير هو غير مسؤل ولا يخسر اي شي واذا باعهم كلهم اخذ نصيبه وطرش الباقي وهاكذا البائع لايخسر اي شي .. وشكرا |
رد: ندوة حول موت افراخ الكاسكو
يا اخون انا بدأت اشك في المحجله لأنها تموت بسرعة
كنت ناوي اشتري محجل لكن بعد البحث وجدت انه كثير منها تموت وما تتحمل مثل المصيود غير كذا بعض الناس من ضمنهم احد التجار يقول لي نصيحة خذه مصيود احسن لك وانا قد ما دورت في السوق ما قد شفت كاسكو محجل عمر اكثر من 10 شهور والسبب زي ما ذكرتوا من سوء النقل .....إلخ غير كذا انا اتوقع انها (المحجله) بالأصل ما تتحمل بينما المصيود اشوفه عند الأعضاء ماشاء الله يعيش اكثر وانا قد ربيت مصيود كان اليف صح مو زي المحجله وقعد عندي يمكن سنه ولا افتكر انه مريض مرض خطير مره وحده وديته عند البيطري واداه تطعيمات اول ما اشترته وامكن كان عمره سنه وشوي وبعدين باعه الوالد عشان اخوي عنده حساسيه هذا والله اعلم |
رد: ندوة حول موت افراخ الكاسكو
اممممممممممم كلامك بعد مقنع يا اخ the-gray
بس مشكله المصيود انه يحتاج لتدريب ، يعني انا لقيت اكثر من طير كاسكو مصيود في المحلات وتكون رخيصه بس للاسف مب اليفه وترويضهم صعب ، هذا طبعا للي اعمارهم كبيره ، واللي اعمارهم صغيره تلقى التاجر رافع سعره وايد يعني بينه وبين لمحجل يكون الفارق يمكن 500 بس. الظاهر بنحول لتربيه الجرابيع احسن :D ويا كثرهم فالبر :) |
رد: ندوة حول موت افراخ الكاسكو
--------------------------------------------------------------------------------
السلام عليكم بالنسبه للكاسكو الهولندي المحجل الفرخ كثر الكلام عليه انه ماله عمر طويل حده 8 او 9 شهور ويمرض ويموت ياليت الي عنده طير اشتراه من لما كان فرخ ورباه الي ان تعدي عمره سنتين علي الاقل يفيدنا ولو اني اشك بالموضوع هذا والسبب ان السوق لا يوجد به غير الفروخ فقط ولم اري طير كاسكو هولندي محجل عمره كبير ولا احد يطلعلي ويقول انا عندي فرخ ربيته وكبر وطاف السنتين وبالاخير يطلع افريقي مو هولندي احنا نبي المحجل الهولندي فقط |
رد: ندوة حول موت افراخ الكاسكو
<<<<<<<<<<<<<<<<<<<<<<<<<<<<<<<<<<>>>>>>>>>>>>>>>>>>>>>>>>>>>>>>>>
كلام أخوي عازف الكيبورد صح |
رد: ندوة حول موت افراخ الكاسكو
انا معاك ياخوي (MAYEB )
الكبير تدريبه صعب إبعد عنه والصغير مولدي الدرجة سعرة غالي وانا معاك لما تدربه ما يصير زي المحجل بس اخده ويعيش معاي ولا اخذ واحد يموت بعد شهر وكلام اخوي كوكاااتو صحيح ماشفت لا في السوق ولا عند الأعضاء كاسكو محجل اكبر من سنتين والسبب ذكروها اللي قبلي غير كذا انا اشك في نوعيتها انها ماتتحمل والله اعلم |
رد: ندوة حول موت افراخ الكاسكو
انا اشتريت من (بن غليطه) في الامارات والصراحه الطير ممتاز موجود وعايش احلى عيشه ولله الحمد .
المشكله في تربية الكاسكو انه الارباح تبدأ بعد سنه ونص او سنتين مو نفس السنه يعني لحد مايتزاوجون ويبيضون ويطلع الفرخ وتبدأ مرحلة الحضانه لمدة شهرين او ثلاث الى خمسة اشهر وبعدها تبيع والله اعلم منو يعيش ومنو مايعيش |
رد: ندوة حول موت افراخ الكاسكو
الموضوع وايد ضيق خلقي لانه توني من يومين اخذت فرخ محجل وعمره حوالي 3 شهور:(
|
رد: ندوة حول موت افراخ الكاسكو
الموضوع حلو.... واتمنى احد يفيدني في عنواين لمنتجين في الشرقية...الدمام ...القطيف
|
رد: ندوة حول موت افراخ الكاسكو
الله يعطيك العافيه
|
رد: ندوة حول موت افراخ الكاسكو
ياجماعه الخير الموضوع اكبر من هذا ،، الطير فرخ ويعني مفطوم منه امه وابووه، بلعربي لازم يكون له عنايه خاصه، وخصوصا بعض المحلات يقوم بوضع الفتامينات حق الطير وتجي انت وتشتريه وماتعطيه فتامينات ويصير تغير عنده ،، ونصيحتى قبل شرى الطير عليك التتاكد من انه ياكل بنفسه افضل شي وتراقب الطائر فتره طويله في محل البيع وعليك التاكد من البائع ومايعطيهم من اكل وفتامينات ،،واخير الحذر من الطيور الصغيره اذا كنت هاوي جديد ،،
|
رد: ندوة حول موت افراخ الكاسكو
اقتباس:
اقتباس:
و أزيد على مفرخين الكاسكو في الشرقية غير حبيب و حكيم .. أخ علي العباد و على فكرة أنا طيري من إنتاج الأخ حكيم .. فحتى لو كان غالي على الأقل أضمن أن الطير بصحة جيدة و الحمد لله http://www.pusup.com/up/get-12-2008-wr86nk2t.gif |
رد: ندوة حول موت افراخ الكاسكو
كلام LiLi عين العقل |
رد: ندوة حول موت افراخ الكاسكو
من يعرف احد يبيع فروخ كاسكو في الرياض او الشرقيه
|
| جميع الأوقات بتوقيت GMT +3. الساعة الآن 09:55 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو