|
اخ جديد عندنا في البيت
السلام عليكم اخواني
كيفكم ان شاء الله بخير كوكاتو تريتون ضيف جديد عندي بالبيت وحاب اسمع نصائحكم ما انه جديد بالبيت وهل طريقة التعامل معه مثله مثل الكاسكو ؟؟ بالنسبة للكوكاتو اليف ماشاء الله ويطلع على اليد مع اني ماحاولت لين اللحين .. وسؤال عندي بالنسبة للنوم هل في مشكلة لو اخليه ينام معي بالغرفة ؟ الغرفة مساحتها 6 * 5 وباردة نوعا ما بس راح احطه فوق طاوله مرتفعه وبجهة الدزيشة ؟ وش رايكم ؟ حاب اسمع نصائحكم الله يعافيكم والله يكتب لنا وياكم التوفيق .. |
رد: اخ جديد عندنا في البيت
وعليكم السلام أهلا اخوي ..
شخصية ببغاء الكوكاتو هي شخصيه مرحه وتحب اللعب والرقص والحركه خصوصا اذا كان أليف مثل اللي عندك.. فحاول قدر المستطاع توفير له مساحه جيده للتحرك واللعب في القفص.. حافظ عليه من التيارات الهوائيه البارده.. والافضل تحطه في غرفة درجة حرارتها معتدله اي ما حول ال28-30 مئويه. بالتوفيق أخوك رمزي |
رد: اخ جديد عندنا في البيت
الصراحة تتعبر من الطيور الجميلة و السهلة في التدريب مثل الكاسكو و لها عدة انواع في استراليا و اندوسيا و غيرها
|
رد: اخ جديد عندنا في البيت
اقتباس:
حاليا هو بالقفص من ناحيه مسح الحمدلله واللمس الحمدلله اقدر المس اي منطقه فيه بس فيه شوية خوف اتوقع عشان المكان جديد عليه بالنسبة للمكان القفص مو مره كبير بس عندي ستاند وان شاء الله على بكرا اول مااطلعه على يدي وبعد ما اتمشى فيه بالبيت وامسح عليه راح احطه على الستاند واول مايوقف عليه راح احاول ارجعه على يدي كتدريب انه يطلع علي يدي منه وينزل عليه ،، بس مشكلتي الخوف ماادري كيف اتخلص منها !!! حاليا هو عندي بالغرفه والمكيف شغال وحاطه على طاوله مرتفعه وجنب النافذه !! هل تشوف هذا جيد ؟؟ واسف على الاطالة : بس سؤال ببالي هو عنده كم كلمه وماسمعت شي الى الان بس بالنسبه للتصفير هل يصفر او لا !؟ لان كثير يقولون الكوكاتو مايصفر ! الف شكر لك ولمرورك الرائع والتجاوب منك والله يكتب لك التوفيق :) |
رد: اخ جديد عندنا في البيت
اقتباس:
ان شاء الله يكون سهل شكرا على مرورك اللطيف بالتوفيق |
رد: اخ جديد عندنا في البيت
مبروك الطير
واهتم فيه والله يبارك لك فيه بعدد ريشه اخي الفاضل نصيحتان مهمين مع الكوكاتو اولا لا تضعه في غرفتك لانه هو و الببغاء الافريقي اكثر الطيور الذي يصدر منها زغب وقشر من الريش وبالتالي ممكن تأثر على صحتك ثانيا ضع الطير اغلب الوقت على استاند و وقت النوم بالقفص لان هذه الطيور تعتبر حركيه اكثر من انها كلاميه وفر لها الاغصان والالعاب ثالثا هذه مو نصيحه تحذير بسيط بس لا تحاول تستفز الطير او تخوفه او تجعله يكرهك لان عضته صعبه جدا فوق ما تتخيل خلي العلاقه بينكم حلوه والله يبارك لك فيه |
رد: اخ جديد عندنا في البيت
اقتباس:
لذالك يفضــل تحطه باكثــر مكان يتواجدون فيه الاهـل لانه يحب الرقص واللعب وكثيــر الحركه وايضا حاول تبعده قدر الإمكان عن النافذه عشان تتفادى التيارات الهوائيه المتغيره ويمكـن لا قدر الله تأثر على الطيـر واللهـ يبـــــــــارك لك بطيــرك بعـدد ريشهـ |
رد: اخ جديد عندنا في البيت
مبروك عليك الطير
واذا غرفتك بارده مايصلح تنومه فيها |
رد: اخ جديد عندنا في البيت
كما تفضلو الاخوه مشكورين..
الافضل وضعه على ستاند وابعده عن التكييف... وموضوع الخوف انشالله سوف يزول مع الوقت لان الببغاء جديد. بالتوفيق أخوك رمزي |
رد: اخ جديد عندنا في البيت
اقتباس:
لا ان شاء الله ماراح استفزه عموما انا حذر منه بكل الاحوال الله يعطيك العافيه على الرد والمرور الجميل بالتوفيق لك[/COLOR] |
رد: اخ جديد عندنا في البيت
اقتباس:
ويعطيك العافيه على النصائح وشاكر لك ولمرورك الجميل |
رد: اخ جديد عندنا في البيت
اقتباس:
الله يبارك فيك ويجزاك الله الف خير يعطيك العافيه اخوي على النصيحه وشاكر لك مرورك اللطيف :) بالتوفيق |
رد: اخ جديد عندنا في البيت
اقتباس:
الحمدلله حاليا يطلع على يدي بس في البداية يرفض لين مايطلع الف شكر لك ،، اخوي عندي سؤال بالنسبه للريش فيه تساقط منه ووودي اشتري فتامينات للريش وللجسم عموما بحيث اعطيه يوميا يعني شي مفيد له .. واذا تقدر برضوا اي ادوية تنصحني فيها اكون شاكر لك.. بالنسبة للاكل اعطيه حاليا خلطه بلجيكيه !. وش رايك ؟؟ |
رد: اخ جديد عندنا في البيت
اذا قصدك عن ريش الزغب(الريش القطني) فهذا طبيعي في الكاسكو والكوكاتو يستاقط بكثره.
بعد فتره اهتم في مسألة الترويش والتشميس عشان يخف ريش الزغب المتساقط. بالنسبه للفيتامينات.. اتفضل هذا الموضوع رح يفيدك:- http://www.2zoo.com/vb/showthread.php?t=319697 تقبل مروري اخوك رمزي |
رد: اخ جديد عندنا في البيت
اقتباس:
هنا صور له يمكن تفيد ولو بالقليل لايضاح الامر وشكرا لك ولمرورك الجميل http://im35.gulfup.com/DN3Is.jpg http://im35.gulfup.com/QPKf4.jpg http://im35.gulfup.com/b0SAl.jpg |
رد: اخ جديد عندنا في البيت
حاليا اخواني اسمع كلمات وتمتمه ؟؟ وصوت نفس التبويس او شي قريب منه :)
بس ماادري وش بالضبط !! هو عندي بالغرفة حاطه لان مافي احد بالبيت |
رد: اخ جديد عندنا في البيت
نعم اخي هذا ريش الزغب وهو ريش قطني يشبه القطن وخفيف جدا وسريع التطاير.. شئ طبيعي يا غالي لا تقلق.
بالنسبه للتمتمه شئ ممتاز ماشالله وانشالله بس يتعود على البيت وعلى الجو الجديد رح تبدأ تسمع اصواته واذا يتكلم او لأ بالتوفيق أخوك رمزي |
رد: اخ جديد عندنا في البيت
اقتباس:
والرد المثلج للصدر ،، اليوم ان شاء الله راح احاول اذا لقيت وقت اشتري اللعاب له واسوي له مكان غير القفص يلعب فيه.. وراح اشوف الفيتامينات الف شكر لك |
رد: اخ جديد عندنا في البيت
ممتاز جداً.. ربنا يبارك لك يا غالي
بالتوفيق أخوك رمزي |
رد: اخ جديد عندنا في البيت
الكوكاتو يحتاج وقت حتى يتأقلم على صاحبه الجديد
الايام الاولى تحصله يتردد معك ويخاف بس بعدين بيتعلق فيك ان شاء الله مايكون عنده صراخ هههههههه لان مشكلة الصراخ هذي بصراحه خلتني ابيع الكوكاتو حقي |
رد: اخ جديد عندنا في البيت
اقتباس:
اللحين هو بس معاي يعني يطلع على يدي وياكل من يدي واحطه اوقات على الستاند ويجي اوقات يطلع على يدي لا رحت له واوقات يرفض تحس ينزل راسه ماوده يطلع . بس مع غيري مره مايبي احد لدرجه جالس عند التلفزيون وهو على يدي وامسح عليه وعندي ولد اختي صغير تخيل نزل من يدي وقعد يلحقه مستغرب الليف معاي ومع غيري لا ؟؟ يعني مسأله وقت بحيث اي احد يقدر يلمسه !!او يلعب معاه ؟؟ بالنسبة للصراخ ماسمعت الا تمتمه بسيطه بس لاتصفير ولا غيره !! مشكور اخوي على التجاوب معي وبالتوفيق |
رد: اخ جديد عندنا في البيت
يااخوان انا شريت امينو فيت
علبة خضرا صغيره استخدامها لمده 5 او 7 ايام متتالية 5 او 6 قطرات في الماء !! وش رايكم .. !! بالتوفيق |
رد: اخ جديد عندنا في البيت
الله يبارك لك فيه
الكوكاتو طير يحتاج مساحه مساحه مساحه مثل المكاو ويحتاج ألعاب ويحتاج يلعب وإلا تحمل الصراخ المزعج جدا جدا اخوي فهد انتبه على الاطفال من الكوكاتو لأن عضة الكوكاتو قوية جدا جدا جدا وألمها مبكي |
رد: اخ جديد عندنا في البيت
اقتباس:
الطير تقدر تقول بغرفتي طول الوقت وله مساحه وشريت اللعاب له واليوم شريت له غير الكالسيوم مجثم يتعلق عليه غير الستاند.. الحمدلله الى الان الطير ما شاء الله من ناحية لمس وطلوع على اليد بس مشكلته اي احد يشوفه يوقف عرفه ويبخ عليه ماابيه كذا ابيه الليف معاهم ؟؟ يعني مثل اخواني حاليا له 3 ايام ؟؟ |
رد: اخ جديد عندنا في البيت
اخواني بالنسبة لتعليم الكوكاتو الرقص هو عنده حركة وحده يرفع راسه وينزله بشكل مستمر لدرجه من كثر ماارقص معاه طلعت لي عضلات برقبتي ورجولي
اقدر اعلمه شكل ثاني بحيث يحرك راسه من جهة اليمين الي اليسار ؟ ولو اقدر يرفع اجنحته معاها بنفس الوقت ؟! |
رد: اخ جديد عندنا في البيت
كل هذا واكثر تقدر تسويه بالكليكر .. ابحث باليوتيوب وتحصل شروحات فيديو تعلمك!
بالنسبه لاخوانك خلهم يتجاهلون اي شي يجي منه ولا كأنه صار وخل الطير يشوف الاهل ويتعود عليهم لان مثل ما عرفت ان الطير عندك على طول فلو دخل احد ينظر له كغريب تلقى الطير مستغرب ف يهاجم وممكن يهاجمك انت بعد لو قربت له وفي احد معاك خله يتعود عليهم فتره وبعدين خل اخوانك يعطونه فول سوداني مثلا من ايدهم بيفهم انهم يحبونه ما يبون يضرونه |
| جميع الأوقات بتوقيت GMT +3. الساعة الآن 06:49 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو