|
مزاج الكاسكو .. ؟
السلام عليكم
اخوان احب اسالكم عن مزاج الكاسكو ... الطير كنت اشيله عادي ويصعد عالايد ... حاليا مزاجه يحب القفص اكثر ولا يبي يقرب من ايدي حاولت امنعه من الاكل ... يوم يشوف الاكل بيدي يقرب مني لكن ما عطيته الا لما صعد على ايدي نجحت الطريقة لكن بالمرة الثانية .. يبي الاكل وما يبي يصعد على ايدي , يعني يعاند . افتحله الستاند الي فوق القفص لكنه ما يصعد الا قليل ومن اقرب واحاول اشيله ينزل القفص .. سلوكياته مزاجية فعلا ! .. اي اقتراحات بارك الله فيكم . ؟ |
رد: مزاج الكاسكو .. ؟
انا ببغائي نفس مواصفات ببغائك بالتماااام..
هذه مشكلة الكاسكو المزاجيه !! أخوي ببغائك متعلق بقفصه كثيراً.. أنصحك بوضعه على الستاند الخاص بالببغاءات طول اليوم وتدريبه جيدا على الصعود على اليد..وما ترجعه عالقفص الا وقت النوم.. هذا افضل حل لتدريب الببغاء.. كل التوفيق |
رد: مزاج الكاسكو .. ؟
القفص اللي فيه كبير و متعلق فيه بشكل رهيب !
ان شاء الله بعزله عنه وبحطه بالستاند .. إن شاء الله مافي ردود سلبية مثل انه يتحبط ويخمل او يجعر ويعض |
رد: مزاج الكاسكو .. ؟
اخواني الافاضل
في العاده مزاج الكاسكو معتدل وما يطرأ عليه من تغيرات تكون نتيجة لما احس به او من خلال مراقبته للمربي الطيور المزاجيه هي الامازونيات ولكن ما يصيب الكاسكو فهذا بسبب ذكاءه الذي قدره المحترفين والباحثين انه يوازي طفل في عمر الخامسه فمثلا انت كمربي له اذا صوتك علي او عصبت في البيت على احد الافراد او الاشخاص يقوم الكاسكو بالحكم على تصرفاتك ويحاول يحترس منك وبالتالي نحن نستغرب ليش ما يجي مثل قبل او صار يخاف هذا هو الاسطوره الببغاء الرمادي الافريقي الذي يقيس مدى انفعالات الانسان ويترجمها ويترقب في كل من حوله ولا يقدم بأي خطوه غير مدروسه اخي الفاضل اغلب طرق تجويع الطير والخ فشلت مع هذا الطائر لانه ممكن يقعد ثلاث ايام من غير ما يأكل طالما انت تشرط الاكل بالصعود عاليد مو مثل الامازوني خلال ساعتين تروضه بالفول السوداني فالكاسكو غير وما اتحفظ عليه من هذا الطائر هو ما يواجهه من مشاكل سوا نتف ريش او مناعه ضعيه فقط وبالتوفيق |
رد: مزاج الكاسكو .. ؟
شكرا لك حبيبنا monybat ما قصرت يا غالي
|
رد: مزاج الكاسكو .. ؟
اضم صوتي الى الاخ monybat
واحب اضيف ان الكاسكو او اي طير يتعود على شيء فهو ينتظر الافضل بينما نجد بعض المربين احيانا يقصر مع طيره وبمجرد يحس الطير بالتقصير تتغير سلوكه الاهمال عدو الافريقي وانا بقول لكم قصة بسيطة حصلت لطيري عندي كاسكو افريقي اليف ومتكلم ومعي بالمجلس على طول يوم من الايام سافرت الى قطر الصبح ورجعت قبل المغرب بعد المغرب اناظر الطير اشوف مافيه ذيل وريش الجناح مقصص قاعدة القفص مليانه ريش مقصص وليس ساقط بنفسه عرفت ان الطير جاته حالة نفسية ونتف ريشه لهذا ننصح دائما عدم اهمال الافريقي لانه مزاجي واجتماعي ولا يحب التقصير تقبل تحياتي ابورضا |
رد: مزاج الكاسكو .. ؟
مشكورين والله .. صراحة استفدت منكم بشغلات جديدة على تجربتي مع الكاسكو
وأكيد أن الاهتمام بالطير بالدرجة الاولى عن تدريبه وتعليمه .. لكم خالص شكري واحترامي |
رد: مزاج الكاسكو .. ؟
حياك الله أخي.. احنا جاهزين انشالله لاي تساؤل
|
رد: مزاج الكاسكو .. ؟
-بالنسبه لمزاج الطير فالبعض ما يتعدل مزاجهم ولو حاولت تدربهم وتدللهم شهور إلى أن يصل الامر للنتف (نفس اللي عندي) حاليا اللي عندي متعلق فيني لكن بوحشيه...يعض ملابسي ويخربها عشان غصب أدلعه ويصدر صوت فيه عناد
-ومثل ما قالوا التجويع مايفيد الطير العنيد او ممكن تكون فايدته مؤقته ويرجع للطبايع السيئه -بالنسبه للاهمال فبعض الطيور من شدة حبها لأهل البيت ما تتأثر بالاهمال (جفت مثال بعيني) وبالعكس يزيد توالفها مع الاهل والغريب بشكل عجيب الفكره هي انك تجرّب الطير شهر او شهرين بالكثير...لو لاحظت تقدّم سريع او معتدل اعرف انه بصير أليف 100% بدون ما يتغيّر عليك لأي ظرف وراح يتوالف مع كل الناس ويريحكم...اذا يتغيّر مزاجه بسرعه وعصبي الافضل تنسى الامر وتبيعه لأن مافي فايده وممكن يتطور الامر الى نتف الريش او الانتحار...هذي نصيحه عن تجربه شخصيه وكذلك قالها لي احد المدربين عن تجارب المشكله انك تشتري الطير وماتعرف ماضيه وايش اللي مر فيه..فممكن يكون حصل معامله ممتازه وتدريبه سهل...وممكن معامله سيئه مما يجعله يعاند البشر طول عمره ): |
رد: مزاج الكاسكو .. ؟
تسلم اخوي على الافادة
حاليا بديت افهمه أكثر .. يبيني بين فترة وفترة مايبي أحد بياخذ راحته بقفصه ! حطيته بالستاند الحمدلله صار يصفر أكثر وكل ما اقرب من القفص يمد نفسه علشان يصعد فوقي بس لاحظته انه يحاول يطير .. لكن لانه جناحه مقصوص يطير ويضرب نفسه بالباب او الطوف !! والله كل خوفي يموت من هل تصرف لانه يسويها بين فترة وفترة ! .. مادري تنصحوني انتف ريشه علشان يطلعله ريش جديد ولا شنو اسويله ؟ |
رد: مزاج الكاسكو .. ؟
بالنسبه للمزاج فأغلبهم يخلونك تمسكهم في مثل هالحالات وانت جوف اللي يناسب طيرك:
لما يكونون نعسانين - بعد ما يطفحون اكل - لما الاضاءه خفيفه - لما يكونون جالسين على رجلك او لما تحضنهم او على الكتف قريب الوجه - لما تكون عندهم حاجه مثل الطعام او الخروج من القفص اكثر اللي دربتهم استغليت وقت النوم والاضاءه خفيفه..كنت احطهم على رجلي يسترخون الاول وعقب أجيب راسهم صوب ملابسي وشوي شوي اقربهم وامسح عليهم...على طول يتخدرون XD البعض كان يفضل يحط راسه عالخد او تحت الرقبه...جوف ايش يفضل ببغاءك بس لا تكثر من هالحركه عشان لا يصير لزقه P: بالنبسه للجناح دام مقصوص already فلا تنتفه عشان هو لا يتعلم وينتف نفسه...مب مشكله لو يطير ويصطدم بس اهم شي لا يطيح من الطابق الثاني مثلا...انا ماعندي طير تضرر من السقوط من الطابق الثاني لأن الجناح ولو مقصوص يخفف من السقوط...فالافضل تتركه مثل ما هو...باذن الله لما يتعود عليك ماراح يسويها ^^ |
رد: مزاج الكاسكو .. ؟
اللي عندي كل اللي ذكرته يخليني اشيله فيهم
ماعدا وقت النوم ماجربت اشيله خوفي اضايقه وقت نومته طبعا هو ينام ويلف راسه برقبته . لكنه جدا حذر لاقل صوت يقوم من نومه نقطه ضعفه صحن الاكل دايما يتلزق فيني يشوف شنو نوع الوجبة اللي بحطه له لاني دايما انوع له يعني تقدر تقول قبل الاكل عادي اشيله , اما لما يكون فيه اكل يتصدا عني ويتسلق القفص لما ابتعد يرجع لاكله ! انا حاليا كل اللي انتظره هو وقت تبديل ريشه علشان يطلعله جديد ويقدر يطير براحته بدون لا يصك الطوف ! تسلملي اخوي والله خبرتك تعلمت منها ما شاء الله عليك :) |
رد: مزاج الكاسكو .. ؟
حلو انه لما ينام يلف راسه..عادة معناه انه يكون متطمن (عكس اللي عندي من 6 شهور وليلحين ما يتطمن يلف راسه)
هاذي علامه زينه ما شاء الله ومعناه الحذر اقل ^^ وصحن الاكل نقطة ضعفهم كلهم وايضا هاذي علامه ممتازه بما انه يدري ان اكله من عندك...وجيّد انه يحب التنويع كم صار له معاك تقريبا؟ بالنسبه لوقت النوم البعض ينصح انك تعلمه التصفير والكلام هالوقت يستقبل احسن (مب عارفه السبب الصراحه)...واللي عندي حتى لو نحيس لكن أقدر امسكه وابوسه بعد وهو نعسان هههه XD العفو اخوي وانا مب خبيره بما فيه الكفايه لكن ببغاءك نوعا ما سهل الترويض ^_^ |
رد: مزاج الكاسكو .. ؟
اقتباس:
وان شاء الله يتعود علي لاني مو مقصر معاه بشيء , رغم انه يتفاعل معاي ويصفر الا ان عنده بعض الامور يتردد منها . |
رد: مزاج الكاسكو .. ؟
حلو...5 شهور يعتبر صغير جدا وطبيعي شوي مزاجي او ينسى..لكن بالنسبه لباقي الببغاوات في عمره فيعتبر أليف وممكن باذن الله يوصا معاك 100% بعد ما يعدي الشهر السابع بالكثير ^_^
اهم شي في هالسن لا تستعجل عليه والصغير يكون متردد عكس الكبير يكون جريء اكثر في هالمرحله اكسب محبته واكتفي بركوب اليد وياكل من يدك والمسح عالراس لو يخليك (وجرّب الخد تحت العين ترى يحبون هالمكان) اترك التدريب عالامور الاخرى بعد ما يثق فيك 100% |
رد: مزاج الكاسكو .. ؟
كلامك صحيح وانا معك بالكلام الي قلته
أهم شيء الحين اكسبه كطير ربوة , يخليني امسكه ويحب تحت رقبته ومن فوق واطراف منقاره وتحت العين طبعا انا روشته , أحس اني طحت من عينه ههههه |
رد: مزاج الكاسكو .. ؟
اقتباس:
الموضوع يختاج صبر وماله اي داعي التجويع المفروض انك تكرم الطير على فكره الافريقي اهم شي عنده الامان وثاني شي الاكل يعني خله يثق فيك اول شي وبعدين راح تشوف ابداعات الافريقي موفق يارب والصبر زين انت بس اصبر وراح تشوف الفرق |
رد: مزاج الكاسكو .. ؟
تسلم أخوي على هل معلومة
صحيح كلامك يالغالي الطير عندي حذر جدا , وهذا دليل انه يهتم للأمان اول شي وان شاء الله بمرور الوقت يتغير .... اولا واخيرا اي طير يبيله وقت علشان يتاقلم مع الوضع والمكان |
رد: مزاج الكاسكو .. ؟
اليوم الكاسكو تعلم انه من يشوف ايدي ينزل راسه !
يحب احد يمسح هلى راسه .. لكني بعوده انه ينزل راسه بكلمة معينة مب لما يشوف يدي .. وملاحظ عليه امور ما شاء الله , أغلب وقته عند أكله ولما اقرب من القفص يسوي نفسه ياكل ومشغول ! أحسه يسوي هالحركة لانه متضايق من شغلة , يمكن لاني كل ما اجي عنده العب معاه وامسح براسه .. ههههه اتوقع لو اطنشه وما اعطيه وجه افضل , لو بس اعطيه اكل وانظفله قفصه واكلمه يكون كافي . |
رد: مزاج الكاسكو .. ؟
^^^
لا تطنشه ابدا...وانا ببغائي يحب ياكل جدامي اكثر ولما اترك المكان يترك الاكل ويناديني هههه اتوقع لما ياكل جدامك معناه مرتاح بوجودك...لو مب مرتاح ما راح ياكل كمّل معاه عادي ولا تحط موضوع الاكل في بالك ^^ |
رد: مزاج الكاسكو .. ؟
شكرا على الافادة
اليوم لقيته يحاول ينطق كلمة , لكن كانه متألم من شغلة ويهز راسه بقوة ويتعامل بعنف مدري شنو مشكلته ! يحك رجله بمنقاره ويعض اصابعه بقوة ... مدري شاك انه دخل شيء بنقاره من الفتحة الي بالخلف .. يارب يكون شكي مو بمحله |
| جميع الأوقات بتوقيت GMT +3. الساعة الآن 04:12 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو