مين الأنثى ومين الذكر ؟؟
 

السلام عليكم
انا عضو جديد في هذا المنتدى الجميل
ولا توجد لدي أي خبراة في تربية البادجي ولكني احب تربيتهم وأتمنى الاستفادة من منتداكم ومن أصحاب الخبرة
مين الأنثى ومين الذكر ؟؟
http://www.imagesup.fr/di/Q4G1/WIN_20150407_103334.jpg


http://www.imagesup.fr/di/VASP/WIN_20150407_103355.jpg

رد: مين الأنثى ومين الذكر ؟؟
 

وعليكم السلام
أهلاً فيك عضو وأخ في المنتدى
الصور موواضحة ممكن صور تانية
وتصور منطقة الكير اللي هيه أعلى المنقار وفيها فتحات الأنف
بس مبدئياً هوا زوج صغير الصورة الأولى دكر والتانية أنثى
لكن ليا عودة إن شاءالله للتأكيد بعد تحميل صور جيديدة تكون أوضح

رد: مين الأنثى ومين الذكر ؟؟
 

اخي شكرا لك بالفعل الاصفر دكر و اخضر انتى هل اذا اشتريت ذكر بالغ اضع الاصفر معاهم

رد: مين الأنثى ومين الذكر ؟؟
 

هل انثى بالغة

رد: مين الأنثى ومين الذكر ؟؟
 

الأنثى باقي صغيرة في السن
والزوج موبالغ ولا جاهز للتزاوج
وبخصوص الدكر البالغ أنا مافهمت ايش الهدف منو
مدري قصدك لوجبت دكر بالغ حيصير تزاوج وعش ؟
ممكن تقولي ايش تبغى بالضبط عشان أقدر أساعدك

رد: مين الأنثى ومين الذكر ؟؟
 

هل اشتري ذكر بالغ

رد: مين الأنثى ومين الذكر ؟؟
 

يعني ليش حتشتري البالغ عشان تزاوجو بالأنثى ؟

رد: مين الأنثى ومين الذكر ؟؟
 

نعم ليتزاوجو

رد: مين الأنثى ومين الذكر ؟؟
 

الأنثى باقي صغيرة
موبالغة ولا جاهزة للتزاوج
أخ زكريا تربية البادجي يبغالها صبر
العجلة ماتفيد الطيور تضرها
يعني ممكن تفقد طيورك أو تحصل على إنتاج ضعيف
بس برضو عندي لك كم إقتراح
ياتصبر عالزوج اللي عندك وتبدأ تأسيسهم صح
أو تجيب زوج بعمر 8 شهور كحد أقصى
بس تجيب زوج بالغ جاهز مانصح فيها أبداً
يكون عمر الطيور كبير وصار لهم كم إنتاج من قبل
عشان يستفيدوا التجار في بيع فروخهم
والقرار في الأول والأخير طبعاً لك

رد: مين الأنثى ومين الذكر ؟؟
 

لكن لماذا الذكر يخاف من الانثى

رد: مين الأنثى ومين الذكر ؟؟
 

عادي شيء طبيعي
بس مع الوقت حيبدأ يصير توالف
ولا تركب البياضة أو العش دحين
في كم نقطة حقولك هيه بإختصار بس ضروري تعرفها
ركب عظمة الحبار في القفص موجودة في محلات الطيور
ونوع الأكل لطيورك من حبوب وفواكة وخضار وبيض بالبقسماط وعيش مبلول
ضروري تشوف مواضيع الأكل في ملاحظات ضروري تنتبهلها عشان ماتمرض طيورك بدل ماتستفيد
وكمان جيب فيتامين برضو موجود في المحلات 5 نقط في المشربية كل 5 أيام
وأهم شيء تهتم بنظافة القفص والطيور عشان مايمرضوا أو تجيهم حشرات من فاش وغيرو
وأرضية القفص لازم يكون فيها زي الشبك يفصل الطيور عن فضلاتها الله يكرمك
تحط الطيور في مكان ثابت وهدا حيفيدك في الترويض والتزاوج
ويكون جيد التهوية بعيد عن التكييف أو الشمس المباشرة
وكمان بعيد عن الغبار والروائح الغريبة والحشرات زي النمل والعناكب أو من حيوانات زي الفيران أو الغربان
هدا مختصر مواضيع خاصة في تربية البادجي وفيك تستعين بالمنتدى كمرجع لك تستفيد ويساعدك في التربية
وبالتوفيق لك