الله يخليكم طيرتي طعبانه
 

السلام عليكم
اخواني عندي سؤال بخصوص ببغاء الدره
امس اعتدى الكاسكو على الدره وكسر منقاره السفلي وظل الدم ينزف من العصر الى الليل وديته للصيليه واهطاني بخاخ لونه ازرق وقال لي احطه على الجرح مرتين في اليوم حتى ما يلتهب الجرح وقال لي هذا اجراء مؤقت ولازم اوديه للجامعه لأنه محتاج جراحه وخياط

وديته لصيدليه ثانيه وقال لي احط له مرهم و واوديه للجامعه لآنه محتاج خياط ...... على كل حال الجامعه ما تستقبل في قسم الجراه قبل يوم الاحد

وديته لصيدليه ثالثه قال لي الدم مومشكله يبقى ينزف الى ان يتوقف الدم وبالنسبة للكسر قال لاتودينه الجامعه لآن المنقار مثل العظم ما يعملون له خياط ..... قال لي اتركه الى ان يرجع المنقار ينمو من جديد واعطيه فيتامينات ومضاد حتى ما يلتهب الجرح واغره لآنه موراضي ياكل
وقال لي البخاخ الازرق هذا ما استعمله للطير لآنه يسبب له تسمم بسبب قرب الفم

احتا نصايحكم ايش اسوي انا خايفه على الطير يروح مني
اي من هذي الآراء صحيح ؟؟ وهل يرجع المنقار ينمو من جديد ويصير شكله طبيعي ؟؟ والطير ما يقبل اغره واخاف اعوره


هذي صورة الطير
[IMG]http://cdn.top4top.co/t_10c567fe891.jpg[/IMG]


طبعا هذي انثى واللون الزرق هذا اللي عليه اهو البخاخ اللي حطه له الصيدلي

رد: الله يخليكم طيرتي طعبانه
 

الاخت طماطه البخاخ الازرق صحيح للاستعمال الخارجي فقط يعني ماصلح يوصل لداخل فم الطائر
بالنسبه لدم حطي على الجرح قهوة عربية مطحونه واضطي على الجرح بخفيف بقطعة قطن او قماش فالقهوة تساعد على ايقاف النزيف
غسل الجرح بالماء المملح أو الماء العادي
وبالبنسبة للاكل لازم ياكل الطائر عشان يعوض كمية الدم الي خسرها قدمي له الاكل المفضل لديه مع الفواكه والخضروات
واتمنى باقي الاعضاء واصحاب الخبره يفيدونك

رد: الله يخليكم طيرتي طعبانه
 

السلام عليكم ورحمه الله
اختي المفروض توقفي النزيف من ساعته لانها طيور صغيرة وكميه الدم عندها صغيرة انتي تشوفي ان الدم اللي طلع شوي بس بالنسبه للطير تعتبر كبيرة
عندك اكثر من حل عشان توقفي النزيف
ممكن تحطي نشاء مكان الجرح وتضغطيه مثل الكبس حتى يتوقف الدم
او قهوة عربيه
او رماد صافي مايكون فيه بقايا بخور عشان مايحرقه
حاليا اهتمي بتغذيه الطير لانه يحتاج يعوض عن الدم اللي خسره ويحتاج طاقه عشان يلتئم الجرح وغير الطاقه العاديه مثل كل يوم
مضاد حيوي يحتاج عشان يقاوم الالتهابات وفيتامينات واملاح عشان الطاقه
المنقار مش واضح لان الصوره صغيره والدوا مش مساعد
بس في نقطه معينه لما يقص المنقار منها يرجع ينمو بس اذا تعداها مايرجع
اهم شي حاليا يلتئم مكان الجرح
لو كنت مكانك بحاول اركب الجزء المكسور مكانه واربطه ممكن يرجع يلتحم مع الوقت ف حال ان الكسر كان من بعد النقطه اللي ماينمو بعدها المنقار بس هذا الكلام وقت الكسر قبل ماتموت الانسجه
في كل الاحوال الخوف الحين من عدم الاكل وبالنسبه للمنقار حتى لو مارجع ينمو الطير راح يحصل طريقه يتكيف بها ان شاء الله
اتمنى له الشفاء العاجل

رد: الله يخليكم طيرتي طعبانه
 

عليكم السلام

الف سلامات

ودائما ننصح عدم وضع نوعين مختلفين من الطيور بجانب بعض

وان حصل يجب مراقبتهم ان هناك أي سلوك عدواني يجب فصلهم

بالنسبه لحالة الطير

لعل البيطري الثالث هو اصدقهم

وجابلك اياها من النهايه

الان كل الي عليكي تهتمي بتغذية الطير وتعويضه عن النقص الي صارله , واعطاءه الأدويه الي اخبرك بها , وصحيح البخاخ ما ينفع ابدا في هذه الحاله

يمكن تبخيه اول ما صار الكسر وبخه وحده بس , لأيقاف الدم وتعقيم الجرح فقط

ولو ترجعي لعنده وتطلبي منه الادويه الي يقترحها هو يكون احسن

وخليه يعلمك كيف طريقه الغر , ويعطيك السيرلاك المناسب للغر , وطريقه خلطه والكميه
وكم نسبة وضع المضاد والدواء مع السيرلاك

لان الادويه في هذه الحاله لا تنفع ان تخلطيها مع الماء , بسبب ان صعب على الطير يشرب
وما راح ياخذ الكميه المناسبه من الدواء

لذلك الغر هو انسب وسيله لايصال الغذاء والدواء له

----

بخصوص المنقار ان كان مكسور كسر كلي فما راح يرجع ولا راح ينمو

اما ان كان الكسر جزئي او مجرد شرخ فهذا سيعود

لعل البيطري الثالث يعلم ان كان سيعود ام لا بعد مشيئه الله طبعاً لأنه اكيد فحصه وشافه

داومي الذهاب اليه والاطمئنان عليه عند هذا البيطري الثالث

وجربي تحطي للطير حبوب اليوم او بكره او فيما بعد , احتمال يستطيع ياكلها
ويريحك من الغر



كل التوفيق والشفاء له

رد: الله يخليكم طيرتي طعبانه
 

الاخ modi140
والاخ روجيادا
والاخ AVOCADO
اشكركم من قلبي والله ماقصرتو واعتذر تأخرت في الرد اللابتوب اخترب موراضي يكتب :cool: بس كنت اقأ نصايحكم واستفيد منها
اكثر النزف اتوقع انه كان من المنقار نفسه وانا لما شفت الدم وشفت الطيره تصرخ وشفت حالته ما ابالغ لو اقول كان بيغمى علي وماكنت عارفه اتصرف والى الآن ماشفت قطعة المنقار الي انكسرت وين صارت والطبيب اعطاني هذي الادويه
http://cdn.top4top.co/i_dba5d157811.jpg
http://cdn.top4top.co/i_dba5d157812.jpg
http://cdn.top4top.co/i_760f9ac1ad3.jpg
الحمد لله الطير الحين احسن لاكن مازال غير قادر على الاكل مع انه يحاول انه ياكل لما احط له سيريلاك القمح يخلي لسانه على الاكل ويحاول انه ياكل ولو شئ بسيط اما الفاكهه والحبوب ما يتمكن انه ياكلها وما يتمكن يفتح فمه بالكامل مع انه افضل من الاول
البيطري الثالث قال لي انه انشاء الله بيرجع ينمو المنقار من جديد
بس كيف اعرف النقطه اللي ينمو المنقار اذا انكسر عندها
واذا كان بينمو هل ياخذ وقت طويل ؟؟

اجدد شكري لكم وياريت ما تحرموني من نصايحكم اللي انشاء الله بتفيدني

رد: الله يخليكم طيرتي طعبانه
 

الحمدلله ع سلامه الطير اختي
اولا اذا كنت تقصدي بسيريلاك القمح نفس السيريلاك اللي يستخدموه الاطفال توقفي عنه وجيبي له النوع الخاص بالطيور من العياده البيطريه ف حال ماحصلتيه ف محلات الحيوانات
ثانيا بالنسبه للغر استخدمي معه الابره المتصل فيها انبوب بلاستيكي مرن مثل اللي ف الصوره (اللي ف الوسط)
بتحصلي احجام مختلفه من الانبوب استخدمي القياس المناسب لفم الطير

http://www.3rbz.com/uploads/95ca21d59d721.jpgمركز تحميل الصور

واخيرا صوري المنقار من قريب وصوره واضحه عشان نشوف معك واهم شي اهتمي بنظافه المكان من بقايا الطعام والاوساخ

رد: الله يخليكم طيرتي طعبانه
 

اخي الكريم روجيادا اتشكرك من قلبي
هذي روابط للصور واتمنى انها تكون واضحه لأن الطير غلبني في التصوير (يخاف )
[IMG]http://cdn.top4top.co/i_c82080de621.jpg[/IMG]

http://cdn.top4top.co/i_c82080de622.jpg

http://cdn.top4top.co/i_96956b3ca43.jpg/

http://cdn.top4top.co/i_96956b3ca44.jpg

http://cdn.top4top.co/i_96956b3ca45.jpg

http://cdn.top4top.co/i_da4ccfe4796.jpg

http://cdn.top4top.co/i_da4ccfe4797.jpg

ياريت تطمنوني اذا كان حينمو مره ثانيه ويرجع طبيعي واتعلم منكم ايش النقطة اللي اذا انكسر عندها ما يرجع ؟
وهل شكل المنقار على مايرام ؟ غير ملتهب او ملوث ؟

ومره ثانبه شكرا من كل قلبي

رد: الله يخليكم طيرتي طعبانه
 

كذلك عندي استفسار
انا اعطيت الطير فيتامين 6 ايام هل هذا كفايه ؟

رد: الله يخليكم طيرتي طعبانه
 

وينكم يامبدعين توزو
يا روجيادا المبدع اين انت :)

رد: الله يخليكم طيرتي طعبانه
 

الحمدلله انه تحسن

وكويسه العلاجات

الفيتامينات استمري عليها , ولو تخلطيها مع السيرلاك ممتاز

الادويه الثانيه الصور ماهي واضحه
وياليت توضحي ايش هي العلاجات الثانيه
اذا مضادات حيويه , تنوخذ 7 ايام بالكثير

اذا غير اسألي الصيدلي الي اعطاكي اياها عن الكيفيه والمده والكميه

بخصوص المنقار
لا تهتمي كثير اذا بيرجع او لا

حاليا اهتمي بتزويده بالغذاء الدافي والمفيد , وشرب الماء

الى ان يعوض النقص الي صارله ويتعافي

ولازم تساعديه على الاكل , حتى لو تركبي (اللي) الصغير بالابره ويفضل يكون طويل شوي

نفس الصوره الي برد روجياد , تحصليها بمحلات بيع المستلزمات السمكيه , وخذي الاصلي يجي ناعم ما يجرح حلق الطير

وتدخلي ( اللي ) جوا حلقه من جهة يمين الطائر , وتدفعي الأكل على شكل دفعات بسيطه

يومين ثلاثه يتعود على هذه الطريقه ويصير محترف اكل غر

اهم شي يكون سيرلاك مخصص للطيور , وفيه كل العناصر الازمه لتغذيته

---

ومسأله المنقار راح تبين مع الوقت

يعني يمكن شهر ويبين اذا بيرجع او لا

كان عندي طير دره نفسه طار وطاح على منقاره وانكسر المنقار من فوق الجزي العلوي

وكان الكسر من منتصف المنقار

http://store2.up-00.com/2015-10/1444321583091.jpg

بس كان يعرف ياكل الحبوب
وجلس سنه كامله المنقار مثل ماهو مكسور ولم ينمو

ولا تقيسي طيرك عليه , مشيئه الله اقوى , واحتمال مكان الكسر بطيرك مختلفه
وممكن يلتئم ويعود كما كان



خصوصا ان الدره طائر قوي ومناعته ممتازه ويقاوم بشده من اجل البقاء في الحياه


وهذا مقطع فيديو توضيحي لتأكيل الطير ومنقاره مكسور

https://www.youtube.com/watch?v=BjyiORiqSJA

طبعا في البدايه ستكون هناك صعوبه , لكن مع التكرار والايام هو من سيأتي لطلب الغذاء مثل الي بالمقطع

اهم شي احرصي ان الاكل يكون دافئ , والنظافه مهمه , وتشربيه الماء على شكل قطرات


الف سلامات وما يشوف شر

والله يكتبلك ويكتبلنا اجر الاهتمام به والاعتناء

رد: الله يخليكم طيرتي طعبانه
 

اخي المبدع AVOCADO شكرا جزيلا لك ماقصرت
بالنسبة للفيتامين كم يوم اعطيه ؟ لآني خفت اني استمر واظره

باقي الادويه مرهم مضاد موضعي ومضاد مع الماء استعملتهم 5 ايام ووقفتهم

انا فعلا اشتريت ابره مثل اللي في صورة روجيادا وسيريلاك من محل بيع الطيور واحاول اغره قد ما اتمكن لاني اخاف اعوره
والله عورني قلبي على طيرك الله يحفظه لك ويحفظك له يارب

راح احاول كل جهدي اني اخليه يرجع احسن من قبل كان كله حيويه ومرح وخفيف دم والحين هادئ ويخاف مني اذا جيت احط له مرهم

رد: الله يخليكم طيرتي طعبانه
 

[IMG]http://cdn.top4top.co/i_74bc40d3be1.jpg[/IMG]

رد: الله يخليكم طيرتي طعبانه
 

العفو واجبنه

بالنسبه للفيتامين
خليه كورس

يعني اعطيه يوم
ويوم لا تعطيه

يعني 3 ايام بالاسبوع كافيه

لمده شهر شهرين
حسب حالته اذا تحسن ورجع مثل اول وقفي الفيتامين والكالسيوم والاملاح المعدنيه , واستبدليه بالفواكه والخضروات الطبيعيه

واستمري بتأكيله وبأذن الله راح ترجعله صحته وحيويته , ويرجع يعتمد على نفسه بالأكل

وخلي دائما الحبوب والماء امامه بالقفص عشان يحاول لحاله ياكل ويعتمد على نفسه
ويتعلم مع الوقت , ويريحك

كان الله في عونك , وكتبلك الأجر

رد: الله يخليكم طيرتي طعبانه
 

توتو مسكين عورني قلبي عليه .. حاسه فيك اختي
بس الحمدلله الكسر من جانب واحد بس لكن الاشكاليه انه من الجانب اللي تغري الطير منه ف حاولي تكوني حذره شوي وممكن تجوعي الطير شوي عشان هو يطلب الاكل لان لو ماطلب الاكل راح تضطري تاكليه بالغصب واخاف تعوريه
مبدئيا الحمدلله الجرح التأم بس اذا قدرتي حاولي تقصي الريش ف منطقه الجرح وحوليها عشان مايلصق الريش مع الجرح ويكون اسهل لك تشوفي التأم الجرح
اذا شفتي كتل مثل كتل الدم المتجمد حاولي تمسحيها بقطنه فيها ماي دافي عشان يكون الالتئام صحيح ومكان الجرح نظيف ممكن تمسحي ع المكان بقطنه مغموسه بماي دافي واخر شي زيدي ذرة ملح ف الماي عشان التعقيم ف حال في اماكن مش ملتئمه كامل ونشفي الجرح وحطي المرهم المعقم وممكن تستغني عن الملح لانك بتحطي مرهم معقم
ومرات تتكون قشره مكان الجرح حاولي تطلعيها بالمسح اهم شي تنظفي مكان الالتئام ولا تخليه يجف عشان الجلد راح ينشد عليه ويتعور لما يفتح فمه
ممكن تحطي كميه مرهم معقم وتخليها شوي ت تتلين القشور وكتل الدم وبعدين تمسحيها بالقطنه بدل ماتمسحي بالماي الدافي بالنسبه للقص استخدمي مقص الانف اللي اطرافه مدوره مثل هالصوره عشان مايتعور الطير

http://gulf-up.com/do.php?img=12985
لان الطير بيخاف من المقص لانه شي جديد عليه ومن الجرح نفسه فيه خوف زياده

رد: الله يخليكم طيرتي طعبانه
 

اختي انا استخدم هالنوع من الابر مع فروخ الطيور الصغيره لانها تناسبهن
ممكن تستخدميها مع طيرك
لان راسها بلاستيك مرن وحلو حتى لو تغريه بالغصب ماراح تعوره مثل الابر العاديه اللي راسها بلاستيك صلب
بس مشكله هالنوع انه متصله بهوز قطره صغير بس اعتقد تصلح لطيرك لكن بتاخذ وقت ت تعطيه الكميه اللي تناسبه لوتعود عليها عادي بس لو ماتعود عليها وخاف منها جربي اذا قدرتي تركبي فيها هوز قطره اكبر شوي
اسمها ابره الفراشه يستخدموها في المستشفيات البشريه لما يريدو يقيسوا نسبه الاوكسجين ف الدم
انا اخذهن من المستشفى ماعر ف وين يبيعوهن
هذي صورتهن

http://gulf-up.com/do.php?img=12992