|
السلام عليكم... عضوه يديده واستفسارات عديده :)
السلام عليكم
انا عضوة يديده وحبيت هالمنتدى عندي سؤال بالنسب حق قطوتي بيكي مكتوب بجوازها انها ايرانيه بس مادري اي فصيله صورتها موجوده و عمرها سنه ... انا كلش يديده بهالسوالف ولا عمري ربيت قطاوه ولا اعرف اتصرف معاهم بس انا مستغربه منها.. اول شي ما تلعب ... كله نايمه او متكوره بزاويه وقاعده شاريتلها العاب على فيران ماكو فايده .. عندي الخيط اللي وراه سمجه تطالعه بس ما تلعب.... جربت عفست لها اوراق طلعت تطالعهم ... حتى كور وادحرجها صوبها هم ماكو فايده... وهل هالشي طبيعي؟؟؟ والشي الثاني ما تاكل... تشمشم الاكل وتمشي بس تحب الدراي فودد اللي جنه بسكوت.. بس هم تاكل شويه يعني 4 حبات بالكثير وخلاص... انا خايفه عليها والشي الاخير ما تخلي احد يقرب منها الا انا... وساعات من اقرب منها تشمخني وبتعضني بعد.. يعني وانا اخذ لها هالصوره شمختني مرتين ودي اوديها طبيب عشان يوصف لها فاتح شهيه او شي لانها يا حرام احسها تعبانه ولما تتنفس تطلع صوت بس ماعرف غير الدهماء... ولما وريتها اياه قال ما فيها شي مع انها كانت تعاطس عنده بط جبدي... فبلييز اللي وين احصل بالكويت غيره ؟؟؟؟ ومتى لازم احممها... انا ما عرف كلش ... اصلا اهي ما تخليني اشيلها... فيصير انطر وايد.. اهي تقريبا عندي من جم اسبوع وشكرا وادري اني مصختها http://om90.jeeran.com/DSC00004.JPG http://om90.jeeran.com/DSC00006.JPG |
رد: السلام عليكم... عضوه يديده واستفسارات عديده :)
السلام عليكم وعن طريق الاستحمام حياج الله بينا اختي ونورتي .. انتي شاريتها يديد؟ يعني بعمر 1 سنه؟ اذا اي .. القط الكبير صعب يتربا ويتعود على أي شي اللهم بس صاحبهـ ... اما شاريتها منا هي صغيره تقدرين ادربينها .. عبي صطل ماي دافي وجم نقطه من الصابون الخاص بلقطاوه تتكون رغوه وصبي عليها شويه بعدين اخر شي بطلي الماي وسبحيها فيه ونشفيها بلفوطه .. بعدين السشوار في حال خافت وهاجت من صوت السشوار ... مالج الا اتنشفينها بلفوط (( اصعب شي )) عموما قطوتج من النوع الشيرازي والشيرازي معروف عنه انه كسول ماراح ينفع معاج غير قلم الليزر تحركينهـ هذا الوحيد راح يجدد نشاطها وروحي على مركز لولو هايبر ماركت يم المشاتل في شي اسمه Catnip " مشرفتنا وذردروز قالتلي عنه "" ايخلي القطاوه الصعب ترويضهم والكساله ............. شياطين ;) عموما قطوتج الواضح مثل ماقال البيطري مافيها شي من التنفس يمكن شعر ساد بطنها في بمركز سلطان منتج اينزل الشعر والاخت Catty حاطه صوره للمنتج تقدرين ادورين عنهـ .. بنظري الدهماء اقرب شي واحسن شي واسعاره مناسبهـ .. عندج صيدليات بيطريه الي يم السوق الايراني فيها ادويه ودكاتره راح يفيدونج والواضح عندي انه قطوتج هاف مون فيس على انقورا (( موعارف احدد نوعها بلضبط )) .. بس عفوا" امحلقه لها شعرها |
رد: السلام عليكم... عضوه يديده واستفسارات عديده :)
مرحبا بكي اختا بيننا وانشاء الله انك تستفيدين وتستفيدين
وانشاء الله يكون اخي قطو افادك تحياتي للجميع |
رد: السلام عليكم... عضوه يديده واستفسارات عديده :)
شكرا واااايد على الرد اخوي قطو
صح انا شاريتها وهي كبيره عشان يعني من جم اسبوع عشان جذي مو قادره اسوي فيها اي شي ولا العبها ادري باذيك معاي انا شريت لها من مركز سلطان مال الشعر وهو ياي على معجون بس من تشوفني ببطله تنحاش...ما ادري شلون اعطيها اياه والمشكله اني ما اقدر امسكها ما يحلالها البدي كير الا بيدي ههههههه عسولي شكرا جدا على الترحيب |
رد: السلام عليكم... عضوه يديده واستفسارات عديده :)
السلام عليكم اختي غلطتي غلطه كبيره يوم شريتيها الله يهداج جان شاورتينا .. راح تتعذبين معاها وايد وصحيح راح تتروض وتتآلف بس مو مثل الكتنز تربينهم اهما وصغار .. عالعموم المرهم ايوا هذا اهو طريقته تمسحين على ايدينها واهي تلحس ايدينها ... بجم خذيتيها ومن وين؟ |
رد: السلام عليكم... عضوه يديده واستفسارات عديده :)
السلام عليكم ومبارك عليكم الشهر ان شاء الله
شكرا اخوي على الرد مره ثانيه.... بالنسبه حق بيكي الله يسلمك اخوي شراها من سوق اليمعه ب25 وعمرها سنه وانا للاسف ما عرفت هالمنتدى الا لما شريتها.... كنت في قبل لا اشتريها كنت احوش بالنت صوب فيدوجق وهالسوالف ما يابو طاري لا تربين قطوه كبيره.... ابشرك اليوم ورديتها الدهماء....عطوها ابره لان معاها فيفر وعليه... بس اشوفها استفرغت اللي ببطنها عزك الله فوديتها البيطري الي وراه اسمه الري.... وااااايد احسن معاملتهم وايد ارتحت معاهم... ووصف لي شراب حق الحكه.. وقالي ان يور كات نييد بوي فريند ..عشان جذي قاعده تشمخ ... مسكينه مطلعه حرتها فيني... وسالفه الاكل قالي اجرب اعطيها اكل بيت ومريت لولوهايبرماركت ما لقيت الكاتنب حسافه... بجرب امر باجر.... بس شريت لها الطوق مال البراغيث والتريت ... بس حسافه مع الشمس انعجن وصار كتله وحده عاد انا اليوم لاني جوله في ربوع سوق اليمعه سحبت على الدوام ههههههههههه الله يستر من الخصم >>>> جني قلت قصه حياتي هههههههه |
رد: السلام عليكم... عضوه يديده واستفسارات عديده :)
ههههههههههههههههههههه
سوق اليمعه ولا سوق الحمام؟؟ مادري اذا فتحولهم فرع :p الكات نب موجود صاير مثل جيس اصغير لونه احمر تلقينه بس بالتدقيق من كثر ماهوصغير مو واضح وايد.. رحتي بيطرة الري نصيحه من اخ .. ترا هالبيطره نصابين ومحد يمدح فيهم ولايروحون لها وبس يبون يسحبون فلوس موعارفين شلون وفوق كل هذا يطلعون علل الدنيا بالقطوه .. سئلي عن البيطره بلمنتدى وشوفي شيقولون عن تجارب. بخصوص بوي فرند لوووووووووووووول بيطري فصله انتي ملاحظه عليها حركات ئرعا وتناوي بشكل مخيف؟؟ |
رد: السلام عليكم... عضوه يديده واستفسارات عديده :)
هلا اخوي
ومادري سوق الحمام سوق اليمعه شدراني.... حدي غشييمه .. بس هذا السوق اللي متروس هنود p: ومشكووووووور على النصيحه بالنسبه للبيطري بروح اسوي سيرج واشوف التجارب:)... وضاق خلقي على الري وانا مستانسه عليهم الحين خفت منهم ومن الادويه اللي غززوها... بس لانه فحصهاووصف لها دوا حق الكحه وحتى اظافرها قصصها بس بالدهماء ماسوو لها شي عطوها ابره ومسكينه استفرغت كلشي عاد قالتلي تعالي باجر عشان يعطونها حقنه ثانيه وانا كنت ناويه اكشت ....تنصحني اروح ؟؟؟ واسكت على سالفه البوي فريند قلته وي ار ان رمضان شي هاف تو ويت هههه بعدين قال لازم عاد قلتله ويت تو ماي نكس سالاري... مادري وين اييب لها بوي فريند هههههههههههه بس حرام اهي ما تطلع صوت ساكته وما تسوي ولا حركه نص جم هي بس تشمخ وتنام ههههه عاد مسيكينه من رديت من البيطري وهي عايشه صدمه منخشه تحت الصوفا ومو راضيه تطلع.. ولما اناديها تخزني خزه وتلف وتعطيني ظهرها ومن اقرب تنحاش تنطرني امشي عشان تلبد تحت الصوفا مره ثانيه...كرهتني وعليه:( |
رد: السلام عليكم... عضوه يديده واستفسارات عديده :)
السلام عليكم
اي سوق الحمام :) الدهماء انتي اول ماتدشين قولي ابي اقص وشنو تبين .. الري بس يبون يطلعون فلوس يعني قصة الاظافر يايه عشان فلوس مو خدمه منهمـ .. لاتستغربين اذا حالتها حرجه ترا هالبيطره تسوي هوايل.. ومحد يمدحها اذا بتروحين حق الدهماء قوليلهم انج رحتي مناك وخيشوفون الدفرت شخذت تطعيمات عشان تعالجين الصدمه وكليها بايدج جبن سلايز او مرتديلا ومسحي على راسها وتحت رقبتها ليما تعود عالشيله وأي اوامر ثانيه حاضر |
رد: السلام عليكم... عضوه يديده واستفسارات عديده :)
مشكووور اخوي وما قصرت
:D وشكلي برد اوديها الدهماء بعد الفطور لانها قامت تمشي وترجف و اخلاقها تغيرت وايد وصايره خايفه بطريقه غريبه صارت من تشوفني جنها شايفه عدوها تنحاش وانا مو قادره اصيدها كلش ولا حتى امسح عليها ولا حتى احط لها معجون الشعر لانها وعليه وايد تكح وتتنافظ ...ومن تصير صوبي بس تركض حتى ما تشمخ بس تنحاش.. انا اتوقع لانها لما كانت تعافر وهم يقصون اظافرها ويفحصونها عنهم كانت عيونها بعيوني فالحين خايفه مني:( ومشكور على نصيحه المرتديلا هذا الشي الوحيد اللي كلته... بس حسافه كلت شريحه وحده وبس... بس احسن من ولاشي صراحه مشكووور وايد وايد وايد... انت مو متخيل شكثر انا شاكرتلك وصج استفدت من نصايحك:) |
رد: السلام عليكم... عضوه يديده واستفسارات عديده :)
انتي قلتي قاعده تعافر واهم يقصون لها .. هذا اكبر غلط
لو صار جذي جان خدروها ... ابيج توصفينلي حالتها بلضبط لوتقدرين تحطين فيديو بعد والله يكون احسنـ !! وحاضرين اختي ماسوينا شيـ . |
رد: السلام عليكم... عضوه يديده واستفسارات عديده :)
اي والله اخوي قعدت تعافر وتموء (( يعني تقول ميو .. يعني طالعه فيها)) بصوت يعو رالقلب والله ان عيني دمعت وانا معاها... والمصيبه جنها تقول ساعديني وانا ما اقدر اسوي شي :(
ومن ردت وهي يا حياتي حايشها اكتئاب وبس ترجف وتكح.. توني مشربتها ماي وغصت بكحتها ... وانتبهت اليوم ان بعينها دموع... حسبي الله عليهم من بيطري وان شاء الله بصورها فيديو او صور عاديه بعدين لانها نايمه حاليا... ومشكور اخوي صج صج ما تقصر مااقدر اعبر عن شكري |
رد: السلام عليكم... عضوه يديده واستفسارات عديده :)
الله يعينج بان انك متوهقة مع هل القطوة لاكن انشاء الله تتحسن
|
رد: السلام عليكم... عضوه يديده واستفسارات عديده :)
يفضل فيديو وبالحاله الي فيها ...
الحين بس حاولي اتلمسين عليها .. اهي يديده وخايفه .. مسئلة اسبوع وتتعود عليكم حاولي ناديها بصوت مو عالي وبأسمها |
رد: السلام عليكم... عضوه يديده واستفسارات عديده :)
السلام عليكم
صارلي جم يوم احاول اصورها ومو قادره.. يا تنحاش يا ترجع قري وتندعس تحت الصوفا... ومن امد ايدي تحت الصوفا بتشمخ او بتعض حتى الاكل ما قمت انا اللي احطه اخلي الخدامه لاني اذا حطيت تنحاش .. وبروحها مسيكينه كلش ما تاكل طول اليوم لقمه ولا لقميتن... بس لاحظت شوي الحكه خفت مو مثل اول اخوي صج تعبتك معاي مشكوور على مساعدتك وايد د.ميدو.. مشكوور اخوي على الدعوه وان شاء الله تتحسن.. لانها صج كاسره خاطري وعليه |
رد: السلام عليكم... عضوه يديده واستفسارات عديده :)
قطو ما شاء الله عليه ماقصر معاج
كفى ووفى حلوه هذه سالفة البوي فرند P: شوفي... القطاوه اللي بسوق الحمام يعطونهم بس دراي فود و بكميه قلييله فتشوفينهم دايما ضعاف. على شان جذي مالتج ماتاكل الا الدراي فمالج الا تروحين حق الصيدليات و تشترين مشهي اكل تحطينه مع اكلها ان شاء الله جم يوم و ترد لها شهيتها , حاولي اتجربين معاها بعض انواع اللحم المطبوخ:لحم ,دياي , ربيان بالنسبه للخوف هذا شي طبيعي : قطوه كبيره و شاريتها من سوق الحمام, طالعي عاد صاحبها السابق شمسوي فيها. لا تيئسين معاها ....كلها اسبوع اسبوعين او شهر و ان شاء الله على اتعود عليج . اهم شي: لاتشيلينها, و انتي كله حطيلها الاكل. و بالوقت اللي تكون كسلانه و ماتحرك .. لمسي على راسي و جسمها , لاتحاولين و هي نشيطه و لا بتبخ بويهج و تحاول اتعضج . اذا شفتيها تماوي بصوره غريبه و بصوت مزززعج لايام , معاناها تبي "بوي فرند" (;;^^) بس اذا انتي ماتبينها تحمل و تييبلج كيتي خليها بحالها و استحملي الازعاج...الطرق الثانيه كلها فاشله الا نزع الرحم مره وحده. اما اذا تبين يصير عندج كيتي تقدرين انج تشوفين اي واحد من اهلكم عنده ذكر و اخذيه و خليه جم يوم عندج يلاحق القطوه , و اذا ماحصلتي تقدرين اتروحين محل اسمه بت هاوس صاير على شارع سنتر بوينت اللي بالري ,نفس الشارع الداخلي , اذا انتي يايه من الغزالي و دشتي على لفة سنتر بوينت , روحي يسار و كملي شوي و بتشوفينه على يمينج. بس غالي تأجير الذكر عندهم (30 دينار) بس الانواع اللي عندهم كلها اصليه و طيبه و حلوه فما تاتحين على انتاج قطوتج. تقدرين اتاجرين من سوق الحمام بعد بس مانصح ابد , صج ان بيكون ارخص بس ماتدرين شنو الامراض اللي بالذكر اللي بتييبينه على فكره .. اذا قطوتج احملت بتشوفينها من الشهر الاول بتصير حنونه و حبوبه الهرمونات تصير شغاله P: |
رد: السلام عليكم... عضوه يديده واستفسارات عديده :)
نسيت اقول شغله عن التسبيح
تقدرين اتسبحينها بعد بالحنفيه او البانيو و دير بالج يدش ماي بأذونها .. مو زين لها لمه تسبحينها غسلي راسها بايدج و بعد ماتخلص لفيها بفوطه و نشفيها .. يبي فوطه ثانيه و نشفيها اكثر بعدين اخذيها و حطيها بغرفه مافيها تكييف و صكي الباب عليها تعالي بعد ساعتين 3 ساعات و بتشوفينها تلق من النظافه و شعرها ناشف اخذيها و حطي عليها بودر جونسن مال اليهال على شان تكتمل النظافه و تصير ريحتها حلوه (من فوايد البودر ان يطرد الحشرات اللي معششه بشعرها) الاستشوار اذيه ... لازم قطوه ماتنخاف و ثابته بمكانها ولا ماينفع ابد |
رد: السلام عليكم... عضوه يديده واستفسارات عديده :)
اخوي لونلي هنتر ... تشكراااات جزيلا
اهي ما تطلع اصوات يا نايمه يا منخشه و شكرا على نصيحه الاكل والمحل... اذا بدت تسوي حركات باجرلها قطو ... قطاوه اخر زمن...هههه واذا على الاكل والله قاعده اطبخ لها سوالف مسويه روحي الشيف اسامه السيد هههه الله يعين وتاكل وتبطل خوف من تشوفني جنها شايفه عدو شكرا مره ثانيه على الرد الكافي والوافي |
رد: السلام عليكم... عضوه يديده واستفسارات عديده :)
اهلا كويتيه :) ويه يحليلها قطوتج .. تشبه قطوتي بس انا قطوتي عمرها شهرين ونص :rolleyes: شوفي في اكل انا كله اوكله حق قطوتي اسمه على ما اعتقد ( بيني ) موجود بالجمعيه عل دياي ;p فانتي جربي معاها هذا الاكل |
رد: السلام عليكم... عضوه يديده واستفسارات عديده :)
هلا بنك مشكوره على النصيحه
وبجربه لها اذا لقيته :) |
رد: السلام عليكم... عضوه يديده واستفسارات عديده :)
اخوي لونلي ماقصر وياج
صح في فاتح شهيه ينباع بالصيدليات البيطريه حاولي تييبينه واهو يوصفلج المقدار .. حاولي تلعبينها بالليزر؟؟ وتذكرت شغله قالها اخوي لونلي بخصوص سوق الحمام ترا سوق الحمام نازله عليه شكثر شكاوي خاصه من الاجانبـ .. شغله من شغلاتهم انهم مايوكلون لقطاوه غير وجبه وحده بليوم! وشنو مقدار قفشتين ليش؟ عشان اتظل صغيره و ماتكبر .. النتيجه:- دود بلبطن وانفلونزا ومرض .. كل هذا عشان لايبتلشون بالحجم. الله يهديهم . طمنينا اشصار معاج .. ولعبيها بالليزر هذي لعبة كل القطط ولاقطوه تقدر تقاومه |
رد: السلام عليكم... عضوه يديده واستفسارات عديده :)
هلا اخوي
بيكي الحمدالله حالتها تحسنت الحمدالله يا رب وكله بعد فضل الله منكم ومن نصايحكم العجيبه انا كنت افتفت لها الكات نب بالدراي فود .. وهلايام ما شاء الله اشوفها تنشطت وقامت تخليني امسح على راسها بس ما تخليني اسوي اكثر من جذي وحتى نفسيتها للاكل تحسنت... كل ما كلت مرتديلا دعيت لك ههههه وبجرب اسلق لها ربيان اليوم... الحمدالله والشكر يارب لعبه الليزر وين احصلها لاني ما لقيتها لا بكارفور ولا لولو ماركت ولا بمركز سلطان... ومشكور جزيل الشكر |
رد: السلام عليكم... عضوه يديده واستفسارات عديده :)
هذا الي نبيه يا اختي الدعاء :)
ادعي اني اتخصص وانجح بدراستي .. الليزر تلقينه عند محلات الالعاب وليد والشناكل اعتقد |
رد: السلام عليكم... عضوه يديده واستفسارات عديده :)
الحمدالله انها صارت زينه معاج و مع الاكل ^^
في شغله لاحظتها بالصوره... المغص اللي يطلع بعينها .. هذا كل يوم يطلع ولا بين فتره و فتره اذا كان كل يوم و بشكل كبير ... في مرهم يبيعونه بالصيدليات البيطريه بالري على شكل ابرة معجون حطيه على مكان المغص و ان شاء الله يختفي بعد يومين او 3 |
رد: السلام عليكم... عضوه يديده واستفسارات عديده :)
مشكورين اخواني ما قصرتو
لونلي انا ما كنت منتبهه على هالشي بنتبه الحين عليها وان شاء الله ما فيها الا العافيه اخوي قطو الله يوفقك ان شاء الله بدراستك وبتخصصك وبحياتك كلها :) |
| جميع الأوقات بتوقيت GMT +3. الساعة الآن 10:28 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو