أشتريت درة هنديه عمرها 6 أشهر ، كيف اعتني فيها
 

السلام عليكم ورحمة الله وبركاته

اشتريت اليوم دره هنديه عمرها 6 أشهر ووديتها للبيطري وأعطاني شيئين
Multivitamins و سبكتين ، يقول 4 نقط بالماء يومياً ، هل احطهم جميع عادي ؟

وانا شريتها من محل ويقول البائع ان صاحبها الاول كانت عنده أليفه بس قص جنحانها وتركها وتوحشت
وتوليفها سهل

وأشوفها بس متعلقه بالقفص ولا تعض بس تهرب اذا أحد قرب منها
كيف اوالفها بطريقه سهله

ومتى راح تتعلم الكلام ؟ واذا كل يوم أكلمها وهي غير أليفه تتكلم ؟

وأفضل مكان احطها فيه عالي ؟ لاني حاطتها بالأرض

وشكراً لكم

رد: أشتريت درة هنديه عمرها 6 أشهر ، كيف اعتني فيها
 

لاحظت ان فيه فراغ من عيونها إلى منقارها ، هل هذا شي طبيعي ولا مشكله ؟!

رد: أشتريت درة هنديه عمرها 6 أشهر ، كيف اعتني فيها
 

حاول تتجنب الأدويه بشكل عام لأن من تجربه ...البياطره عندنا داجين ...اذا صحته زينه خله ....
وبالنسبه لتوليف الدره يحتاج له صبر وأنتبه من عضتها لأنها تعض عض اقشر تقطع الجلد ...
وانا جربت الدره وجربت غيرها ....الدره لم أتحمل العض فبعتها من أول سبوع شريته فيه ...

رد: أشتريت درة هنديه عمرها 6 أشهر ، كيف اعتني فيها
 

طيب فيتامينات تضر ؟

اليوم طلعتها من القفص ويوم جيت برجعها كانت تهرب بس يوم جيت بمسكها قامت تصارخ
بس م تحاول تعض ، وانا م تجرأت امسكها لان كثير يشكون من عضتها ، ولا أبي أجرب
ان شاء الله م تعرف العض لاني حبيتها ، وصعبه اذا بعتها أشتري غيرها

رد: أشتريت درة هنديه عمرها 6 أشهر ، كيف اعتني فيها
 

أنا صار نظامي مع الفروخ اشتري لها حب بلجيكي وانقليزي تلقى مخلوط فيها فواكه مجففه ولا أعطيها فيتامينات ومن عقبها ارتحت من مشاكل الامراض ...
الدره عموما أقل تقبلا للتدريب من غيرها وخصوصا اذا عمرها فوق السنه ....
يبغالك يوميا تقعد معه أطول مده ممكنه وتعوده على اللمس ...
وعشان تتجنب العض أشتر قفازات قماش سميك وأمسك فيها يوميا ...
والي خلاني ابيعها زود على العض أنها ليست بطلاقة الكاسكو والأمازوني في الكلام ....
وترى التدريب والتعليم مهما قالولك في المنتدى ماله طريقه معينه ...
كل واحد وأسلوبه وكل طير وشخصيته ....

رد: أشتريت درة هنديه عمرها 6 أشهر ، كيف اعتني فيها
 

جزاك الله كل خير

أجل على دربي اشتري قفازات وحب بلجيكي واترك الأدوية
انا اجلس معها كثير وحتى مكانها بين الغرف تشوف الي يدخل والي يطلع
واليوم م تخاف الا للي يلمس القفص وحاولت امسكها داخل القفص بس تصارخ
م اشتريتها الا لاني مابي أخسر آلاف ولا عمري ربيت طير ، ببتدي فيها واذا عرفت لها ف انا استاهل امازوني :D
شفت مقاطع كثيره باليوتيوب وراح اطبقها عليها ،

طيب الأكل اتركه عندها 24 ساعه ؟

رد: أشتريت درة هنديه عمرها 6 أشهر ، كيف اعتني فيها
 

الأكل لا تكثر له بزياده ..
لأنك اذا مليته لها وشبع الطير احيانا ينبسط ويقعد يلعب فيه وينثره :angry: زي الشله الي عندي الله يجزاهم خير لين شبعوا لعبوا فيه:12: ...
مع الايام راح تعرف حاجته ...و
انا ماحط له الأكل الا مره في اليوم ولا أملاه
والمويه أهم شي المويه دايم حاول تخليها نظيفه لأنها هي مصدر الأمراض هي والبرد ....
والجو العام لازم يكون معتدل لابارد ولاحار ;)...
.درجة حرارة 25 زين وابعده عن وجه المكيف ...
والطير اذا مرض يوووضح عليه تلقاه دايم تحت في القفص وكاش ولاياكل ذاك الوقت وده للبياطره الي غالبا حيخلصوا عليه :wao: زي الي كان عندي :(

رد: أشتريت درة هنديه عمرها 6 أشهر ، كيف اعتني فيها
 

الله يعطيك العافيه

مابعد صارت تمون عشان تنثره ، تأكل وتقشر الحب بنفس الصحن :D
المويه نظيفه واغيره كل يوم ، وأكلها حب دوار الشمس وواحد مخلوط بذور صغيره وفيه قطع ملونه
ماحطها بغرفه فيها مكيف ، لان الجو بدأ يبرد .
انا ماودي أشوفها مريضه ثم أروح أدور لها علاج ، لان مشكلتنا البياطره نبي الوقايه
اليوم مسكتها وَ تصارخ وتعض ، م تركتها الا يوم وقفت صراخ ، بس م ادري مسكتي لها غلط او لا
لان ريشها خرب م صار أملس ،ومن أمس ألاحظ أطراف ريشها متقطع
هل اقدر اعالجه بالاكل ؟ لاني تركت الأدوية

رد: أشتريت درة هنديه عمرها 6 أشهر ، كيف اعتني فيها
 

الدره يبيلها صبر طوووويل اهي بطبعها عنيده وعندها غباء اجتماعي

يعني يبيلها وقت عشان تفهم انك تحبها وماراح تؤذيها

وانتبه من عضتها ترا قويه واذا عضت ما تفك اللين تطلع الدم بعكس الكاسكو اللي عضته خفيفه ويفك بسرعه لانه ذكي يدري ان العضه تؤذيك وإهو مايبي يعورك بس من الخوف يعض

على العموم الدره حلوه اذا اللفت وحبت صاحبها لعوبه ومسليه جدا


اتمنالك التوفيق اخوي




تحياتي للجميع

رد: أشتريت درة هنديه عمرها 6 أشهر ، كيف اعتني فيها
 

الله يجزاك كل خير

انا قريت عنها قبل م أشتريها ، شريتها عشان م اخسرها بسعرها وهي اول طير عندي
وبالنسبة للعضه امس سوت لي ذكريات على يديني :D
شكرًا لك

رد: أشتريت درة هنديه عمرها 6 أشهر ، كيف اعتني فيها
 

بغيت أسألكم هل اروضها الآن وهي لها 3 ايام عندي ولا أصبر كم يوم !
وكم ساعه ادربها باليوم ؟!

رد: أشتريت درة هنديه عمرها 6 أشهر ، كيف اعتني فيها
 

تقريبا ١ ونص. علشان ما تتعب.

واصبري عليها علشان تتعود عليكي وعلي المحيط

رد: أشتريت درة هنديه عمرها 6 أشهر ، كيف اعتني فيها
 

أفضل تدريبها بشكل يومي ...
.والريش طبيعي مع كثرة التدريب ينعدم ...
والدره يبيلها صبر ولاهي سالفة أسبوع والا سبوعين يمكن تطول ...
في ناس تفضل استخدام المناشف للترويض يلف الطير عشان يتلافى العض ....
وعدد الساعات ساعه الى ساعتين كافي جدا ...

رد: أشتريت درة هنديه عمرها 6 أشهر ، كيف اعتني فيها
 

أشكركم ، م قصرتوا معي ، الله يسعدكم

اليوم جيت أعطيها حب دوار الشمس من يدي من دون م اجوعها
اول شي أكلت حبتين ثم عضت إصبعي خفيف ثم شوي شوي تقوي عضتها يعني مو بسرعه عضه قويه
وبعدها وقفت عض للي تشوف معه أكل ، تأكل من يدين كل العائله ولا تعض
والآن م صارت تخاف الا للي يحاول يلمسها ، هل فيه أمل تتوالف معي بسرعه ؟ لان سابقاً كانت أليفه

ولها يومين تسوي هالحركه وهذا الصوت م اعرف وش السبب :(
http://youtu.be/Fs8qjWuejqY
وأعذروني على أسئلتي الي اعرفه بالطيور انها تأكل وتشرب :D

رد: أشتريت درة هنديه عمرها 6 أشهر ، كيف اعتني فيها
 

رد: أشتريت درة هنديه عمرها 6 أشهر ، كيف اعتني فيها
 

الله يجزاك كل خير
اتوقع يبيلها كم يوم من دون م اغصبها على شي ، لان كل يوم احسها تفرق عن امس ويخف خوفها
بس بعطيها مهله يومين ثم بحاول معها وان شاء الله تتوالف بسرعه
الله يبارك فيك ، شكرا لك