|
مروّض في قطر؟
السلام عليكم ورحمة الله وبركاته صار لي فتره متغربله من ببغائي ووقتي ضيّق...رمضان قريب وماراح أفضى لتدريبه في رمضان وقالوا اني لو أهملته بيتوحش..كنت ناويه أبيعه فنصحني أحد الاعضاء الله يجزيه خير اني اخليه طول رمضان تعند مروض فهل أحد يعرف وين أحصل واحد في قطر؟ وكم سعر الترويض؟ |
رد: مروّض في قطر؟
ملاحظه: ببغائي دايما خارج القفص بس هني صورته وهو داخله...في موضوع اخر يقولون لي لا تحبسينه...انا ما احبسه بس عشان مابغيته يهرب من الكاميرا ^^"
أحد يعرف كم عمره؟ عشان لو ما لقيت مروض يعني واضطريت ابيعه (أفضّل مروّض على البيع -..-) |
رد: مروّض في قطر؟
ماشاءالله تبارك الله
هذا فرخ صغير فيه مواضيع للترويض ربي يخليه لك ويحفظه |
رد: مروّض في قطر؟
قريت المواضيع لكنه مأساه وبياخذ وقت...مابقدر أكمل ترويضه في رمضان...فقلت اما أبيعه او اعطيه لمروَض أسهل...لو تركته شهر بدون ترويض بصير متوحش
ياريت أحد يساعدني لأن مابقى الا اسبوعين...وهذا لا يركب ستاند ولا يرضى حد يقربه...اسبوعين مايفكي والصراحه رمضان عندي اهم >< طيب كم توصل تكاليف الترويض عند المروض تقريبا؟ |
رد: مروّض في قطر؟
اوكي...قررت أبيعه دام محد رد علي بخصوص المروض...بس ياريت أحد يخبرني كم عمره عشان أكتبه مع وصف الطير
الفيديو يكفي صح؟ بليز لا تتأخرون علي بالرد...لأني متوقعه مابحصل احد يشتريه بسرعه فلازم أحط اعلان في المنتديات من الحين -__- |
رد: مروّض في قطر؟
الترويض عندنا بالسعوديه بحدود 100 ريال فقط ..مدري عندكم بقطر كيف ومين يروض لكن لو تبحثين بالانترنت تحصلي يمكن ناس يعرضون خدمات الترويض ابحثي بقوقل وباليوتيوب .. هو لسى صغير . وهو أساساً متوحش الي يسمعك تقولي لو اتركه برمضان بيتوحش . اصلا هو متوحش :) . نصيحتي لك لا تبيعينه خليه عندك برمضان اشطفيه بس حطي له اكل وشرب . وقولي له مع نفسك لين ينتهي رمضان وتتفرغي له وارجعي ودربيه يكون وقتها اخذ ع البيت اكثر وحبكم ويكون التواصل معه اسهل ان شاء الله ..
من ناحية البيع اذا مصممه بيعيه واشتري واحد مروض او ع الاقل مروض 50% وانتي تكملي الباقي عشان مايتعبك بالجعير والعض . هذا انسب حل للمبتدئين الي مايقدر يشترو جاهز ويتكلم واليف . وانا عملت هالشي اخذت واحد مروض شوي وكملت معاه . وبالاخير القرار يعود لك وبالتوفيق للجميع .. |
رد: مروّض في قطر؟
ايه انا أعتبره نص متوحش...لأنه عالأقل مايعض وياكل من اليد وشوي يركب على يدي ههههه بس أتوقع عدم العض بسبب خوفه الشديد...انا كنت أحب أشتري العضاضين لأنهم جريئين ويتعودون بسرعه (وهم نص مروضين) زنجحت في ترويضهم كلهم...كلامك عن ترك الترويض في رمضان ريحني شوي...انا حاليا بستخير واوقف تدريب...بس اطلعه عالستاند واكل وشرب لا اكثر (واظن الافضل محد من الاهل يحاول يلمسه)...وان الله كتب أبيعه فبشتري احسن منه واكبر...وان ما بعته فيمكن خير....جزاك الله خير ^_^
بس ياريت الحين أعرف عمره..راعي المحل قال 5 شهور بس أحسه كذب علي...تتوقعون هو في حدود 3-4 شهور؟ |
رد: مروّض في قطر؟
هم لما يكذبون .. يقللون العمر مايكبرونه .. فلذلك الطير هو فعلا بحدود ال 5 شهور لان عينه مره سودا وللامانه طائرك يجنن الله يحفظه لك ومره روعه . ولو انا بمكانك احتفظت فيه .
هههههه ضحتكني الالعاب الي انتي حاطتها له , نفس الي انا مشتريها لببغائي . احسنتي الاختيار العاب ينبسط عليها الببغاء ورخيصه مطبخ هاه هههههههههههه بس علقيها بالقفص كل وحده لحالها قريب من استاند القفص . والي ماتتعلق افتحي فيها شق ودخلي فيها الخيط وعلقيها واختاري خيط قوي يتحمل عض الطير ولا يتقطع منه اجزاء عشان مايبلعها الطير انا عذب فيني كل شوي اجيب له خيط جديد يترك اللعبه ويستلم الخيط عض لين يقطعها كلها ويرمي الالعاب تحت هههههه قلت له اوريك .. طلعت لمحل يبيع لوازم خياطة قلت له ابغى خيط اربطه بين سيارتين واسحبها ماينقطع :eek: :88: هههه وماقصر حطيته له قلت عض ماتعض مع نفسك هههههه . |
رد: مروّض في قطر؟
ما شاء الله تبارك الرحمن
طير جميل انصحك عدم الاستعجال بالبيع اتركيه بالبيت برمضان مع الاهتمام باكله وقفصه وبعد رمضان انواع الترويق بترويضه وشكرااا |
رد: مروّض في قطر؟
حايلي111
هو فعلا شكله جميل وهذا سبب شرائي له...لكن انصدمت ان ريش جناحه منكوش من ورى...ويقولون هذي علامة وحشيه >__< أنا الحين وقفت تدريب ورجعت أعطيه أكل من الصحن عادي...وهكذا بكمل في رمضان ^^ وبستخير بخصوص بيعه طول هالاسبوع وعقب أقرر باذن الله...راح أصبر شوي واجوف ظروفي ^__^ اذن طلع عمره فعلا 5 شهور...بس حجمه وايد صغير هههه أنا مره جبت واحد بنفس العمر وكان حجمه اكبر XD أول مره ادري ان لازم أعلق الالعاب فوق @@...عندي خيط قوي وجربته عليه مره ماقدر يقطعه ههههه ابو حواش حسب الظروف ان شاء الله ممكن أخليه أو أبيعه...أتوقع أيضا تركه فتره بدون تدريب ومجرد وضعه عالستاند معانا في الصاله ونكلمه بدون لمس ممكن شوي يتوالف معانا والله اعلم مشكورين جميعا عالمساعده ^_^ |
رد: مروّض في قطر؟
الحجم اختي يتوقف على نوع الطائر .
الكاسكو نوعين فيه العادي وفيه الجامبو واتوقع فيه السوبر جامبو . يعني الحجم مو دليل ع العمر لان الاحجام اتوقع تحتف باختلاف الفصيله او سبب آخر . لكن فيه احجام مختلفه| , والحجم الكبير سمعت انه متكلم بارع . والله اعلم . |
رد: مروّض في قطر؟
اذن ببحث عن الكبير ... احاول بس مب شرط ^^...توني أجوف الفرق بين الاحجام في توقيع أحد الاعضاء وتفاجأت ان الكاسكو أكثر من نوع @@
|
| جميع الأوقات بتوقيت GMT +3. الساعة الآن 07:34 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو