منتديات تو زوو - كيف أعطيها الدواء

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - كيف أعطيها الدواء (http://www.2zoo.com/vb/showthread.php?t=327599)

كيوت..

27-11-2013 03:26 PM

كيف أعطيها الدواء

السلام عليكم والرحمه
شحالكم؟؟

ابى أسألكم كيف اعطي قطوتيه الدواء هو حبوب طحنتها وحطيتها في الأكل بس ما كلت عادي أذوب الحبوب في الماي وأعطيها..؟؟؟؟

ومشكورين ...:)

شاهستا

27-11-2013 04:10 PM

رد: كيف أعطيها الدواء

وعليكم السلام
حبوب ايه بشرى ولا بيطرى وبتتاخد ل ايه ؟

كيوت..

27-11-2013 04:15 PM

رد: كيف أعطيها الدواء

اقتباس:

المشاركة الأصلية كتبت بواسطة شاهستا (المشاركة 2998692)

وعليكم السلام
حبوب ايه بشرى ولا بيطرى وبتتاخد ل ايه ؟

لا بيطري عطاني إياه وعطاني اكل عسب أحط فيه بس ما كلت وعطيتها من اكل البيت بس ماتبى تاكل...!!؟

فاتـــو

27-11-2013 07:30 PM

رد: كيف أعطيها الدواء

اهلين ياقمر

هي تقصد وشوله الحبوب هل هي فيتامينات ام علاج لمرض معين ؟؟

كيوت..

27-11-2013 07:58 PM

رد: كيف أعطيها الدواء

اقتباس:

المشاركة الأصلية كتبت بواسطة فاتـــو (المشاركة 2998779)

اهلين ياقمر

هي تقصد وشوله الحبوب هل هي فيتامينات ام علاج لمرض معين ؟؟

هو سولها عمليه في بطنها قالي انه في قطوه عظتها واستوت كتلة دم هذا اللي فهمته وفتح بطنها ونزله وخيط بطنها وتمت عنده سبعة أيام وعطاني مضاد حيوي حبوب وقال حطيه في الأكل حبه ونص بس هي ماتبى تأكل ما اعرف ليش ؟ بس تبى ترقد بس هي عادي تمشي وقال ردي عقب عشرة أيام....

شو أسوي الحين؟؟

فاتـــو

27-11-2013 08:04 PM

رد: كيف أعطيها الدواء

اللي فهمته انها كان عندها خراج والدكتور فتح الجرح ونظفه وخيطه

اذا كان توقعي صحيح فطبيعي جدا نقص الشهيه

قدمي لها اكلات لها رائحة قويه مثل التونه واللحوم الحمراء المسلوقه

اذا رفضت ولاحظتي انها نحفت مالك غير انك تعطينها الاكل بالسرنجه والمضاد يذوب فيه

لازم تاكل مايصلح المضاد على معده فاضيه ..

كيوت..

27-11-2013 08:44 PM

رد: كيف أعطيها الدواء

اقتباس:

المشاركة الأصلية كتبت بواسطة فاتـــو (المشاركة 2998804)

اهااا يعني اخلطه في الخلاط ويا الدواء وأعطيها بالسرنجه...صح ولا..؟؟

فاتـــو

27-11-2013 08:51 PM

رد: كيف أعطيها الدواء

يفضل تضربين الاكل في الخلاط وبعدها تضيفين الدواء حتى يذوب

وهذا علشان ماتتفكك جزيئات العلاج ويبطل مفعوله ..

daily

28-11-2013 04:32 PM

رد: كيف أعطيها الدواء

اصلا مايحتاج تطحنين الحبوب ..لو الوصفه حبه كامله اقسميها نصين
واكليها على طول..افتحي فمها وحطي الحبه وهي راح تاكلها.
وبالنسبه للاكل حاولي تأكلينها بنفس الطريقه لكن شوي شوي.
ولو القطه ماترضى خل احد معاك

بببي	28-11-2013 05:18 PM

رد: كيف أعطيها الدواء

ومن تجربتي وتعلمي من الاخوات في المنتدى الله يجزيهم خير

كنت ادفي اللبن واعطيها ياه واخليها بعد نص ساعه اعطيها المضاد

ضروري هالوقت اختي يعني لاتعطينها المضاد على طول بعد الاكل

بعد ماتاكل خليها نص ساعه وعقب ذوبي المضاد في الماي واعطيها بالسرنجه

ممكن تسيل ماده مخاطيه في لعابها عشان طعم الدواء انا زودت شوي كمية الماي عشان شوي يخف طعمه

خلي الكميه اذا كانت الرسنجه عندج 5 مل ؟؟.. امليها

والله يشفي قطوتج يارب

كيوت..

28-11-2013 06:07 PM

رد: كيف أعطيها الدواء

اقتباس:

المشاركة الأصلية كتبت بواسطة فاتـــو (المشاركة 2998826)

يفضل تضربين الاكل في الخلاط وبعدها تضيفين الدواء حتى يذوب

وهذا علشان ماتتفكك جزيئات العلاج ويبطل مفعوله ..

عطيتها بس كل ما أعطيها شيئ تستفرغه حتى الماء كيف الحينه شو أسوي ..حتى لو ما عطيتها اكل تستفرغ عصارة المعده..؟؟!

فاتـــو

29-11-2013 12:15 AM

رد: كيف أعطيها الدواء

جيبي برمبران من الصيدليه البشريه للأستفراغ

هي كم عمرها ؟؟

كيوت..

29-11-2013 07:17 AM

رد: كيف أعطيها الدواء

اقتباس:

المشاركة الأصلية كتبت بواسطة فاتـــو (المشاركة 2999347)

جيبي برمبران من الصيدليه البشريه للأستفراغ

هي كم عمرها ؟؟

عمرها سنة

يوم دقيت ع البيطري قالي حالتها النفسية تعبانه زعلانه ما تبى اتشوفيني حتى كله تعطيني ظهرها ....شو أسوي الحين كيف أراضيها .....:(:confused:

كيوت..

29-11-2013 01:21 PM

رد: كيف أعطيها الدواء

فيها اكتئاب شو اسوي الحينه..؟؟

فاتـــو

29-11-2013 05:29 PM

رد: كيف أعطيها الدواء

معليش حبيبتي هذا كله طبيعي

كل القطط تزعل وتسوء نفسيتها في اوقات العلاج

وبالذات يوم يتسوى لها عمليه وتضطر تاخذ ادويه ماتحبها

ملسي عليها وكلميها بصوت واطي

دلكي المنطقة الخلفيه للرقبه وحكي لها تحت الرقبه وملسي على راسها لين عمل خرخرة اعرفي انها رضت عنك ..

جيبي برمبران من اقرب صيدليه بشريه

وعطيها منه نقطتين في فمها قبل لاتعطينها الاكل والعلاج بربع ساعة

وخبريني عن النتيجة ..

بسبس مياو

30-11-2013 10:14 PM

رد: كيف أعطيها الدواء

وش اسم الحبوب؟

جيبي مضاد بيتاموكس من البيطري وعطيها 1مل مرتين باليوم ,او من البشرية ايموكس نفس الجرعة
وجيبي بيتادين وعقمي مكان الخياطة

الأكل اعتمدي على الدجاج المسلوق افرميه مع مية السلق وعطيها بالسرنجة لو مارضت تاكل
لو تستفرغ الاكل جيبي موتيلوم للاطفال وعطيها 1مل قبل الاكل بنص ساعة
تأكدي من حرارتها وتأكدي من الإخراج..تروح الحمام ولا لا؟

كيوت..

01-12-2013 02:30 PM

رد: كيف أعطيها الدواء

بس يالها اسهال واليوم دم ويا الإسهال شو السالفه..؟؟؟

كيوت..

01-12-2013 06:04 PM

رد: كيف أعطيها الدواء

ساعدوني شو اسوي الحينه...؟؟

بسبس مياو

01-12-2013 06:35 PM

رد: كيف أعطيها الدواء

اشرحي حالتها بالكامل...تاكل ؟ تمشي؟ تنفسها؟ الجرح سليم ولا ملتهب؟
الدم كثير ولا نقط؟ قولي كل شي
وش عطيتيها ادويه؟

بسبس مياو

01-12-2013 07:10 PM

رد: كيف أعطيها الدواء

لاتضيعي الوقت..انتي فين!!!!!!!!
جبتي البيتاموكس اللي قلتلك عليه؟ لازم تجيبيه
جيبي مطهر معوي فلازول كمان وعطيها 1مل مرتين في اليوم
ومحلول الجفاف بيبي لايت لازم تاخذه( نص القطارة ماء ونصها محلول الجفاف) عطيها اربع مرات في اليوم
لا تهمليها

كيوت..

01-12-2013 08:24 PM

رد: كيف أعطيها الدواء

فيروس الأمعاء في قطو تي وبتموت بعد يومين ...

يأثر ع الانسان؟؟؟.....يعني يأثر على..؟؟

كيوت..

01-12-2013 08:32 PM

رد: كيف أعطيها الدواء

بسرعه .........

كيوت..

01-12-2013 08:39 PM

رد: كيف أعطيها الدواء

أدعو لها بالشفاء بس قالي بتموت...خلاص...:(

كيوت..

01-12-2013 09:40 PM

رد: كيف أعطيها الدواء

وينكم....؟؟

كيوت..

01-12-2013 10:08 PM

رد: كيف أعطيها الدواء

؟؟؟؟؟؟؟؟؟

بسبس مياو

01-12-2013 10:16 PM

رد: كيف أعطيها الدواء

ليش ماتجاوبين عالاسئلة؟
استغفر الله العظيم شي يقهر صراحة
كل اللي هامك يأثر عالانسان او لا ! لا حبيبتي مايأثر
روحي جيبي الأدوية اللي قلتلك عنها وعطيها مافي شي اسمه بتموت بعد يومين
حرام عليكي اتحركي تراها في ذمتك ليوم الدين
فيروس الامعاء ممكن علاجه بس انتي ماودك تتعبي نفسك

بسبس مياو

01-12-2013 10:27 PM

رد: كيف أعطيها الدواء

شوفي دكتور آدمي غير الغبي اللي تروحين له
القطوة لازمها مغذي حالا (جلوكوز ومحلول ملحي)
تستفرغ ولا ؟
الأدوية لازم تجيبيها
وجيبي كابتين او كابكت للأسهال
بليز اللي عايشين في الامارات ويعرفون عيادة ممتازة يدلونها

تدخلين وتطلعين وماتبين تردين :(
الله يرحم حالها

بسبس مياو

01-12-2013 10:55 PM

رد: كيف أعطيها الدواء

لو ماعندك فلازول بلاش منه...عطيها انتينال احسن
مع المضاد الحيوي بيتاموكس
بس ضروري تروح العيادة عشان المحاليل المغذية

فاتـــو

01-12-2013 11:02 PM

رد: كيف أعطيها الدواء

هل الدكتور اخذ عينه من البراز ولا يتفلسف ؟

اتركك منه ووديها لدكتور اخر يسوي اختبار للبراز ضروري الاختبار

الدم مع البراز له علامات كثير واحتمال نوع من الطفيليات او حاله متطوره من الديدان وممكن تكون فعلا فايروس

لكن ماتوصل لحد الموت لاتفقدين الامل كل مرض وله علاج بس بليز لاتتأخرين

وان شاء الله خير

كيوت..

02-12-2013 12:09 AM

رد: كيف أعطيها الدواء

لا هي خلاص قالي فيروس سوى التحليل جدامي وشفته بعيوني....
وهي كله مكان فتحة الشرج يظهر دم....
وهي خلاص تعبانه...وعطها إبرة لانها أصلا مب مطعمة من هذا المرض هذا السبب ...

لاني انا ما اعرف شيئ عن القطط وهي مب قطوتيه ييت من الشارع وربيتها خمسة اشهر ...
اللي قدرت عليه سويته الله يرحمهااا....:o

مشكورين ...
وتعبتكم وياي السموحه....:freind:

فاتـــو

02-12-2013 12:23 AM

رد: كيف أعطيها الدواء

لاحول ولا قوه الا بالله

اشك في كلام الدكتور العدوى الفيروسيه في الامعاء لها علاج

وش اسم الفيروس اللي اصابها ؟؟

بسبس مياو

02-12-2013 11:51 AM

رد: كيف أعطيها الدواء

فيروس الامعاء له علاج بالمغذيات والأدوية بس انتي والدكتور ماتبون تتعبوا معاها
هذي روح وبتتحاسبي عليها يوم القيامة
طول مالقطة بخير نحبها بس تتعب نتخلص منها منطق عجيب
اتمنى ماعاد تجيبي قطاوة لبيتكم يمكن لبو انك تاركتها بالشارع كانت الى الان عايشة او اخذها شخص
يستحقها.....

كيوت..

02-12-2013 12:20 PM

رد: كيف أعطيها الدواء

اقتباس:

المشاركة الأصلية كتبت بواسطة بسبس مياو (المشاركة 3001022)

لو سمحتي انتي شو بلاج انا دوم أفتح الباب عسب تظهر بس ما تظهر شو تبيني اسوي واشترت كل الأدوية ما في دواء ما اشترته وانا أعلاجها بس وقفت حست أنها ما تتحسن خفت قلت اللي أسوياه غلط ولا صح عقب وديتها عند الدكتور وقالي بتموت عقب يومين يعني الحين هي حيه ولا ميته ما اعرف لانه هي على اخر الأيام تبى تظهر وحطيتها وهي وأغراضها في مكان مناسب .في الشارع لو سمحتي اقولج واعيد هذي مب قطوتيه وشوفي جم موضوع حطيته عسب اعلاجها من امراض اللي قدرتي عليه سويته ..انا لقيتها في حجرتيه مب انا اللي دخلتها البيت ودورة ع صاحبها بس ما لقيته ...ولانه امايه وابويه خافو علي وعلي اليهال اللي في البيت ويوم شاف حالها ما عيبه ولا تحكمين على الأشخاص وانتي ما تعرفين ظروف الناس وشو حالهم وربنا بحاسبنا على اللي سويناه. ...الحمدالله ع كل الحال...

كيوت..

02-12-2013 12:24 PM

رد: كيف أعطيها الدواء

اقتباس:

المشاركة الأصلية كتبت بواسطة فاتـــو (المشاركة 3000827)

فيروس الأمعاء وكان على اخر مراحله وما قدر يعلاجها لانه من الأساس مب مطعمه ....

بسبس مياو

02-12-2013 12:29 PM

رد: كيف أعطيها الدواء

رميتيها في الشارع!!!!!!! يعني القطوة لسه حيه
مافي شي اقدر اقوله غير حسبي الله

بسبس مياو

02-12-2013 12:32 PM

رد: كيف أعطيها الدواء

بليز شباب لو احد في الامارات ويقدر يتكفل بالقطوة ياخذها من الشارع تكفون او يوديها جمعية:(

كيوت..

02-12-2013 12:43 PM

رد: كيف أعطيها الدواء

اقتباس:

المشاركة الأصلية كتبت بواسطة بسبس مياو (المشاركة 3001048)

رميتيها في الشارع!!!!!!! يعني القطوة لسه حيه
مافي شي اقدر اقوله غير حسبي الله

لا تتحسبين على آتحسبي على الاشخاص اللي يشترون الكائنات الحية ويحبسونها و الإنسان غصب يربيها ويشترون روح بفلوس ...

كيوت..

02-12-2013 12:45 PM

رد: كيف أعطيها الدواء

لو سمحتو ممكن تغلقون الموضوع...:)

فاتـــو

02-12-2013 03:18 PM

رد: كيف أعطيها الدواء

يغلق بطلب من صاحبة الموضوع ..

جميع الأوقات بتوقيت GMT +3. الساعة الآن 05:24 PM.