|
انا vs أمي
السلام عليكم ورحمة الله وبركاته ابيكم تعطوني حلول لمشكلتي .. امي ماترضى انزل القطاوه تحت يعني حدهم حجرتنه وبس .. واذا تروح الشغل انا واختي انزلهم تحت ولما ترد نردهم الحجره .. اهي الوحيده الي ماتبيهم ينزلون لكن ابوي واخواني عادي مايقولون شي ومستانسين عليهم وكل ماحاولت احاجيها تزفني .. فـ شاسوي:confused: |
رد: انا vs أمي
هربيها تحت
امزح بس اصري على امك |
رد: انا vs أمي
خلاص كيفها امك ماتبي لاتنزلينهم أهم شئ رضى امك واذا رحت الشغل نزلوهم او راحت لشئ ......
اهم شئ لاتزعلينها واعرفي السبب ليه ماتبغاهم ينزلون تحت وناقشيها فيه بهدوووء... أتمنى أكون افدتك دمتي بحفظ الرحمن :) |
رد: انا vs أمي
"""الافريقي""" هههههههه امس نزلتهم بالخش فديتهم نامو من التعب الا امي يات وجافتهم تقول يلا فووووق :D << معسكر .. نوني.. مشكورة اختي :) .. ان شاءالله يعطيكم العافيه .. |
رد: انا vs أمي
لا زم تعرفى السسب من امك
لييييييييش ماتبغاكى تنزليهم تحت ونحنا حناقش مشكلتك وحنديكى الحل |
رد: انا vs أمي
حاولي تعرفين ليش ؟؟
وشنو السبب ؟؟ واقنعيييها |
رد: انا vs أمي
تسلمون والله .. زرعتو فيني الامل:p اذا انزلهم تقول انه اهم وصخين لانهم يوصخون ومحد ينظفهم ويوم قالت لها اختي اهم ينظفون روحهم قالت لها الله يلوع جبدج وديييهم .. واهي تدري انه احنه انزلهم واذا اهي محد لين ردت تقول لنه وين قعدو عشان انظف مكانهم !؟:confused: عبالها وصخين وتدري انهم نظاف وان احنه نسبحهم بس مادري ليش تتصرف جذي:( ولين نحاول نقنعها كل تسكتنه وتقول لنه انزلتوهم مابجوفونهم <<ترى مستحيل اسويها:p |
رد: انا vs أمي
ههههها مشكله
هم كل كذا يقولون شالوساخه شلون تنظف روحها بلساانهاا بيني لها ان هذي هي فطرتهم والله خلقهم كذاا و ان لسان الانسان ترا فيه مايكروبات اكثر من لسان القطوه وحتى اذا انجرحت دايم تلحس روحهاا لان لسانها يساعد الجرح اصلا على الالتئاام ويعني وقوولي لها ان القطاوه اساسا خلقه اهم نظاااف وهم متعودين عالحمام ومايسوونها الا بالحمام وكذا وكذا |
رد: انا vs أمي
اذكر طبعت موضوع عن لسان القطه او شي من هالقبيل .. عطيته ابوي وقراه وبعد جم يوم اقتنع وسألنه عن نوع القط الي نبيه وسولف ويانه عنهم :o . اماااا امي هههههه :D .. عكسه بالظبط لا قرته وتقول تعرف .. ومرة كنت ادور الموضوع الي طبعته ماجوفه الا في الخمام :rolleyes: .. قلت بقولها بنفسي .. كلش ماعطتني مجال تقولي انتي تسوين العكس القطاوة الله خلقهم مو يكونون في البيت و... <<< محاضره عن مخلوقات الله :D قلت لها في وايد بنات في المنتدى يربون قطاوة لي ماولدو وماشاءالله نظاف ومهتمين وحاولت مني مناك كلش حبطتني .. |
رد: انا vs أمي
هههههها
شكله صعب اقناع امج انزين قولي لها ان القطط ااساسا هي افضل حيوانات منزليه لانها مو نجسه ونظيفه وحبووبه ودلووعه وتسلي الواااحد مو زي الطيور مثلا ماتقدرين تخلينهم طول الوقت برا القفص عشانهم يعملوونها بأي مكااان او الكلب مانقدر ندخله البيت عشانه نجس اما القطوه نظيفه وماتسويها الا بالحمام مو مثل الطيوور و القطوة مو نجسه مثل الكلب |
رد: انا vs أمي
هههههههههههه اخاف احبطج بعد قلت لها .. وعلى المغرب كنت احاجيها عنهم تقول لا تفرضين رايج علي انتي الي تبينهم خلاص انا مابيهم :( |
رد: انا vs أمي
يااررربي
خلص إرضي بالأمر الواقع :p لان كل الحلول سويتيها وصدقيني هي مع الوقت بترضى كل اهلنا في البدايه كذا مايرضون بأي شي بس بعدين مع الايام يتعودون عليهم ويحبونهم |
رد: انا vs أمي
اهم شيء بالهداوة والحنية تتكلمي معاها
ولا تعصبي معها ابدا ... وتعالي لها بافضل الطرق وارقاها ... وقولي لها القطة نضيييفة ومو وسخة ابد وفيه كثير ادله مقوله عن الرسول صلى الله عليه وسلم اول حديث بما معناه: كان فيه ماء للوضوء جات قطة وشربت من الاناء الا فيه الماء الرسول صلى الله عليه وسلم ماغير الماء لا عادي اتوضى منه معناته انه لسانها او فمها او هي القطة غير نجسه والشيء الثاني: كان فيه طعام وكانت عائشة رضي الله عنها تصلي جائت قطة واكلت قليل من الطعام لمن خلصت الصلاة ما كبت الطعام لا اكلت منه والشيء الثاني: ابو هريرة يربي هرة سوداء والرسول صلى الله عليه وسلم ماقاله شيء واقرب شيء في الحرم المكي وقت الصلاة عادي جدا اذا تمر قطه من قدام المصلين( وتدوس في اماكن الصلاة ) لاكن مايطردوها وقوله نجسه لا النجاسه عند القطة مثل الانسان تقريبا( الدم و البول والبراز و الاستفراغ ) ارجو انك تاخذي هذي المعلومات وتحفظيها ومن ثم توصليها لامك بايي طريقة حلوة على قلبها اهم اهم شيءلا تخليها تزعل منك. الى اللقاء. |
رد: انا vs أمي
إذا عن النظافة قل لأمك بنظفها بالأسبوع مرة وتطلع نظيفة وإذا شفتها رايقة رح وخلك حنون وأنشبلها :D ...
وقلها ترى أبو هريرة _ رضي الله عنه _ يدخل القطة بالمسجد والرسول _ صلى الله عليه وسلم_ معه ولا حرمها ولا نجسها مثل الكلب ... |
رد: انا vs أمي
السلام عليكم(عااشقه الطيور)
حتى اناا صادفتني نفس المشكله وكانت اتعقهن برع البيت وانا ازعل وينقلب البيت فوق تحت بس صبرت وفكرت قلت لازم اقنعها وسويت الاتي: يوم اشوفها فرحانه ومزاجها رايق ايب القطوه واقولها شوفي كيف تلعب ....... وانا اركض والقطوة تركض وراي ونلعب قدامها ....... وخليت بعد اختي تكلمها وتقنعها..... بس انتي حاولي وشدي حيلج ولا تفقدي الامل .... جربي كل الطرق والمحاولات الي اتي فمخج....... |
رد: انا vs أمي
Anas .. sisi_moon .. الفايلسوف .. هدوي القطوة شـــــــكـــــرااااااااا كســيراااااا :p .. بحاول وياها امري لله :D |
رد: انا vs أمي
انا اقول طيعي امك احسن وقولها هو الصح
|
رد: انا vs أمي
امس اختي نزلت قطوتها سيسي كانت راقده وامي جافتها وشوي ويسولفون وبعدين نزلت موني وامي ماقالت شي قلنه بنخليهم يلعبون شوي ... والحمدلله امي ماقالت شي لان اهي حاطه في مخها انهم وصخين مثل ماتعرفون محد ينظفهم بعد الحمام اعزكم الله .. فشسويت قلت لها مثل ماقال اخوي انس (ابو هريرة يربي هرة سوداء والرسول صلى الله عليه وسلم ماقاله شيء واقرب شيء في الحرم المكي وقت الصلاة عادي جدا اذا تمر قطه من قدام المصلين( وتدوس في اماكن الصلاة ) لاكن مايطردوها وقوله نجسه لا النجاسه عند القطة مثل الانسان تقريبا( الدم و البول والبراز و الاستفراغ )) وماصدقتني تقولي لتخربطين فشسويت وديتها عند الكمبيوتر واختي قرته لها .. وبعدين نزلت اهم شي اني اثبت لها اني ماكنت اخربط .. وقمت وكتبته في ورقه وعطيته ابوي وقلت له اقراه وقول لامي اهو قراه .. بس ماادري قال لها ولالا .. واليوم الي بعده الي اهو امس مثل ماكتبت فوق ماقالت شي والحين الحمدلله وافقت :rolleyes: وطبعا الفضل لله ثم انتو وصج في وايد افكار ماسويتها بس يابت لي الامل الصراحه لاني كنت يائسه لدرجه ماتتصورونها ومشكوووووووووووووووووووورين يابعد كبدي:D |
رد: انا vs أمي
ونااااااسه
ألف مبرووووك والحمدلله ان امج اقتنعت تتهنين فيهم يارب |
رد: انا vs أمي
اللللللللللللللللللللللف مبرووووووووووووووووووووك
فرحت لك من كل قلبي وعقبالي ان شاءالله اهلي يوافقون اجيب قطوه :) دمتي بحفظ الرحمن |
رد: انا vs أمي
sisi_moon اي والله وناسه من قلب :D .. الله يبارك فيج .. تسلمين يالطيبه:) نوني الله يبارك فيج .. تسلمين يالطيبه .. الله يعطيج ان شاءالله ... والله يقوم ابوج بالسلامه |
رد: انا vs أمي
اقتباس:
الله يسلمك .. اللهم امين .. اميييييييييييييييين ربي يسمع منك يارب ويقوم لنا احسن من اول :) مشكوووره الله لايحرمنا منك يارب دمتي بحفظ الرحمن :) |
رد: انا vs أمي
شوفي قوليلها امهليني يوم واحد بس ننزل البسس واذا وصخو شي خلا ص لا انزلهم
اتمنى اني افدتك لاتنسي تساليها عن السبب |
رد: انا vs أمي
عالبركه انا مع امي هم نفس الشي بس امي ما ترضى بالقطاوه كلللللللش ^.^
|
| جميع الأوقات بتوقيت GMT +3. الساعة الآن 01:21 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو