|
ابغى ارائـكم واستشارتكم بسرعـه
السلام عليكم ..
ماشاء الله تبارك الله منتدى اكثر من رائـع .. ومواضيع مفيده للجميـع .. فيها المعلومـات الكامله والشامله .. نبدأ في المسأله اللي ابغـى استشيركم فيها ..! انا لقيت قطـوه حلووه شيرازي امريكي وقال لي صاحب المحل انها حامل من 15 يوم .. وهي كانت بـ 500 ريال بس ما احد شراها ..! واللحين صارت بـ 350 ريال بس ... واليوم اخذتها ووديتها البيطري وفحصها وقال كل شي سليم مافيها اي امراض ... ولكن .. مو حامل ..!!!! برايــكم اشتريها و ازوجها ؟ واذا قلتوا اني اشتريها و ازوجها هل اجيب الذكر للبيت والا اوديها المحل يزوجها لي ؟؟ واذا هي ماتعرف لحوض الرمل كيف اقدر اعلمها عليه؟؟ وانا بصراحه بحطها بالسطح في قفص وكل يوم بنزلها الحوش وبلعب معها .. عادي والا مايصلح؟ اتمنى القى ارائكم وتجاوبوني على كل اسالتي ..!! وعلى فكرة هي مرره نحيفه لانه المحل مو حاط لها اكل ..!! وهذي صورتهــــا :) http://www.q8boy.com/uploads/a2e3621afc.jpg انتظركم .. اختكم .. تويتي .. |
رد: ابغى ارائـكم واستشارتكم بسرعـه
مالي خبره باللي تسألين عنه بس حبيت اسالج
من قطر ولا السعوديه ؟! |
رد: ابغى ارائـكم واستشارتكم بسرعـه
اول شي سعرها مره حلو من وين بتشتريها
ثانيا لو بتجيبين لها ذكر تزاوج جيبيه للبيت احسن لك المحل ممكن تلقط منه فطريات وامراض وتتغير نفسيتها جيبي لها ذكر لمده 5 ايام لما تجيها حاله التزواج ثالثا بتحطيها بقفص من جدك انتي القطوه ما تنحط بقفص القطوه تنطلق بالبيت اذا بتحطينها بقفص احسن لك لا تربين قطط ربي لك هامستر ولا عصفور رابعا بالنسبه للحمام اذا شفتيها سوتها باي مكان خذيها وخليها تشم اللي سوته وبعدين شيلي اللي سوته وحطيه بالرمل وخليها تشمه وهو بالرمل وامسكي يدينها وخليها تحفر بالرمل واذا سوتها باي مكان بالبيت بخي عليها مويه كنوع من العقاب والبسه شكلها يجنن مشاء الله بس يبي لها تغذيه تحياتي |
رد: ابغى ارائـكم واستشارتكم بسرعـه
يعطيكم العافيه ..
انا من السعوديه ياكوكه في الخبر .. وقطقوطه .. ماشاء الله ردك كافي ووافي ماقصرتي حبيبتي .. وبالنسبه للقفص انا بحطها فيه لانه في بعض اخواني حساسيه منها وانا كل يوم بطلعها والعبها .. والف شكر لكم ولاهتمامكم :) اختكم .. تويتي :) |
رد: ابغى ارائـكم واستشارتكم بسرعـه
موفقه الشيخه
بصراحه القطوه تهبل وشاكره لج ردج ^_^ |
رد: ابغى ارائـكم واستشارتكم بسرعـه
تسلمين لي ياحلووه :)
|
رد: ابغى ارائـكم واستشارتكم بسرعـه
شوفي اختي تويتي انا فيني حساسيه صدر واخوي ربو ومع كذا عندي قطاويا يسرحون ويمرحون بالبيت لا تحطينها بقفص حرام ترى القطه لازم تنطلق على كيفها مو تقيدينها
خذي لك هامستر والله احسن ادخلي قسم الهامستر وشيكي عليه |
رد: ابغى ارائـكم واستشارتكم بسرعـه
حبيبتي قطقوطه ..
انا ربيت هامستر من قبل .. بس انا مرره احب القطط اكثثثر .. بس كيف انتي فيك حساسيه وتربين قطوه؟؟والا تاخذين دوا؟ والله يكتب اللي فيه الخير :) اختك .. تويتي :) |
رد: ابغى ارائـكم واستشارتكم بسرعـه
مبروووووووووك على القطو الجديد
|
رد: ابغى ارائـكم واستشارتكم بسرعـه
والله لا اخذ دوا ولا شي وعندي اكثر من قطه بالبيت
<<<مشاء الله |
رد: ابغى ارائـكم واستشارتكم بسرعـه
القطوووووه تجنن ماشاءالله .. ومبروك مقدما .. :d بس بسألك .. القطوه مطعمه .. ؟ |
رد: ابغى ارائـكم واستشارتكم بسرعـه
ماشاءالله والرمل اكيد تعرف الرمل مادامها كبيره خليها بالمكان الي فيه الرمل
وحرام تحبسينها القطو يحب الحرية خذيلك شيئ ثاني تربينه في القفص حتى لوطلعينها كل يوم |
رد: ابغى ارائـكم واستشارتكم بسرعـه
يعطيييكم العاااافيه ماقصرتوا والله :)
وماشاء الله تبارك الله ياقطقوطه :) والله يبارك بحياتك تو زو .. مووزعج .. القطوه مو مطعمه بس اكيد لو شريتها عللى طوول بطعمها :) وتسلم طلتك والف شكــر لك يالعابر :) |
رد: ابغى ارائـكم واستشارتكم بسرعـه
[ Twety ] اهلا" وسهلا" فيج بينه عزيزتي ... اول شي تاكدي انه القط الي بتزوجينه لها يكون مطعمـ عشان لاينقل لها امراض وفطريات وويفضل يكون نقي الصفه مو هجين عشان ايوونلج كتاكيت حلوين :D بخصوص الرمل اهي جم عمرها ؟ مبين عليها 4 شهور اذا مومتعوده اكيد صعب تتعود انتي حطيلها رمل وخلتشمه ان مانفع فصعب تعودينها اذا ماصار شيلي برازها وحطيه بالسطل وييبها خلي تشمه وحاولي تمسكين ايدينها وتحفرين بايدينها عشان تعرف وانشالله تتعلمـ.. بس على السطح حرام خصوصا الجو بيكون حاااااااااااار ومرح تتحمل درجة حرارة السعوديه حاولي تجهزين لها غرفه مكيفه عالاقل لاتنسين هذي روح ومحاسبه عليها ... انا انصحج بقط محلي اذا بيتربه على السطح لانه يكون متعود على هالنوع من درجة الحراره بخصوص الحساسيه اذا تطعمت واخذت التطعيمات كامله مرح يحوشج شي ولا حق اخوانج. عالعموم انتي خليها بغرفتج عالاقل والي يبي يلعب معاها ايي واوقات طلعيها خلتتمشى بالبيت وياريت تصورين لنا وييها عشان نشوف اذا زوينه ولا شينه :p ومبروك مقدما";) |
رد: ابغى ارائـكم واستشارتكم بسرعـه
قطو كويتي ..
يعطيك العافيه وماقصرت .. وفكره حلووه شكلي بجهز لها غرفه مكيفه فووق :) ومعلومه احلى اني ازوجها من واحد نقي الصفه :) والله يكتب اللي فيه الخيير :) اختك .. تويتي .. |
رد: ابغى ارائـكم واستشارتكم بسرعـه
بالنسبه للحمام
افضل طريقه انك اتحطين القطوه في غرفه صغيره او في قفص واتحطين حمامه في القفص فاهي بتنجبر وبتسويها في الرمل او حمامها فانتي خليها كم يوم لين ما تتعود على الوظع وانشالله بتبين النتايج بعد اسبوع |
رد: ابغى ارائـكم واستشارتكم بسرعـه
بسم بالله الرحمن الرحيم قبل كل شي حبيت أرد على اسألكتك بفضل خبرتي في هذا المجال ولأني أملك تقريبا (30) قطوة (قولوا ماشاء الله) ومع ذالك أخليهم يسرحوا ويمرحوا داخل البيت لأني أموت فيهم وعشان ما يمرضوا 1_أبغى أنصحك شي مهم أعطيها إبرة فيتامين الشعر عشان ما يطيح شعرها 2_إذا عملتها سوي زي ما قلك أختي قطقوطة .3_وبنالسبة للذكر أفضل إنك ما تودينها محل لأنهم ياخدوا فلوس أكثر مما تكلف في ناس يأجروا قطاويهم للتلقيح بأسعار مغرية
وأبارك لك بدري وإذا مافي زعل أبغا أقول شي(صراحة أنا ما حب البسس إلي لها أكتر من لون وأحب الفصايل الأصلية منها مثل :الهملايا الأزرق موللبيع شيرازي باد فيس للبيع سيامي وهي قليلة وشكرا إذا بغيتي أي معلومة راسلبني على هدا الإيميل :bo_khaled@khobar.ccوشكرا |
رد: ابغى ارائـكم واستشارتكم بسرعـه
يعطيكم العافيه اخواني ..
ماقصرتوا والله :) كفيتوا ووفيتوا .. الله يسعدكم ويهنيكم :) |
رد: ابغى ارائـكم واستشارتكم بسرعـه
الله ما شاء الله اختي تويتي قطقوطة جميلة سمتيها ايه؟
وسعرها جميل جدا |
رد: ابغى ارائـكم واستشارتكم بسرعـه
حبيبتي ميسا ..
انا لسه ماشريتها :) تسلمين على مرورك :) |
| جميع الأوقات بتوقيت GMT +3. الساعة الآن 03:47 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو