|
~ اسئله وإستفسارات بـ خُصوص [ البط ، الأوز ، الدجاج ] ~
السلأم عليُكم * أشكركم على هالموقع الرائع واتمنى الاستفاده والافاده شُكرآ للاداره الموقع . ~ ;) . ~ عندي مشُكله وايضا جم استفسار وإن شاء الله القى الحَل عندُكم ولاتبخلون علي اي شي . عندي مزرعه وحاطه الطيور الداجنه .. البط .. الدجاج .. الأوز .. ومخليتهم على راحتهم تتصرف بطبيعتها بدون ادخل او اسوي شي لها .. :) . أولأ : الأوز . - حآبه اسال بخصوص الأوز متى تزواج بينها .. يعني لها موسم خآص لها . وخصوصا فشلت في الانتاج السنه الي طافت .. ماكو حظ :( وسمعت ان الاوز مايرك على بيضه او يحضن .؟ :confused: وجم في سنه تضع البيض. وابي شغلات تقوي جسمها مثل فيتامين او شغلات لاني مااعرف للطيور عدل لاني معطيه لهم الحريه اهي تتصرف بنفسها . :rolleyes: وبس * ثآنيآ : البط . - عندي استفسار البط له اشهر معينه يضع البيض / وعندي مشكله الحين وشلون احلها .؟ عندي عش وبطتين تبيض بنفس المكان .!! @@ شلون احلها انقل البيض ولا شلون :( * ثآلثآ ": الدجاج . - ماشاء الله الدجاج يبيض عندي لكن مااشوف انتاج .! شنو السبب هل من الديك او التهويه او مكان العش .؟! بصرآحه اليوم كسرنا 60 بيضه فاسده بس كان فيها بس مادري شلون ماكمل لانه المده تعدت فوق الشهر واكثر :( شي محزن :( ~ وبس ومشكورين |
رد: ~ اسئله وإستفسارات بـ خُصوص [ البط ، الأوز ، الدجاج ] ~
وعليكم السلام والرحمه
* اختي بالنسبه للوز تر يحضن البيض واحنا ركت مره عندنا بشهر 4 بس للأسف كان البيض غير ملقح ... *البط انا اقوول خليهم يبيضون بنفس المكان ولو شفتي وحده فيهم بترك على البيض قللي الكميه ونقلي البيض الى مكان آخر ... *الدجاج تقولين 60 بيضه فاسده احتمال انه الام ماكانت ترك على البيض بشكل مستمر او انه الديك ما كان يلقح الأنثى يعني بيض غير خاصب وللأسف وايد تحصل معاي هالحركه انه الديك يكون ضعيف بالأنتاج والحل انج تغيرين الديك او في (أبره) يعطونها للديك عشان يصير حار ويبدأ بالتلقيح.... أتمنى اني أكون افدتج خيتو ,,, :) تحياتي ... |
رد: ~ اسئله وإستفسارات بـ خُصوص [ البط ، الأوز ، الدجاج ] ~
تسلم آخوي ماقصرت
~ بس قصدي الاوز هالفتره ماكو تزاوج بينها .؟ لاني مو ملاحظه لان يمكن احتمال على حسب خبرتي انه فقط في فصل الشتا لما يكون الجو بارد وعلى فصل الربيع بس الي حابه اعرف جم بيض تضعه بالسنه .!! مره ولا مرتين .؟ لانه امبين على تربيه الصغار مده طويله وخصوصا نموها بطيئ عكس البط خلاص شهر يكون اكتمل عمُره . ~ بخصوص البط . آحآول اغير باجي البيض بس الي قاعده افكر فيه الباجي منو راح يرك عليه يعني حرآم يروح ع الفاضي .!! ~ بخصوص الدياي .. اول شي عندي 3 دياجه واحد عمره سنه وشويه والباجي اعمارهم تقريبا بين 7 اشهر او اقل شويه .. آحتمآل تكون من الدياي يمكن على كبر سنها << او الحراره الزايده لاني ماني عارفه السبب مو من الديج اصلا :) . وشااكره لك |
رد: ~ اسئله وإستفسارات بـ خُصوص [ البط ، الأوز ، الدجاج ] ~
**بصراحه أختي انا ما أعرف حق الوز وايد يعني صحيح انربي منهم بس انا ما اهتم فيهم يعني مو هوايتي بس الي شفته انها ركت على البيض جدامي ويمكن طولت شهر واهيه راكه بس مثل ما قتلج البيض كان فاسد غير ملقح ...
**اختي انتي مو تقولين عندج بطتين بسيطه اول ما ترك البطه الأوله سويلج عش ثاني وحطي فيه خيشه وحطي البيض الزايد عليه راح تلقين البطه الثانيه على طول تنقل حق العش الثاني وتبيض فيه وترك بعد .... بس ممكن تقوليلي شنو نوع البط الي عندج ؟ **والدياي 3 زين مو وايد بالنسبه لعمر الديايه تر ما يأثر اختي لأن انا سبق لي مفرخ من ديايه كبيره بالعمر >> شوفي هالحركه اا لآحضتها مؤخرا انا ذاك اليوم انا قاعد بالحديقه شفت الديك يبي يلقح الديايه اهوه من ركض وراها كل الدياجه ركض معاه وبالنهايه قعدو يتهاوشون من غير ما تتلقح الديايه .... يعني انا بعطيج حركه جربيها وشوفي اذا نفعت معاج جربي عزلي ديك مع ديايه بروحهم وحطيلها عش ويكون مكان ظلال وجربي ... .............................................................................. والي انا ملاحظه بالمنتدى وايد ناس تفشل بعمليه تفريخ الدجاج معنه اسهل منه ماكو يعني الحمدلله ولا مره فشلت فيها وابسط حل انك تنقي ديج وديايه سنعين وتخليهم بروحهم وبس عليك الأكل ولاماي وراح تلقونهم بروحهم باضو وفرخو دون تدخلنا ... بس للأسف في ناس بسبب كثر أهتمامها فيهم يضرهم ... يعني والله اعرف وايد ناس بس يشترون الدياي ويخلونه بالحديقه واردلهم بعد فتره والقاهم مفرخين .... وانشالله بس يتعدل الجو انا راح اجابل الدياي من اول ويديد وراح انتج بكميات كبيره وراح ازودكم بصور وفيديوات ومعلومات كامله وشامله عن الدياي وتربيته وطرق التفريخ ... |
رد: ~ اسئله وإستفسارات بـ خُصوص [ البط ، الأوز ، الدجاج ] ~
اوكيُك رآح اجرب طريقه
الديج الديايه بروحُهم ونشُوفهم . وإن شاء الله تنجح . ~ آخوي قصدي عندي 3 دياجه و 9 دجاجات يمكن بعضهم يبيض بيض غير مخصب ومع البيض الثاني وتصير لخبطه :( |
رد: ~ اسئله وإستفسارات بـ خُصوص [ البط ، الأوز ، الدجاج ] ~
اي صح كلامج تصير لخبطه والحل انج تعزلين كل 2 او 3 ديايات مع ديج او جربي طريقه الديج والديايه ... :)
وانشالله تنتجين وتحطيلنه صور انتاجج عما قريب :) .... |
رد: ~ اسئله وإستفسارات بـ خُصوص [ البط ، الأوز ، الدجاج ] ~
بخصوص البط
آنا اساس مااعرف الاسم لكن بقوقل طلعت لي صورتها ونفس البط الي عندي بط المسكوفي << :: وإن شاء الله راح انزل صورهم :) شكُرآ لكَ |
رد: ~ اسئله وإستفسارات بـ خُصوص [ البط ، الأوز ، الدجاج ] ~
قصدج الأسكوفي اي عرفته خيتو .. :)
|
رد: ~ اسئله وإستفسارات بـ خُصوص [ البط ، الأوز ، الدجاج ] ~
:) إي اهو الأسكوفي ..
البط مثل الاوز يعني له شريكه وحده .! الي سمعته انه يتزواج 3 اناث |
رد: ~ اسئله وإستفسارات بـ خُصوص [ البط ، الأوز ، الدجاج ] ~
اي صح كلامج اختي حتى انا ملاحظ انه الذكر الأسكوفي الي بحديقتنا محتل الأنثتين ...
والذكر الأسكوفي الي اصغر بالحجم; ما يقدر يقرب من الأناث لانها تكون مع الذكر الكبير ,,, |
رد: ~ اسئله وإستفسارات بـ خُصوص [ البط ، الأوز ، الدجاج ] ~
~ وكلامك عدل أخوي
لأن عندي ذكر اكبرهم محتل الثلاثه آناث والثنين الذكور ماايقدرون ان يقربون للاناث بس ملأأحظه الذكر الكبير متمسك بالانثى الاولى ..؟! يعني معاها ولهم حركه خآصه .! غير الباقي يعني يلحقها وين ماتروح اما البقيه مايهتم لها .! :$ |
رد: ~ اسئله وإستفسارات بـ خُصوص [ البط ، الأوز ، الدجاج ] ~
مادري أختي بس الي انا ملاحظه انه مهتم بالثلاثه ....
|
رد: ~ اسئله وإستفسارات بـ خُصوص [ البط ، الأوز ، الدجاج ] ~
بسم الله الرحمن الرحيم
انا عندي في المزرعة دجاج وإوز وبط الدجاج ما شا الله صار يتكاثر بالهبل الاوز كان عندي اثنين ابيض وما لاحظة علي اي حركات ذكر وانثى وما تكاثر ولاشي طول سنة وما عرفت افرق ان الي عندي ذكو ام اناث وبعدين جا واحد المزرعة قال انها كور وهو عنده كثير قلت له ابي انثى قال بعطيك وبعدين ما لاحظة علي اي حركات تلقيح واحترت بين انها ذكور او اناث البط عندي ذكر وثنتين اناث في وحدة باظت وفقصت عشر صغار وبع اسبوع ماتو الصغار والثانية تبيض بس ماتجلس على البيض وبعد فترة ماتت الي ما تجلس على البيض |
رد: ~ اسئله وإستفسارات بـ خُصوص [ البط ، الأوز ، الدجاج ] ~
أخويُ
الاوز << موُ صعبه شُلون تميُزه الذكر يُكون راسه آكبر من راس الانثُى ولازم تُكون عندك بركه ماي < علشان تلاحظ حركاتهم :) ~ بخُصوص البطُ .. لازم وجود بركه ماي والصغار الي مآتوُ يمكن بالشتا بسبب البرد او الحرُ لانه اذا مافيه بركه اكيد تحصل لهمُ جفاف ويمُوت بسرعه :") ~ والبط مايقعدع البيض الي بعد 15 او 20 بييضه تقريبا :) ويكون المكان معزول وغير مرئي عن بقيه الطيوُر الاخرى .. وبالتوفيق لك بالمراحل القادمه ان شاء الله ~ |
رد: ~ اسئله وإستفسارات بـ خُصوص [ البط ، الأوز ، الدجاج ] ~
عندي سؤال
بط المسكوفي << يطير ولالا وايضا الوز يقدر يطير ولالا :") وشكرا |
رد: ~ اسئله وإستفسارات بـ خُصوص [ البط ، الأوز ، الدجاج ] ~
اقتباس:
اختي انا كنت راح استفسر عن هالشي بس انتي سبقتيني ... ولكن انا اليوم عرفت الجواب /اي البط المسكوفي يطير والدليل اني انصدمت اليوم وشفت بطاتي فوق القفص والقفص يعلو عن الأرض 2 م ... وبالنسبه حق الوز شي أساسي انه يطير ... ------------------------------------------------------------------ اذا كان سؤالج بخصوص انج خايفه انه البط والوز يطيرون منج فلا تخافين اذا كانوا متعودين على المكان ماراح يبعدون عنه ... |
رد: ~ اسئله وإستفسارات بـ خُصوص [ البط ، الأوز ، الدجاج ] ~
سبحان الله
يعني مستغربه مرات لما اشوف البط بالتليفزيون يطير وعندنا لاء يعني المفروض ينحاش :"( وشكرا ع الافاده ماقصرت |
رد: ~ اسئله وإستفسارات بـ خُصوص [ البط ، الأوز ، الدجاج ] ~
لا تخافين اختي اكيد لهم القدره على الطيران بس ماراح يطيرون لأنهم تعودوا على المكان ....
|
رد: ~ اسئله وإستفسارات بـ خُصوص [ البط ، الأوز ، الدجاج ] ~
عنُدي مشُكله اليوُم
صآرت لي :$ البطه الاولى نجحت بالعش بروحها وبعيد والبطه الثانيًُه راحت على عش الدجاج وتبيض معاها بنفس المكأنُ ولا ادري شسوي وشنوُ الحلُ .!! يعني اخليها لما تقعد ع البيض ولا انقل البيضُ ~ !! محتاره |
رد: ~ اسئله وإستفسارات بـ خُصوص [ البط ، الأوز ، الدجاج ] ~
:"( قريت معلومه وبصرآحه خايفه منها
تزواج الحيوانات من نفس العائله مثلا الاخت والاخ او الاب :"( تسبب تشوه او يكوُن النسل ضعيف .!! بـ اختصار شديد آنا كان عندي بطتين ذكر وانثى وتكاثرت عندي الذكر الي اهوُ ابوو البط :") تزاوج ويا الاناث هل يكون فيه خلل او يكون نسل ضعيف اتمنى الافاده من هالشي ولو سمعت بـ هالشي هذا .!! :( |
رد: ~ اسئله وإستفسارات بـ خُصوص [ البط ، الأوز ، الدجاج ] ~
اولا : بالنسبه للبطه الي تبيض في عش الدجاج انصحج تشيلين بيض الدجاج وتخلين البطه على راحتها لأن البط اهم ...
والدجاج عادي يرك بأي مكان يوضع لبيض فيه .. ثانيا : بالنسبه لتزاوج العائله يسبب تشوه هذا الكلام مو صحيح ابدأ بالعكس الي انا اعرفه انه الناس لما يآخذون شي يآخذون أخوان لأن الأغلبيه الأخوان يكونون مختلفين بالجنس يعني ذكر ونثيه يعني مستحيل يحصل تشوه انشالله ... تقبلي مروري .. |
رد: ~ اسئله وإستفسارات بـ خُصوص [ البط ، الأوز ، الدجاج ] ~
اي سويت الحركه شالو بيض الدياي وخلوو بيض البط لانه الدياي غير عن البط والله يعين :confused: لازم اشرح بالكويتي لووول يعني ابو البط يتزواج مع بناته عادي .!! يعني مايسبب تشوه او تكون ضعيفه لانها طيور ماتعرف تميز .!! والله واعلم |
رد: ~ اسئله وإستفسارات بـ خُصوص [ البط ، الأوز ، الدجاج ] ~
انزين اختي انا ابي استفسر عن شغله انتي تربين بمزرعه ولا بالبيت ...
وشي ثاني : < فضولي :D انا اول مره اشوف بنيه مهتمه بالطيور وتربي وتمارس الهوايه بصراحه اسعدتني هالشغله واسعدني اهتمامج بالطيور . وسوري على الفضوول الزايد :) |
رد: ~ اسئله وإستفسارات بـ خُصوص [ البط ، الأوز ، الدجاج ] ~
اقتباس:
|
رد: ~ اسئله وإستفسارات بـ خُصوص [ البط ، الأوز ، الدجاج ] ~
لا طبعا مزرعه
وانا احبها من بعيد لبعيد يعني مااتدخل فيها مجرد اشوفها واتابعها فقط واحبها تتصرف على طبيعتها . مجرد هوايه من الصغر واايد بنات يهتمون بالشي هذا والهوايه نمتت وياي والهوايه الطيور مو متعلق بس بالشباب بالعكس للبنات بعد بس احتمال تكون شغله الدواجن صعبه :") وشكرا لكْ |
رد: ~ اسئله وإستفسارات بـ خُصوص [ البط ، الأوز ، الدجاج ] ~
اها الله يوفقج ويزيد حبج بالتربيه هذي ^_^
|
| جميع الأوقات بتوقيت GMT +3. الساعة الآن 08:34 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو