|
لو سمحتوا علموني وش اسوي
السلام عليكم ورحمه الله وبركاته
انا عندي ببغاء كاسكو افريقي عمره تقريبا سنه وشوي له عندي اسبوعين مو مروض بس مايجعر كثير الا اذا اجيت ابي امسح عليه مو مشكله الحين هذي بدور على حل بعد ماحل بفضل الله ثم منكم المشكله الاساسيه الي هي ان الطير له كم يوم تعبان وكرمكم الله سهال ابيض وجنحانه مرتخيه ورحت عند بيطري وقال عنده نزله معويه من شي اكله وعطاني مضاد حيوي يجي شكل غلافه مثل القصدير وعطاني قطره وقال المضاد الحيوي تحط له شويه بطرف الاصبع كل يوم مره لمده خمسه ايام وبعدها اوقف المضاد الحيوي واحط القطره كل يوم مره لمده خمس ايام وبصراحه اول يومين حسته شوي يتحرك وبعدها رجع لنفس الوضع وانا الحين رابع يوم في المضاد الحيوي تكفون دلوني ع طريقه تنقذه بعد الله ملاحظه / ملاحظ اليومين هذي ريشه الي بوسط ظهره بدا يخف مدري اذا منه او من نفسه طاح والمعذره للطاله وانتظر حلولكم |
رد: لو سمحتوا علموني وش اسوي
اهلين اخوي
طبعا الاسهال الابيض اخطر من الاسهال الاخضر ياليت تصور البراز اكرمك الله وصور ايضا لطيرك وخاصه لانفه ومخرج البراز تاكد منه اذا به اوساخ حتي يفيدونك اعضاء المنتدي وبالنسبه لدواء الاسهال نفس حالتي تري النتائج ما تبين الا بالاخير وامش علي وصفت الطبيب وسلامات لطيرك |
رد: لو سمحتوا علموني وش اسوي
انصحك تودي الطير للبيطري
�� |
رد: لو سمحتوا علموني وش اسوي
أهلين اخوي ابو حواش واتمنى منك ومن الاخوان تتحملوني شوي..
حاليا كرمك الله مافي اسهال وحاولت اصوره غصب وهو يبي ينحاش وجيت احاول ادرج الملف اخرتها يقول حجم الملف تعدى المسموح وماعرف اسوي لها تعديل بس بحاول والي ملحوظ حاليا فتح فمها اوقات واوقات عادي وجناحها الشبه مرتخي.. وللمعلوميه انا مالي خبره بالطيور صح زمان كان عندي حمام والوالد كان عنده ببغاء كوكاتو اليف مره ويلعب معنا وهذي كلها مو خبره تكفيني بالمعرفه يعني كنت بحاول اروضه اول ماشريته وقلت بخليه اسبوع يتعود اول والحين صاير تعبان اجلت فكره الترويض لنو صعبه مالي خبره وهو كمان تعبان اخاف يجيه شي قلت بعد مايطيب بروضه بس انا متابع منتداكم من اول ماشريته ليتني جيت قبل اشتريه لن الي شريته عمره سنه وعليها وطلعت انثى يعني اكلت هواء عرفت بعد ماشريتها بيومين وهان علي افرط فيها او ابيعها وقلت نصيب رغم ان فيه ناس تقول الي عمره سنه صعب يتروض وناس لها مقاطع يوتيوب يروضون كل الاعمار ويقول الترويض ماله سن معين وانا ماعرف وش اسوي بس قلت ماراح افرط في الببغاء وبروضه اذا ربي طول في عمره ووقفتكم معي وشاكر لكم تعاونكم الجاد وربي يجعلها في ميزان حسناتكم |
رد: لو سمحتوا علموني وش اسوي
اقتباس:
[SIZE="انصحك توديه بيطر ي كويس بالنسبة للتدريب يدرب بعضهم يروضون واحد عمره تقريبا ثلاث سنوات بس التدريب راح يطول شويه كل ماصغر عمر الطير يسهل تدريبه وتعليمه للكلام موفق5"][/SIZE]:)ولا تفقد الامل راح يدرب |
رد: لو سمحتوا علموني وش اسوي
ننصحك بعلاج الباي تريل او السبيكتولين فكلاهما متميزين جدا في القضاء على البكتريا المسببه للنزلات المعويه المشابهه
تحياتي |
رد: لو سمحتوا علموني وش اسوي
بخصوص الترويض نقول عمر السنه مناسب جدا للترويض ومافيه اي مشكله
بخصوص الجنس انثى او ذكر ان لم تكن هنالك شهاده مستحيل تفرق الأنثى عن الذكر تحياتي |
رد: لو سمحتوا علموني وش اسوي
كلام بلاك بيري صحيح الباي تريل جداً ممتاز
احرص على جو الغرفه ما يكون بارد في الوقت الحالي اهم شي نظافة القفص بشكل يومي او مرتين باليوم وغسل الارضيه المتحركة بالماء وتعريضها للشمس عطه بس حبوب جافه وابتعد في وقت مرضه عن اي فواكه او خضار او اي اكل رطب تغيير مشرب الماء مرتين باليوم مع غسل المشرب بشكل جيد واستعمال ماء صحي على طول حتى بعد تجاوز المرض ان شاء الله |
رد: لو سمحتوا علموني وش اسوي
يعطيكم الف عافيه ع النصائح والتوجيهات وجاري العمل بها وبالنسبه لاسم العلاج ماعرف اذا هو زين او لا اسم المضاد الحيوي (امبيستين مسحوق) يجي مثل البودره والقطره اسمها (فيتانار) واذا كان مو مناسبه بلغوني اغيرها والله صاير متعلق في الطير وباقي مابينا توالف ومدلعه اخر دلع ..
ماقول الا الله يشفيه ويرجع مثل |
رد: لو سمحتوا علموني وش اسوي
العلاج ممتاز جدا وامشي عليه وان شاء الله بيتحسن الطير مباشره
|
رد: لو سمحتوا علموني وش اسوي
لكني ما زلت افضل الباي تريل او السبيكتولين ابحث عنهم وان وجدتهم انصحك بهم وبشده
|
رد: لو سمحتوا علموني وش اسوي
اخوي بلاك بيري بالنسبه لنوع الطير هو ذكر او انثى انا محد قالي انا شريته من محل الطيور بالرياض وماقالي انه ذكر او انثى ومافيه سوار ع رجله بس في اعضاء من المنتدى يقولون ع حسب عيونه
اذا دائرة يطلع انثى وانا طيري دائرة عيونه ومايفرق معي لن بعض الي يدعون المعرفه يقول طيرك دامه انثى ترا ماراح تتكلم ... المعلومه هذي ماعرف كيف جابها بس حتى لو ماتكلمت ماراح اغير بدالها القلب مشكله:freind: ماتوقعت انها بتشغلني كذااا ...... اخواني انا حاليا حاطها في الصاله لني بالاول كنت حاطها عندي بالمجلس وحسيت ان المكيف بياثر عليها قمت اخذتها وحطيتها بالصاله وامر عليها كل ساعه او ساعتين وماعندها مكيف حاليا مدري صح لها او لا وابشركم ماعندي اطفال يعني مخليه ماخذ راحته طولت عليكم المعذره.. |
رد: لو سمحتوا علموني وش اسوي
اهلا بك اخي الفاضل معلومه ان الذكر والأنثى من عينه ممكن نعرفهم نقول انها خاطئه فالعين لوحدها لا تكفي لتشخيص جنس الببغاء لابد العين مع اسفل البطن مع المنقار مع ريش الذيل ولا يمكن التعرف عليها الا من اصحاب الخبره الكبيره
وايضا يكون التعرف تقريبي وللتأكد لابد من عمل فحص الحمض النووي الدي ان ايه وبخصوص المكيف لا ننصح ابدا بترك الطير عنده خلي الطير بمكان مافيه تيارات هوائيه موفق بكل خير |
رد: لو سمحتوا علموني وش اسوي
اخوووي تعووب ما يهمك نوع الجنس وبالنسبه للكلام كلهم يتكلمون علي حسب صاحبه اهم شي تستمر بالعلاج حتي يتشافي باذن الله وبعدها تبداء الترويض اما بالنسبه للعمر ايضا مو مشكله انا روضت واحد كبير وماتوقعت انه ب 3 ايام فقط طلع حمل وديع مااني كنت خايف يطول المسئله معي من واقع كلامك وتعلقك بالطير وجلوسك المستمر معه ما راح يطول ترويضه معك وراح يستجيب وتري الطير ذكي وعارف انك معه في مرضه بس اهم شي الان التركيز علي علاجه وراح تشوف نتائج مذهله وشكرررررررررررا
|
رد: لو سمحتوا علموني وش اسوي
اخوي بلاك بيري واخوي ابو حوااااش يعطيكم الف ع المجهود الي تقدمونه من عطاء ومعلومات قيمه جدا جدا مالقيتها عن البيطرين ولاهانو الباقين ...
بس بجد اليوم بعد صلاة المغرب سمعت صوت استغربته جاي من الصاله وقربت لقيته يحاول يتكلم ويصفر ويقول كلام مو مفهوم ماحبيت ادخل عليه ويخاف خليته يصفر ويطقطق ع كيفه والله اني ارتحت وقت سمعته لن له 3 ايام ماله حس بس ان شاء الله يتعافى وابداء معه واكيد بتواصل معكم لحظه بلحظه في اي جديد او تطور في الموضوع واشكركم مره ثانيه ع تعاونكم.... |
رد: لو سمحتوا علموني وش اسوي
السلام عليكم ورحمة الله وبركاته
مبروك عليكم الشهر وجعلكم الله من صوآمه وقوآمه و الله يتقبل منا ومنك صالح الأعمال الكاسكو احس اكله زين وممتاز والشرب كمان ومايتكلم او يلعب الا وقت صلاة التراويح وملاحظ جنحاته مترخيه باقي وجربت امس اخذت صحن المويه الي في الاستاند وحطيت مثل ماقالوا الاخوان قطع ثوم مع المويه ماشفته شربها وكل ماقرب يشرب يهون ويرجع اتمنى لو فيه افادة ماتبخلوا فيها ودمتم بخير وعافيه ...... |
رد: لو سمحتوا علموني وش اسوي
اهلا بك اخي الفاضل ممتاز جدا ان كان يهون عنها معناه ان الرائحه نوعا ما غير محببه له حاول ان تخفف الخلطه بالماء اكثر وخله يشربها على راحته
قد يكن نزول الجناحين احساس الطير بالحراره وهذا افضل خلي الطير يحتر وعندها ستزيد حاجته للماء وسيشرب كل الكميه المقرره له بأذنه تعالى |
رد: لو سمحتوا علموني وش اسوي
اخوي بلاك بيري والله ماعرف كيف اشكرك ع تفاعلك ويارب في ميزان حسناتك ....
فكرت امس امسكه وامسح ع جسمه قلت خله كمان شوي ..اوقات امد له فول سوداني ياخذه يرميمه واوقات ياكله يعني السالفه مزاج .... اخوي بلاك بيري عادي لو صار يشرب مويه كثير ...؟ ومن ناحيه اني امسكه ماشاء الله عليه منقار كبير يعني لو عضني حتى لو مزح بيسوي فيني عاهه ؟؟ عطني توصياتك اخوي بلاك بيري والمعذرة ع الاطالة |
| جميع الأوقات بتوقيت GMT +3. الساعة الآن 04:03 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو