|
الله يخليكم دشو كنوش تحتاج دعواتكم
السلام عليكم ورحمة الله وبركاته
اليوم أكره يوم عندي وماقدر أقول غير لاحول ولاقوة إلا بالله تذكرون قطوتي وحبيبة قلبي كنوش .. يوم خبرتكم انها حامل المفروض تولد من البارحة وماولدت !!! واليوم عطوها طلق صناعي وقالولي اليوم عساعه عشر بتوقيت الإمارات راح يتصلون فيني يخبروني اذا ولدت وله لاء ( كنوش عندهم ) واذا ماولدت لين باجر راح يسوون لها عملية >.< وأنا والله وايد خايفه عليها بشكل فظييييييييييييع .. دخيلكم أدعولها أنها تولد بالسلامة وتقوم بسلامة .. لاني وايد احبها ومادري شو بيصير فيني اذا صار فيها شي :( |
رد: الله يخليكم دشو كنوش تحتاج دعواتكم
وعليكم السلام والرحمة
ان شاء الله تولد وتقوم بالسلامة وتجيب لك احلى كتن لكن خيتو لا تخافين اذكر قطوه وحده اعرفها تاخرت بالولادة وصلت 83 يوم حمل ولا ولدت وبعدها ولدت وجابت كتاكيت ولا احلى |
رد: الله يخليكم دشو كنوش تحتاج دعواتكم
انشاء الله تولد وتقوم في سلامه وبشرينه شوبيصير معك
|
رد: الله يخليكم دشو كنوش تحتاج دعواتكم
انشاء اللله تقوم بلسلامه والله يريح بالك
|
رد: الله يخليكم دشو كنوش تحتاج دعواتكم
الله يسمع منكم
رعود ماعرف شو أقولك لكن اذا ماتو في بطنها بصيدها تسمم والله مب عارفه شو اسوي القطة الصغيرة , سوزي تسلمون والله لايراويكم مكروة فقطاوتكم وحتى انت يارعود |
رد: الله يخليكم دشو كنوش تحتاج دعواتكم
لا تحاتين اختي دام اهي عند اطباء ومختصين
بس ادعي انها تولد وتقوم بالسلامه وانشاء الله ربي يبلغج فيهم وتفرحين فيهم تحياتي لج |
رد: الله يخليكم دشو كنوش تحتاج دعواتكم
يالله الله يعينك من جد..ياشين ذا المواقف...الحمدلله مامريت فيها...
والله يعطيها العافيه وتولد وتقوم بسلامه..وانشالله مايموتون..تفاولي خير |
رد: الله يخليكم دشو كنوش تحتاج دعواتكم
انشاااااااااااااااااااااااااااااااااااااءالله تئوم بلسلامة هيي وولادا وما يصير علين شي
بدعيلك من كل ئلبي |
رد: الله يخليكم دشو كنوش تحتاج دعواتكم
ياقللللللللللللللللبي
الله يقومها بالسلامه وان شاءالله تولد الساعه 9 مو عشره وتفرح بكتاكيتها |
رد: الله يخليكم دشو كنوش تحتاج دعواتكم
اللة يسرلها ولادتها
|
رد: الله يخليكم دشو كنوش تحتاج دعواتكم
خوووووووفتيني صاحبة وفا
قطوتي لأول مره تطلب التزاوج وميته خوف دايم أوس وس أنها تتعسر بالولاده أو يبقى واحد فـ بطنها عاد هي نعوووومه فوق ماتتخيلين وبعدين الحمدلله عندكم عيادات أحنا ماعندنا وهذا اللي مخوفني يعني لو تحمل وتتعسر لاسمح الله مدري وش بيصير فيني ذاك اليوم هذا اللي ذابحني خوف وقلق حتى ندمت ماسويت لها تعقيم :( المهم مثل ماقالوا دام تحت أشراف أطباء لاتحاتين بأذن الله ترجع لك مافيها الا العافيه وتقوم لك بالسلامه وتشوفين عيالها يارب وطمنينا عليها يالغاليه |
رد: الله يخليكم دشو كنوش تحتاج دعواتكم
الله يهون عليها يارب واله كسرت خاطري وانتي بعد كسرتي خاطري حاسة بخوفج والله الله يهون عليها بشرينا عاد لاولدت . . . |
رد: الله يخليكم دشو كنوش تحتاج دعواتكم
حيااااااتو والله
انشاءالله تولد باسرع وقت وتجيب كيتين عسووليين |
رد: الله يخليكم دشو كنوش تحتاج دعواتكم
يزاكم الله خير على أهتمامكم لكن للأسف البارحة ماولدت وحرارتها قاعده تنخفض ويطلع منها حليب يعني المفروض تولد !! بس ماولدت =(
قالتلي تعالي شليها يمكن لانها خايفه فالعيادة من حشرة الكلاب وحشرة الناس ولانها تحتاج مكان تكون مطمنه ومرتاحه فيه .. انا الحين رايحة اييبها وان شالله تولد الليلة *_* |
رد: الله يخليكم دشو كنوش تحتاج دعواتكم
انشاءالله :) وخلي ايمانك بربنا كبير وانشاءالله بتئوم بلسلامة بعد ما تولد الليلة
|
رد: الله يخليكم دشو كنوش تحتاج دعواتكم
انشالله تطلع بالسلامه بس انتي ادعي وصلي و اطلبي الله ون شالله تجيب كتاكيت حلوات و عطيني وحده كتكوته وانا ابدعي وتحياااتي |
رد: الله يخليكم دشو كنوش تحتاج دعواتكم
يا رب يسرلها في ولادتها
يمكن بطنها مليان عيال تقريباً 10 |
رد: الله يخليكم دشو كنوش تحتاج دعواتكم
انشاءا الله ماكو الا الخير وتولد وتجيبلك قطط صغيره جميله
وشكراا وطمنا عليها:) |
رد: الله يخليكم دشو كنوش تحتاج دعواتكم
ان شاء الله تولد
والله تكسر الخاطر ياقلبي عليها ولاتنسين تقوليلنا شصار معاك ومعاها |
رد: الله يخليكم دشو كنوش تحتاج دعواتكم
الله يعافيها بس
لالا من جد معاك حق تزعلين عليها انا وهي موب قطوتي وزعلت عليها قلبي معاها ان شاء الله تولد وتفرحك ولاتنسينا من آآآخر الاخبار |
رد: الله يخليكم دشو كنوش تحتاج دعواتكم
ها قلبووو
بشرييييييينــاااااا |
رد: الله يخليكم دشو كنوش تحتاج دعواتكم
هي عندي الحين فالبيت والدكتورة قالت بتلاحظين شي ينزل منها عند العضو التناسلي ( هذا استعداد ا للولادة ) وقالتلي اليوم البسي قفاز ودخلي صبعج الصغير شوفي اذا ضيق وله لاء
وشوفي اذا نزل منها حليب انا جربت وطلع دم متخثر وطلع منها نص قطرة حليب وتقصد اذا كان متوسع يعني راح ينزلون ان شالله وعن الحليب يعني مستعدة حق الولادة .. قالتلي تابعيها اذا تروح الحمام وايد لان اذا تروح الحمام وايد يعني هي اصلا تبا تولد بس مب قادرة اطلعهم فتتبرز الله يعزكم ومسكينه ياقلبي عليها ابدا ماتتحرك كله طايحة يعني كلها نايمة عالارض ماتقدر تتحرك وايد قالت اذا ماولدت الليلة هاتيها عشان العملية >.< لكن بشوف اذا في أمل نصبر عليها يوم واحد زيادة وقالتلي حطيلها تيرمومتر فمؤخرتها اذا حرارتها مرتفعه يعني الكتنز ماتو فبطنها واذا منخفضه عادي |
رد: الله يخليكم دشو كنوش تحتاج دعواتكم
حليلها والله ما تستاهل :(
حرااام الله يرجعها لج سالمة وانشاء الله تولد وما يحتاج للعملية والله حزنتيني يا صاحبة وفاء الله يخليج بشريني شو بيصير معاااج اوكي؟؟ |
رد: الله يخليكم دشو كنوش تحتاج دعواتكم
اقتباس:
يا حليلهاااا :( يارب توولد اليوم بسلامة واليوم بكثر من دعائي لها وان شاء الله تووولد كتن كيييوت وتفرحين فيهم ليتني ما قريت الموضوع انا ما احب اقراء خبر محزن خاصة لحد من بلادي :( الله يعينج بس |
رد: الله يخليكم دشو كنوش تحتاج دعواتكم
انشاااااااااااااااااااااااااااااااااااااءالله تئوم بلسلامة هيي وولادا وما يصير علين شي
بدعيلك من كل ئلبي |
رد: الله يخليكم دشو كنوش تحتاج دعواتكم
ان شاء الله تولد وتقوم بالسلامه اهي وعيالها ....
طمنينا |
رد: الله يخليكم دشو كنوش تحتاج دعواتكم
يزاكم الله خير وماقصرتو
أبشركم كنوش بدت تولد عندي فالبيت بس ولادتها وايد متعسرة البيبي طلع من ريوله ونص ساعه وهي تحاول اطلعه لكن مافي فايدة ركبت سيارتي وطرت فيها العيادة وهناك الحمدالله ولودها لكن البيبي فالبداية ماتحرك ولاتنفس بعدين تنفس شوي وجسمه باااااااااارد وربيعتي الدكتورة مسكينه أنعشته يعني تنفس أطناعي وعقب قعد يناوي وحطته تحت الضوء عشان يدفى ^_^ وعطوها مره ثانية أبره طلق عشان أطلع الثاني والحمدالله الثاني طلع بسرعه ماطول واحد مثل أبوه والثاني مثلها وايد فديتهم حسيت أنا الأم ومب هيه هههههههههههههههههه لكن الحين كنوش فالعيادة يمكن تولد أكثر عن أثنين وأنا الحين بكتب ردي هذا وبطلع أروحلها عشان أطمن عليها .. وإن شالله الكتنز يعيشون ( صورتلكم بالفيديو ثاني بيبي يوم كان يطلع ) بس أرجع ان شالله بحطلكم اياه |
رد: الله يخليكم دشو كنوش تحتاج دعواتكم
يلا عقبال ماتكمل ولادتها ويتربو في عزك
|
رد: الله يخليكم دشو كنوش تحتاج دعواتكم
حمدالله على سلامتها
ناطرينك اطمنينا عليها وعلى يقية عيالها |
رد: الله يخليكم دشو كنوش تحتاج دعواتكم
عندي لكم خبر محزن وأنا فطريقي الى البيت وهي معاي بالسيارة ولدت لكن ولدها كان اصلا ميت وهو داخل بطنها ووصلنا البيت وولدت الرابع وبعد طلع ميت >.< لكن الحمدالله على كل الحال 2 أحسن من دون لاشئ .. الحين عندها 2 كتنز قاعدين يرضعون منها وقعدنا ندفيهم شوي باليت لكن ان شالله تولد بعد واحد ويعيش -.-
وأطمنكم على كنوش الحمدالله صحتها ممتازة تاكل عدل وهذا الفيديو يوم كنا بالعيادة أنا اللي كنت ماسكتنها وأمسحها http://www.tit2.com/upfiles/download...38fe9badadf80b |
رد: الله يخليكم دشو كنوش تحتاج دعواتكم
بسألك هذي أول ولاده لها؟ بجد خفت
ياعمررري :( أحسها تعبت حيييييل يالله أهم شي سلامتها وردتها معك للبيت ومبروك على الكتينز يتربون بعزك يالغاليه |
رد: الله يخليكم دشو كنوش تحتاج دعواتكم
يلا مبروك ياستي ويتربو في عزك
|
رد: الله يخليكم دشو كنوش تحتاج دعواتكم
هيه هذي أول ولاده لها وكلنا وقفنا معها وساعدناها بصراحة ماكان فيها حيل أنها تنظف صغارها
ونفتح الكيس عنهم .. الحمدالله الله ستر وعاشت كنوش بعد هذي التجربه الفظيعه ولادتها كانت كلها متعسرة والله يبارك بحياتكم |
رد: الله يخليكم دشو كنوش تحتاج دعواتكم
لولولوووووووووووووووووووووووووووووووووووووش
مبرووووووووووك الف الف الف مبروووك ويتربووك بعزك وعزهاا ومو مشكله ماتو اثنين بس باقي اثنين واهم شي ان قطوتك بخييير |
رد: الله يخليكم دشو كنوش تحتاج دعواتكم
ألف مبروك صاحبه وفا بس خاااااطري أشوف الفيديوا حملت بس مو راضي يشتغل
أمانه شوفي حملي مره ثانيه والحمد الله على سلامتها مره ثانيه |
رد: الله يخليكم دشو كنوش تحتاج دعواتكم
يوم بتنزلينه سوي عليه رايت كلك وبعدين اختاري فتح بإستخدام واختاري ريل بلير
|
رد: الله يخليكم دشو كنوش تحتاج دعواتكم
مبرووووووووووووووووك الف الف مبروك يارب يتربون بعزج نزلي صورهم الحين علشان لاكبروا تنزلينهم مرة ثانية ونشوف الفرق ياااااااااي فرحتيني . . . |
رد: الله يخليكم دشو كنوش تحتاج دعواتكم
يالله كيف تحملتي صاحبه وفا
أنا وقاعده أشوف المقطع قلبي يرقع مسكيييينه ماتوقعت كذا والحمد الله على سلامتها وألف مبروك على الكتن :rolleyes: |
رد: الله يخليكم دشو كنوش تحتاج دعواتكم
الله يبارك بحياتج .. شسوي يوم تحبين حيوان تحاولين تساعدينه بشتى الطرق
يعني تخيلي يوم وصلنا البيت ولد واحد وكانت ولادتها بعد متعسرة بس الحمدالله قدرت أساعدها أنها أطلعه |
رد: الله يخليكم دشو كنوش تحتاج دعواتكم
مبروووووووووووووووووووووووووووووووووووووووووووووووووووووووووووك
|
| جميع الأوقات بتوقيت GMT +3. الساعة الآن 12:39 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو