|
اطعام الفرخ يدوياً
،،
السلام عليكم ورحمة الله وبركاته هلا بكم جميعا انا عندي فرخ عمره تقريبا مابين اسبوعين الى 3 اسابيع ودي اوكله يدوي لكنه رفض يتقبل السرنجه وش الطريقه اللي اخليه ياكل منها ؟؟ لان ماعنده ام .. الفرخ لحاله عندي بدون اب ولا ام ياليت تفيدوني يالغالين ،، |
رد: اطعام الفرخ يدوياً
أخي الكريم قرب السرنجة من فمه وجعله يتذوق الطعام منها هو لا يعرف ماذا تكون السرجة أصلاً لذلك ممكن يخاف منها لكن بمجرد أن يتعرف أنها مصدر للطعام فسقيبل عليعها ولا يتردد من الاقتراب منها وفقك الله تحياتي |
رد: اطعام الفرخ يدوياً
تسلم اخوي سكيلدووو
الله يجزاك خير ويعطيك العافيه الان اقدر اخلط له حبوب مع السيريلاك واقدمها له بيدي ؟؟ لاني سمعت انه اذا كان اكتمل ريشه .. ممكن انك تقدم له اطعمه صلبه يتعود عليها ،، |
رد: اطعام الفرخ يدوياً
حياك الله أخوي ونحن بالخدمة لكن انتبه كم عمره الآن؟!! لأن إذا لم يتعدى الشهر فهو لا يستطيع أن يقشر الحبوب فيبتلعها بالقشور مما يسبب له مشاكل كبيرة في الهضم انتبه أخوي تحياتي |
رد: اطعام الفرخ يدوياً
يؤؤؤؤؤؤؤؤؤ يؤؤؤؤؤؤؤؤ
اجل بحاول فيه بالسرنجه .. الشكوى لله انا قلت بعطيه حبوب لاني لما شفت الله يكرمك برازه .. لقيت فيه حبوب .. قلت يمكن بدا ياكل حبوب من امه قبل ،، |
رد: اطعام الفرخ يدوياً
نعم أخي اللي شفته هو دليل قاطع بأنه غير قادر على الهضم لأنه يبتلع الحبوب بالقشر!! |
رد: اطعام الفرخ يدوياً
والله عجزت عنه
حاولت فيه بكل الطرق انه يقتنع انه ياكل من السرنجه وعجزت جلست معه نصساعه احاول فيه وكنت اطلع كميه بسيطه منها ابيه يذوقها بعدين اول ما يشوفني اخلط معها حبوب .. يجي يبدا ياكل منها يعني صراحه شكله ماراح ياكل من السرنجه ابد وش الحل فيه هالفرخ عنييييييييد جدا ،، |
رد: اطعام الفرخ يدوياً
أخي حاول ان تضعها داخل منقاره وتطعمها له
ههههه أخي حاول ان تطعمه رغما عنه ولاكن بدون قوة فإن بقى على هده الحال فسيموت |
رد: اطعام الفرخ يدوياً
أخي الكريم غريزة الجوع ستجعله يأكل منها حاول أن تعوده على الغذاء الذي تقدمه له من خلال السرنجة لكن سؤالي لك ماذا تضع له في السرنجة من غذاء؟؟؟؟ |
رد: اطعام الفرخ يدوياً
هلا بكم
انا حطيت السرنجه داخل فمه مثل ما شفت بمقطع فيديو وطبقته بحذافيره .. لكن العصفور فقد الوعي وكأنه بيموت .. ومسكته مع ظهره وفركت له بطنه والحمدلله رجع مثل اول ( حالة انعاش سريعه ) انا اضع له سيريلاك .. انا كنت بضع له كوسه مسلوقه وعدة خضار اضربها بالخلاط .. لكن واحد قال لي ما يحتاج السيريلاك يكفي الحين الطير اشوفه بدا يقشر الحبوب .. وياكل منها كأنه طير كبير .. وايضا حطيت له ماء وشرب طبعا كله بيدي الاكل احطه بيدي .. والماء كذلك من يدي ،، |
رد: اطعام الفرخ يدوياً
أخي إذا بدأ يقشر الحبوب فهذه بشرى جيدة وإن شاء الله يشبع نفسه لكن يجب عليك ملاحظته وبالنسبة للإغماء وارد أنك خنقته لما ضغطت الطعام في فمه!! تحياتي |
رد: اطعام الفرخ يدوياً
هلا بك اخوي
الله يجزاك خير محد مبرد خاطري غيرك والله ولا يهونون الشباب انا توقعت نفس الشي الحين الحمدلله يقشر الحبوب .. وصرت اناديه ويجي للأكل وماشاء الله عضته صارت اقوى .. اتوقع من بعد مازادت قوة عضلات منقاره بعد اكل الحبوب الله يوفقني واطلع من هالمرحله لاني والله ماشجعني على اخذ هالفرخ الا توليفه وتعليمه الكلام .. خاصه اني ولفت اكثر من طير قبل .. والبادجي كان احد الانواع .. بس ماكان فرخ .. ربيته وهو عمره شهرين اليوم بعت بعض طيوري بعد مازارني احد الاخوان واعجبته ( بادجيات مدربه وأليفه ) قلت استفيد انه يصير مايسمع صوت طيور ثانيه .. مع ان فيه عندي زوج الآن على وشك التزاوج .. بس ابعدته قدر الامكان لا يتأثر باصواتهم ^.^ الله يجزاك خير يا سكيلدو ،، |
| جميع الأوقات بتوقيت GMT +3. الساعة الآن 03:53 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو