|
ساعدوووني ؟؟
السلام عليكم
انا عندي قط عمره شهرين بعض الاحيان يبول ويبرز وانتوا بكرامه في غير المكان الخصص له مع انه حاطين له الرمل الصحي ودايم يكون نظيف وهو يعرف مكانه بس تجيه حالات يبرز على السجاد وهالايام طايح طيحه بحمام اخواني ابي اعرف شلون اخليه مايسويها في غير الرمل حقه وعندي مشكله ثانيه وهي يوم شرينا القط طاح من الدور الثاني للاول وطلع من انفه دم وبعد اسبوع تقريبا طاح مره ثانيه وطلع من انفه دم بعد ابي اعرف له ضرر عليه او لا والحين القطو مزكم شلون اخليه يطيب والله يعطيكم العافيه |
رد: ساعدوووني ؟؟
اذا كان يوصخ بكل مكان احتمال يكون يبي يتزاوج وبالنسبه للدم اللي نزل عليه احسن تودينه البيطري |
رد: ساعدوووني ؟؟
لا وين يبغى يتزاوج توه عمره شهرين
وبالنسبه للدم بس طلع اول ماطاح وبعدين على طول وقف |
رد: ساعدوووني ؟؟
عنده سهال ولا لا ؟؟
لان يمكن مع الاسهال مايمديه يروح للرمل حقه فـ يسويها باقرب مكان له واذا ماعنده سهال معناها ان قطوك مو متعود على الرمل انتي لا سواها في مكان ثاني شيلي منه وحطيه على الرمل وخليه يشمه وان شاءالله يعرف وفي بخاخ ينباع للذكارى عشان يعرفون وين يسوونها بس بصراحه ماعندي علم عنهاا اما عن طيحاته وديه البيطري يكشف عليه والزكام لين رحتي البيطري راح يعطيه مضاد حيوي وانتي وفري له جو دافي والله الموفق |
رد: ساعدوووني ؟؟
تسلمين على الرد
بالنسبه للسهال مافيه اما مكان الرمل يعرف مكانه ودايم يروح له ويقضي حاجته فيه بس تجيه حالات يسويها مو بالرمل يعطيكم العافيه |
رد: ساعدوووني ؟؟
اذا يخرج بول وبراز بشكل بطبيعي ومعدل طبيعي
وولا فيه اعرض ألم او شي ماعليج منه شطانه ذكارى :p |
رد: ساعدوووني ؟؟
شوفي يابطة في ذي الحالة احتمال كبير انه في شي يخاف منه عند الرمل او يكون في احد عنك اطفال مثلا حاولي تحطي الرمل في مكان قريب من مكان نومه هذا عن تجربة واذا وسخ على نفسه شيليه على الحمام وغسليله وفترة وراح يتعلم الله يعينك
|
رد: ساعدوووني ؟؟
ههههههه حلوه ذي يابطه
والله شوف عندي اخوي الصغير لاعب فيه ولا مخليه بحاله واحنا حاطين الرمل حقه في مكان منعزل عن جلستنا وهو نفس مكان الاكل حقه اما بالنسبه لنومه تراه في كل مكان يناام وعلى فكره نومه كثير تتوقعون في مشكله ولا عشان عمره شهرين وتوه صغير |
رد: ساعدوووني ؟؟
اذا انه شيرازي او هيمالايا او هالانواع
لا عادي هم كذا ثلاث ارباع اليوم نوم |
رد: ساعدوووني ؟؟
يقولون انه شيرازي مهجن بس مدري مع شنو على العموم بحط صورته وانتوا شوفوا
وهذي صورته http://www.y1y1.com/u/uploads1/d3625addfc.jpg وهذي الصوره له وهو نايم خخخ http://www.y1y1.com/u/uploads1/46dc772ce2.jpg http://www.y1y1.com/u/uploads1/b22f428e3e.jpg وبس |
رد: ساعدوووني ؟؟
وينكم محد جاوبني !!
|
رد: ساعدوووني ؟؟
ياحلللللوه اسم الله عليه
الصراحه حلوو ووجهه برئ فعلا هو شيرازي هجين ... طيب جاوبيني هو قام ينام كثير بعد ماطاح ولا من اول ماجبتيه ؟؟ اذا بعد ماطاح اكيد من تاثير الطيحه واذا من اول ماجبتيه ينام كثير و اذا جلس يلعب وبشكل طبيعي معناتها عاادي لاتخاافين الله يووفقج |
رد: ساعدوووني ؟؟
تسلمين عيونك الحلوه
شوفي اخواني يوم جابوه انا كنت مسافره مدري اذا هذا نومه او لا يعني ماشفته الا بعد الطيحه هو بعد الطيحه الثانيه جلس يوم كامل بس خدران وبعدين عادي قام ياكل ويلعب بس اغلب اليوم نايم هههههه بس اذا جا وقت الفجر يبداء يلعب ويروق |
رد: ساعدوووني ؟؟
ههههههههههها
لا اجل مافيه شي بس طبيعه القطط وخصوصا اللي فيهم عرق شيرازي يعشفون النوم الله يخليه لج |
رد: ساعدوووني ؟؟
تسلمين ياقلبي تعبتك معي
|
رد: ساعدوووني ؟؟
لا عادي فديتج
تعبكم راحه (=^,^=) |
رد: ساعدوووني ؟؟
ماشالله تبارك الرحمن
هههههههههههههه فديته صراحه لو مكانج اوديه دايركت البيطري وبالنسبه للحمام جيكي عليه عند البيطري بعد واشتري في رشاش يبيعونه ترشينه علا المكان مال حمامه وبيعرف وبالنسبه للمكان الي يطيح منه وماتبينه يروح له اشتري بعد رشاش يبعون مايخليه يجرب من المكان الي راشته عليه روحي عند البيطري او محل حيوانات وساليهم عن الراششاشات خبرج اجهز للقطوة اليديده وادعوا لي اني احصل الي فبالي شيرازيه بيضه دلوعه وصغيره ههههه |
رد: ساعدوووني ؟؟
مشكوره على الرد
وان شاء الله تلاقين القطوه اللي تبينها ونزوجها القطو الي عندي ههههههه |
| جميع الأوقات بتوقيت GMT +3. الساعة الآن 12:18 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو