منتديات تو زوو

منتديات تو زوو (http://www.2zoo.com/vb/index.php)
-   قسم هواة الببغاوات (http://www.2zoo.com/vb/forumdisplay.php?f=31)
-   -   سوق الحمام فيه الان كل انواع الطيور ... (http://www.2zoo.com/vb/showthread.php?t=67201)

mr.mnkoop 17-07-2008 02:12 AM
سوق الحمام فيه الان كل انواع الطيور ...
 
بسم الله الرحمن الرحيم

السلام عليكم ورحمه الله وبركاته

اما بعد :

رحت الاسبوع اللي راح لم سوق الحمام يوم الخميس

رحت اببيع طيوري الصن كنيور

المهم يوم رحت وقت العصر

لقيت المفاجئة الكبرى الا وهي

اني لقيت اكثر من 80 افريقي
اكثرها فروخ ومحجلات انا سئلت عن الفروخ لقيت كم واحد الواحد ب 1800 الى 2100 ريال

و فيه كم امزوني بس كلها شينه ( سيئه )

وفيه كل انواع الطيور من حمام ودجاج و بادجي وكروان واللي تبون

اجل وشلون يوم الجمعه


بس تنبيه لوجه الله :

انا بعت طيوري يوم الخميس على واحد
يوم جيت من بكرى اللي هو الجمعه

لقيت نفس اللي شرى الطيور حاط لها عش ويقووول جوز منتج

وين عايشين جوز ومنتج

يعني لا تصدقون كل اللي يقولونه الشريطية
ولا تشترون اجواز اشروا مفرد يعني ببغاء واحد

او انت تختار الجوز بعنايه لا تهتم بكلامهم انت اللي شف وقرر

(اللهم اني بلغت اللهم فاشهد )

اتمنى اني افدتكم

ALMACAW 17-07-2008 03:46 AM
رد: سوق الحمام فيه الان كل انواع الطيور ...
 
مشكور...
ممكن اعرف في اي منطقة

أبو ريـــــــــــــان 17-07-2008 05:32 AM
رد: سوق الحمام فيه الان كل انواع الطيور ...
 
الله يعطيك العافية على هالنصيحة والله ان فية واجد ينغشون وينلعب عليهم

abood alsagaby 17-07-2008 10:02 AM
رد: سوق الحمام فيه الان كل انواع الطيور ...
 
ايه هذي حركات الشريطية
مبروك عليك
واذا لقيت طير يحلف ساعتين انه له وتجي بعد يومين تلقاه يبيع ويقول يتكلم
يعني اذا سائلك الشريطيلك هل ببغاء قل ايه ولو لقيته لان هالشريطية بعضهم ولا اقول كلهم يحلف على شان ياخذه ويبيعه بعد كم يوم

mr.mnkoop 17-07-2008 02:40 PM
رد: سوق الحمام فيه الان كل انواع الطيور ...
 
هلا والله اخواني

ومشكورين على المرور

وفي منطقه الرياض

AL-HAWI 17-07-2008 05:21 PM
رد: سوق الحمام فيه الان كل انواع الطيور ...
 
اخوي ممكن تقولي وين مكان السوق

mr.mnkoop 17-07-2008 06:41 PM
رد: سوق الحمام فيه الان كل انواع الطيور ...
 
هلا والله اخوي

اخوي انت امسك مخرج 18 و وصل الى 21 اذا وصلت 21 لف يسار
تلقى طريق الحائر امش قدام بتلقاه على يسارك
انزل من تحت الكباري و امش شوي تلقاه

اتمنى اني افدتك

abood alsagaby 18-07-2008 12:13 AM
رد: سوق الحمام فيه الان كل انواع الطيور ...
 
او اذا كان يعرف اشارة الحراج يلف يسار ويلقاه على يسار على ما اظن وبجنبه الغنم والخضار والفوواكة

"""الافريقي""" 18-07-2008 08:58 AM
رد: سوق الحمام فيه الان كل انواع الطيور ...
 
مشكور بالمره

الببغاء الافريقي 18-07-2008 11:09 AM
رد: سوق الحمام فيه الان كل انواع الطيور ...
 
مشكوووووووووووووووووووووووووووووووووووووووووووووور على الخبر الاكثر من رائع والله فرحتني

سيف 2009 18-07-2008 08:11 PM
رد: سوق الحمام فيه الان كل انواع الطيور ...
 
الحركه في سوق الطيور بالرياض من قبل تقريبا شهرين ونص

ومكان سوق الطيور بالرياض

اليكم


من الدائري الشرقي الذي يكون فيه مسجد جامع الراجحي توجه من الشرق إلى الغرب اللين يكون الشارع مفرقين أدخل مع مخرج 18 توجه من مخرج 18 إلى أن يمر عليك مصنع الاسمنت اليمامه على يسارك .. وامسك الطريق إلى الامام إلى يجيك كبري وقبل الكبري على اليسار يكون فيه قصر افراح لونه ابيض .. طول مع الكبر وعند نزولك من الكبري يجيك على اليمين سوق الهرم وبعده سوق الشامل على طول امسك الخدمه قبل الكبري الثاني ..

وبعد ما تدخل الخدمه بعد سوق الهرم قبل الكبري .. تواجهك اشاره مروريه اسمها اشاره الحراج بن قاسم بالجنوب ..

توجه مع الاشاره يسار .. امش تقريباُ 500 متر يكون السوق على يسارك مجمع كبير لونه ابيض مفتوح ..


بعد ما تشوفه على يسارك يكون قدامك كبري .. ادخل الخدمه قبل الكبري وخذ فوق تحت (( ديور )) بعد ما تديور طبعا يكون السوق على اليمين ثم ادخل السوق والبيع والشراء يكون خلف السوق مباشره

اتمنى اني وصفت السوق بالتمام

AL-HAWI 19-07-2008 12:47 AM
رد: سوق الحمام فيه الان كل انواع الطيور ...
 
مشكورين ماقصرتو

Mr.Khaled 19-07-2008 09:43 PM
رد: سوق الحمام فيه الان كل انواع الطيور ...
 
الله يعطيك العافية


جميع الأوقات بتوقيت GMT +3. الساعة الآن 02:17 PM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو