|
البادجي مالي يرتجف
السلام عليكم
عندي بادجي تقريباً من امس بدا الارتجاف يرتجف وبس ابغي استفسر كيف احطيهم اكل غير اكلهم الحبوب مثلا ابغي اعطيهم خس كيف اعطيهم احطه في القفص ولا في الماء ولا امسكه في يدي واخليهم ياكلون والصمون عادي احطه في الماء ويوم اعطيهم تفاح وجزر مطحون مايكلون ليش وشكرا... |
رد: البادجي مالي يرتجف
وعليكم السلام ورحمة الله
اخي الكريم ايش الاسباب ..تعرض لتيارهوى او نقلته من مكان حار الى بارد او حممته وتركته عند المكيف هل فيه اسهال هل تحسه ماهو طبيعي او عنده تصرفات غير اراديه بخصوص الاكل والوجبات الخس والجرجير والملفوف والخيار ..طبعاً بعد غسلها وتكون طازجه..تعلقها في القفص وبللها مويه شوي وعطش الطيور عشان ياكلون منها .اذا مايحبونها ومع التكرار سوفى يرغبونها خبزالصامولي نعم تبلله مويه وتقدمه ورش عليه شويت حبوب عشان تاكل منه الطيور التفاح والجزر ..تقدر تبشره وتخلطه مع الوجبات مره جزر ومره تفاح مع وجبة البيض المسلوق او القمح المسلوق او الرز المسلوق ملاحظـــــــــــــــة :: اذا الطيور فيها اسهال ممنوع الخضار موفـــــــــــــــق |
رد: البادجي مالي يرتجف
لا أختي نفس المكان ولاكن فيها أسهال
وما حممتهم لا طبيعي ماشاءالله عليه وتسلمين على الرد وان شاء الله من يروح الاسهال بعطيهم الخضروات |
رد: البادجي مالي يرتجف
سلامته مايشوف شر
اعطيه خلطة الثوم والليمون فص ثوم مهروس +عصير نصف ليمونه +3اكواب ماء وبعدين نصفيه ونضعه في المشربيه ونتركه 5ساعات وبعدين تستبدله بماء عادي وكل يوم تعمل خلطه جديده لمدة 5ايام واهتم باالنظافه ووفر الجو المناسب ليس حار وليس بارد معتدل موفـــــــــــــــــــق |
رد: البادجي مالي يرتجف
مارايكم في مكان البادجي
http://www10.0zz0.com/2013/09/20/10/676227367.jpg كنت حاط القفص برع والصراحة شفتهم تعبو والحرارة تعرفون كيف مرتفعه في الامارات وقلت بحطيهم داخل وفكرت ماشي مكان وبعدين حصلت مكان آخر فوق عند الدريشة شو رايكم في المكان حسيتهم ارتاحو قبل برع كان كله خمول يوم يبتهم داخل اشوفهم ارتاحو ولاكن مادري شو سبب تقريباً بس الظهر يتنفسون بسرعة وحتى كان برع نفس السبب وفي بعد خمول داخل http://www10.0zz0.com/2013/09/20/10/944366926.jpg http://www10.0zz0.com/2013/09/20/10/909971957.jpg صور البادجي قبل انا حطيت موضوع حصلت رد لازم اغير الانثى واييب اكبر ولاكن انا مب مستعيل على البيض اذا خليتهم تقريبا بعد شهرين او ثلالث شهور تقريبا عادي بيزوجون يعني الانثى صغيرة والذكر كبير |
رد: البادجي مالي يرتجف
وبعد يوم حطيتهم فوق ليش ماسمع منهم اصواتهم الرائعة بس يوم كانو برع اسمعهم
|
رد: البادجي مالي يرتجف
ماشاء الله
المكان مناسب ان شاء الله لكن لايكون التكييف مباشر على الطيور والحبوب ضعها في الاناء الخاص مثل الي تضع فيه الماء ..لان في الارضيه يتعرض الحبوب للاتساخ بفضلات الطيور وبعدين الطيور تاكل منها وتصاب باالامراض والبياضه ...الافضل تكون في خارج القفص وبخصوص الانثى ..المشكله انها صغيره والذكربالغ والافضل ان تحضر للذكر انثى بالغه افضل اخي الكريم وبخصوص الارتجاف نوع لهم الغذاء وعظمة الحبار والفيتامينات مثل بيبي فيت والخضار والفواكه وخلطة الثوم والليمون اعطي الطيور لمدة 3ايام واتركها في المشربيه لمدة 5ساعات وبعدين بدلها بماء عادي وبعدين اعطي الطيور الخلطة موتين في الشهر موفق |
رد: البادجي مالي يرتجف
اقتباس:
مشكلة عندنا الجو وايد وايد حار وفي على يمين القفص باب نسميه باب الصطح لمسته وايد وايد حار لانه اعتقد بعد الباب الامنيوم يعني ماتقدر تلمس يدك اكثر عن 10 ثواني قلت سبحان الله بجرب بوديهم شوي تحت يعني تحت ولاكن مقابل هالجامة الي في الصورة ولاكن تحت شفت بعد يتنفسون بسرعة بس اختي ابيج تفيديني اذا هالمكان مب مناسب لهم يعني حار مشكلة التنفس تخص الحرارة ولالا لازم اعطيهم الي ذكرتي في اخر ردج عندي مكانين آخرين في مكان يعني بيشوفون الشمس عند الباب بس مقابلنهم مكيف وعلى يمين الباب شي مكان مصكر يعني حقهم مناسب هو دافي شو رايكم اصورلكم المكان ولاكن مقابل المكان غرفت الخادمة اخاف ينزعجون بس مابيشوفون الشمس الا ضل الشمس وتقريباً من بعيد بيشوفون الشمس بس المكان دافي وباجر بسير اشوف المكان اذا مافي برودة وحرارة وارجو منكم الافادة وآختي ارجو منج تساعديني لانه والله لو تعرفين كيف افكر فيهم ووايد اعشقهم واتمنى يعيشون سألمين ومايتأذون من شي وآختي بخصوص اعمارهم يعني اختي اذا الانثى بلغت مستحيل يتزاوجون لذا مستحيل بشتري حق الذكر انثى وأختي والله انج ماقصرتي معاي الله يزاج خير دنيا وآخرة |
رد: البادجي مالي يرتجف
اخي الكريــــــــم
الارتجاف يمكن بسبب نقص الفيتامينات والمعادن وكذلك الحراره اما الحر البادجي يفتح جناحيه لو احس باالحر عشان يوازن الحراره في الجسم .... بخصوص المكان ..انت اخي تحدد عشان انت تكون في المكان وتعرف درجة الحراره ..اذا المكان بارد او حار ...خلي القفص في مكان متوسط الحراره ليس بارد وليس حار ولا تضعهم عند الخادمه ..قد تزعجهم ..وكذلك لاتضعهم في مكان تكثر فيه الحركه وتكون الاضائه فيه دائماً...خلي الطيور يصحون على ضؤ الشمس وينامون عند الغروب ...افضل شيء ..وخلي عندهم اضائه خافته انا مقدره مدى حبك واهتمامك بطيورك وان شاء الله افيدك باالي ادر عليه بخصوص انهم يتزاوجون فيمابعد عند البلوغ....يحدث تزاوج ولكن نحن نخاف من ان يحدث تزاوج والانثى صغيره في مراحل متقدمه ويحدث احتباس بيضه ومشاكل للانثى لذلك ننصح ان يكون الطيور بعمر بعض او متقاربين في السن موفق لكل خير |
رد: البادجي مالي يرتجف
اقتباس:
بس عندي سأل قبل طرشت صور البادجي مالي بس اذا بتفيدوني ابغي اعرف شو نوع البادجي استرالي ولا هولني ولا شنو عشان بدور محل ثاني اذا ماحصلت بسير نفس المحل وبعد قلت بقولكم عادي اشتري بادجي لون ابيض ذكر حق الانثى او انثى حق الذكر وشو تفضلوني اشتري الالوان واذا خذيت لون ابيض كيف اعرف هذا انثى او ذكر وشو تنصحيني اختي اخذ بس انثى كبيرة حق الذكر بدون ذكر حق الانثى الصغيرة ولا اخذ ذكر ولا انثى وعندي مشكلة اتمنى تفيديني مشكلة عندي قفص واحد الي في الصورة عادي احطهم كلهم في القفص وبيعرفون بعض الذكر بيعرف حق الانثى الكبيرة اخاف يستوي العكس الذكر الكبير يزوج الانثى الصغيرة والذكر الصغير يزوج الانثى الكبيرة ولا عادي أطمن انه الصغار روحهم والكبار روهم يعني الكبير مابيروح عن الصغير وشو رايكم في القفص اوكي حق التزاوج وآختي نسيت اخبرج انا منصدم شفت وايدين حاطين الصندوق خارج القفص كيف الطريقة وعادي انا حاط داخل القفص وانا قلت بحل مشكلة المكان وكل شي بفكر في الصندوق وان شاء الله باجر بصور البادجي الذكر والانثى من الكاميرا عشان يطلع واضح من ورا وقدام اباج تشوفين كم عمرهم عشان بسير المحل شو تنصحيني اقوله الانثى حق الذكر العمر مثلاً قلتي باجر يوم بتشوفين الصورة مثلا عمر الذكر 6 بقوله يب انثى عمرها 5 اشهر ولا 6 اشهر |
رد: البادجي مالي يرتجف
الطائر الاخضر الباندد صغير باالعمر
بحدود 2اى 3اشهر ويمكن يتغير الكير بعدين لانه صعب تحديد الجنس بهذا العمر لكن مبدئياً نقول انثى صغيره اشتري ذكر بعمر 4اشهر او3اشهرويكون اكبر من حجم الانثى والذكر البالغ اشتري انثى يكون لون الكير بني بدرجاته او سكري او ابيض بعمر 7او8اشهر ويكون حجمها اصغر من حجم الذكر لان اانثى لاترضى باالذكر اصغر منها باالحجم النوع استرالي او هولندي عادي بخصوص الطائر الابيض (الالبينو) يكون لون الكير بااللون الوردي والانثى الكير يكون بني او سكري او ابيض انا انصحك ان تختار الطيور عند المحل وتصورها وترسلها للمنتدى لكي نحددلك البلوغ والجاهزيه وهل مناسبين ولالا عشان مايخدعونك التجار وترجع الطيور القفص حجمه مناسب ولكن الافضل تفصل الطيور عن بعض كل جوز بقفص واجعلهم باالقرب من بعض والبياضه تركبها بمساميرخاصه او بي اي شيءثبتها باالقفص بعد ما تفتح فتحه باالقفص بحجم فتحة البياضه وتثبته ..اوخلينجا يفتحها لك ويثبت البياضه باالقفص موفق |
رد: البادجي مالي يرتجف
اقتباس:
وأختي عادي الصندوق يكون في القفص مب برع وان شاء الله الحين مايل بعدين بخلي سيدا والحبوب الخاص مالهم شو تفضلين المخلوط ولا العادي |
رد: البادجي مالي يرتجف
وآختي بس بغيت اعرف كم اسعار البادجي عندكم في المملكة ؟
وانا مستغرب لانه قريت الاسعار في المنتدى في الحبة من 100 الي 150 جي تقريبا نحنا عندنا مادري انا منصدم الحمدلله رخيص من 25 الى 50 الحبه |
رد: البادجي مالي يرتجف
البياضه اخي افاضل
تكون خارج اقفص عشان لما تضع الانثى البيض وتخرج الفراخ تستطيع مراقبة الطيور وتنظيف البياضه بسهوله ولكن بداخل البياضه صعب التنظيف بخصوص الاسعار تختلف من منطقه لاخرى توجد مناطق الجوز ب 300ريال ومناطق اسعارهم بحدود 150 وتختلف الاسعار حسب النوع والجنس والبلوغ والجاهزيه ومعه فراخ او بيض الاسعار عندنا مرتفعه .. يعطيك العافيه |
رد: البادجي مالي يرتجف
أختي اليوم حطيتلهم خلطة جزر وجرجير وبربير وحطيت في الماء زيت والزيتون هل الزيت والزيتون في الماء زين حقهم عشان مايلهم اسهال او يتخلص من الاسهال
|
رد: البادجي مالي يرتجف
اخي الكريم
زيت الزيتون ..مره في ا لشهرا لاتكثر واضيفه كم نقطه على الوجبات لانه مفيد في الامساك والاسهال موفق |
رد: البادجي مالي يرتجف
أختي والجزر والجرجير لازم كم ساعة احطي عندهم بعدين اشيله
|
رد: البادجي مالي يرتجف
المده من 3الى 4ساعات
وكذلك باقي الوجبات موفق |
رد: البادجي مالي يرتجف
وأختي كيف اعودهم يسبحون يعني انا مابا كل مرة اشيلهم واسبحهم لانه انا من اشتريتهم ماسبحتهم كيف اعودهم وشو لازم اييبلهم
|
رد: البادجي مالي يرتجف
اخي الكريم
الاستحمام اما بوضع طبق فيه ماء وتضعه في القفص او بخاخ (سبراي)تبخ على الطيور نصائح للاستحمام الصحي : 1 - لا تستخدم ماء شديد البرودة أو شديد الحرارة . 2 - لا تحمم طائرك في أثناء خروجه من غرفة مكيفة إلى غرفه دافئه . 3 - قبل استحمام الطيور يجب اغلاق التكييف والمروحه والنافذه . 4 - احذر من استخدام المجفف لتجفيف ريش طائرك لأنه قد يتسبب في تشوهات خطيرة على ريشه . 5 - لا تحمم طائرك أبدً وهو مريض أو ضعيف . 6 ــ اعطاء الطيور خلطة العسل مع الليمون لانها تدفىء الجسم ...ملعقة عسل صغيره (عسل ابيض او عادي) +5نقط عصير ليمون على المشربيه الصغيره.بعد الاستحمام 7 - لا تجبر الطائر أبداً على الاستحمام حتى لايكره الاستحمام ضع الماء عنده وضع فيه اوراق خس او جرجير حتى تجذب الطيور اليه ومع التكرار سوفى تتقبل الطيور الاحمر . 9 - لا تترك الطائر بمفرده أثناء الاستحمام ولايكون الاناء عميق جداً حتى لاتغرق الطيور. 10 -الاستحمام يكون مره كل اسبوع او اسبوعين ...اما في حالات الحر وعدم وجود تكييف ..مره في اليوم.. 11 - لا تترك أرضية القفص مبتلة بل قم باستبدال أوراق الأرضية بمجرد الانتهاء من الاستحمام لأن الأرضية المبتلة والمختلطة بفضلات الطيور تسبب أمراض خطيرة للطيور . 12 - لا تترك حوض الاستحمام مدة طويلة في القفص لأن الفضلات قد تتساقط بداخله والطائر قد يشرب منه بل ارفعه بمجرد الانتهاء من الاستحمام . |
| جميع الأوقات بتوقيت GMT +3. الساعة الآن 10:24 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو