منتديات تو زوو - انذار أخير ...

منتديات تو زوو (http://www.2zoo.com/vb/index.php)

- قسم هواة القطط (http://www.2zoo.com/vb/forumdisplay.php?f=33)

- - انذار أخير ... (http://www.2zoo.com/vb/showthread.php?t=26220)

Dominique

04-05-2007 12:19 AM

انذار أخير ...

مرحبا

اعضاء منتدى هواة القطط المحترمين

لقد تم اتخاذ قرار نهائي بشأن المواضيع المكررة والافكار المكررة

الحذف

بدون نقاش او مجادلة

انتهى

.
.
.

الله يهداكم

نزلنا من قبل موضوعين لقوانين القسم

وبعدين دمجناهم في موضوع واحد

البعض يقول وين راحت مواضيعي

والبعض يقول ليش حذفتوا موضوعي

والبعض يقول ليش اغلقتوا موضوعي

موضوع شروط القسم وادراج المواضيع المثبت محد يدخل عليه

ليش؟؟؟؟؟

احنا قاعدين نتصرف ونتخذ اجراءاتنا على اساس القوانين المثبتة

اقروا القوانين قبل لا تنزلون اي موضوع بليز

فيه فوق كلمة " بحث "

ليش ماتستخدمونه في البحث عن مواضيع شبيهة باللي تبون تنزلونها؟

ابحثوا بالاول واذا لقيتوا مواضيع شبيهة لاتنزلون موضوعكم وفكروا في غيره

واذا مالقيتوا تطابق نزلوا الموضوع

من اليوم وطالع

ومن هاللحظة

لن يتم التساهل مع المواضيع المكررة واغلاقها فقط

لأ

سيتم

حذف الموضوع

بدون نقاش وبدون مجادلة

وسامحوني على القسوة

بس لأن هالشغلة تكررت كثير وصارت مملة وتهضم حق اصحاب المواضيع الاصلية

ميرسي
.
.
.

اميرة الظلام

04-05-2007 12:26 AM

رد: انذار أخير ...

ان شاالله تامرين امر

Dominique

04-05-2007 12:30 AM

رد: انذار أخير ...

مايامر عليج ظالم حبوبة
.
.
.

Lonely Hunter

04-05-2007 12:34 AM

رد: انذار أخير ...

زين اتسوين فيهم

زهقنا من المكرر

show no mercy

Dominique

04-05-2007 12:38 AM

رد: انذار أخير ...

والله صج

ملينا كله مكرر مكرر

وافكار مكررة وصور مكررة

ويارت كله مكرر مرة وحدة

مكرر الف مرة

نبي شي يديد ماكو

يعني شنو خلصت المواضيع اللي فالدنيا

ولا كلها لازم معلومات عامة عن القطط:confused:

نبي شي ثاني يحرك القسم شوي

نبي شي يرد الروح في الصفحات

بس من اليوم ورايح ماكو تكرار وأنا Dominique :cool:
.
.
.

اسمعوا قصه غرام

04-05-2007 12:47 AM

رد: انذار أخير ...

اى والله خوش فكره .....

واهم شى ... ان تكون انت ياى وحاط الموضوع ماتدرى الا فى ثانى كاتبه ... وهذا مو حلو لصاحب الموضوع الاول ... ( صارت فينى ) ... خخخخخخخخ

بس الحمد لله ... انى اعتذرت .... قبل قصف Dominique ...هههههههههههه

ترا اتغشمر ...... يبا عزيزه وغاليه ... وتمونين على الشارب بعد ......( بالكويتى ) خخخخخخ

free cats

04-05-2007 01:55 AM

رد: انذار أخير ...

اوكيييييييييييي احسن عشان محد يمل

Dominique

04-05-2007 02:19 AM

رد: انذار أخير ...

اسمعوا قصة غرام

لووووووووووووووووووووووووووول

ضحكتيني :D

ميرسي لتفاعلكم

يالله نبي مواضيع يديدة

نبي شي فريششششش

ترى مسابقة تثبيت المواضيع للحين قائمة

وجاري البحث عن موضوع جدير بالتثبيت;)

شدوا الهمة
.
.
.

قطو_Q8te

04-05-2007 06:31 AM

رد: انذار أخير ...

اي والله القسم صار ميت كله مواضيع وافكار مكرره,,
نبي شي من ابداعاتكم شي يديد

*القلب الصافي*

04-05-2007 08:48 AM

رد: انذار أخير ...

احم احم

هذا موب قسك هواة القطط؟

لازم نيب مواضيع عن القطط

وبعدين في ناس توهم ياين المنتدى

ما يعرفون انه الموضوع الي يبون يسونه مسوي من قبل

وبعدين المنتدى مش جديد

يعني مستحيل ما تشوفين موضوع مكرر

وبعدين كل الموضيع الي عن القطط او كيف تربيتهم

موجودة يعني شو تبينا نسوي؟؟

Lonely Hunter

04-05-2007 09:45 AM

رد: انذار أخير ...

اقتباس:

وبعدين في ناس توهم ياين المنتدى

ما يعرفون انه الموضوع الي يبون يسونه مسوي من قبل

بصراحه .. محد يسوي حالحركات الا اليهالوه ...يبون يكتبون اي شي عن اي شي و ينقلون كل شي بس على شان يصير لاسمهم رنّه بالمنتدى

مايدري ان يطيح من عين الباقي ...

اقتباس:

يعني مستحيل ما تشوفين موضوع مكرر

ومع انذار دومينيك :cool: ماراح اتشوف موضوع مكرر...ان شاء الله

اقتباس:

وبعدين كل الموضيع الي عن القطط او كيف تربيتهم
موجودة يعني شو تبينا نسوي؟؟

سهله

- تقدر تكتب اخبار او احداث عن القطط حول العالم..طبعا تكون فرش مو مغبره

- تسوي مع قطوتك جلسة تصوير و تلبسها او اتخليها اتسوي حركات عبيطه و تنزلها بالنت على شان نضحك عليها P:

- تكتب مواضيع نقاشيه جديده...و طبعا ماتكون مثل اللي نشوفها الف مره بالاسبوع

- تدّور شغلات غريبه للقطط او عن القطط

- تكتب تجربه عشتها مع قطك

- طريقه للتدريب عن شي

- اتحط كاريكاتيرات او فلاشات مضحكه عن القطط

يعني في شغلات وايد تقدر تكتب عنها و احسن المواضيع اللي ممكن تكتبها و تحرك المنتدى اهيا النقاشيه ...

و اذا ماعرفت تكتب شي يديد ... مو ضروري , خل غيرك يكتب ;)

ولمّ تلقى شي ..اكتب عنه

بسيطه

*القلب الصافي*

04-05-2007 12:45 PM

رد: انذار أخير ...

سوري دومنيك

بس انا زعلان شوي

عسبت مشمش

وما عرفت شو اقول :(:(

افهمي حالتي

Dominique

04-05-2007 12:46 PM

رد: انذار أخير ...

اخوي القلب الصافي

آنا قلت ووضحت ان لازم الاعضاء الجدد يسوون بحث عن اي موضوع يبون ينزلونه

واذا لقوه موجود ماينزلونه

واذا طلع انه موموجود ينزلونه

آنا شخصيا اتبع هالطريقة لكل موضوع بنزله

ليش انتوا ماتتبعونها

بعدين شلون تبي الناس تحترم عضو بايق شغل غيره

تلاقيه مايدري انه موجود بالقسم

بس الاعضاء الاقدم يدرون انه مكرر

ياليت تنتبهون لهالشي

ومثل ماقال اخوي لونلي هانتر

صح لسانك لونلي

اقرا كلامه وشوف الطرق اللي ذكرها

ميرسي
.
.
.

*القلب الصافي*

04-05-2007 12:49 PM

رد: انذار أخير ...

انا عمري ما سرقت اي موضوع من اي حد

ولا موضوع سويته بايقنه من حد

او سارق الفكرة منه

وانا بس موضوع واحد على ما اظن كررته

وما كنت ادري انه مسواي من قبل

Dominique

04-05-2007 12:52 PM

رد: انذار أخير ...

آنا ما أتكلم عنك انت بالتحديد

آنا قلت يا اعضاء قسم هواة القطط

بشكل عام

ياريت محد يزعل او ياخذ الكلام عليه

وياريت الكل يحترم قراري

ميرسي
.
.
.

*القلب الصافي*

04-05-2007 12:53 PM

رد: انذار أخير ...

لا خلاص سوري

دومنيك انا

اسف :(:(

وانشاء الله يحترمون قرارج

Dominique

04-05-2007 12:54 PM

رد: انذار أخير ...

ميرسي

كلك ذوق
.
.
.

مشاغــب

04-05-2007 01:03 PM

رد: انذار أخير ...

خخخخخخخ ..دومينيك اجيب القنابل نسوي قصف لووول

لا والله صح كلامها ومحد راح يزعل انشاء الله

تفهمو الامر .. <----- والي ينزل موضوع مكررر بهذا المسدس

http://images.panet.co.il/articles/0...6-141809-3.jpg

لا لا ترى غشمره

ومشكووره دومينيك على التحذير والكل ملتزم باذن الله

Dominique

04-05-2007 02:23 PM

رد: انذار أخير ...

مشاغب

لووووووووووووووووووووووول

بس المسدس وايد كبير حرام كأنه بازوكة

لوووووووووووووول

انشالله محد يزعل

ميرسي;)
.
.
.

sisi_moon

04-05-2007 03:18 PM

رد: انذار أخير ...

كمان في شي بصراحه يزعجني ويتوهني

ان بعض الاعضاااء يروحون يردون على مواضيع تكون في الصفحه الرابعه او الخاامسه

والمواضيع الجديده اللي بالصفحه الاولى ينهضم حقها

Lonely Hunter

04-05-2007 06:00 PM

رد: انذار أخير ...

اقتباس:

خلّصوا على المواضيع اليديده فراحوا للقديمه لزيادة المشاركات

و تسلمين دومينيك ^^

مخاوية قطاو

04-05-2007 09:01 PM

رد: انذار أخير ...

علــــــــــــــــــــــــــــــــــــــــــــــــــــــــــــــيهم
ياشديد انت....
يامعذبنا انت..
اصولها اشده ذي
وريهم مين دومينك...<<<داخلين مضاربه
ونتمنى مانشوف المكرر..
يعطيك العافيه دومينك

Dominique

04-05-2007 10:15 PM

رد: انذار أخير ...

لونلي هانتر ميرسي

مخاوية

لوووووووووووووووووول

موتيني ضحك

ميرسي حياتي على التعليق الحلو ;)
.
.
.

Dominique

20-06-2007 09:00 AM

رد: انذار أخير ...

up
.
.
.

أبو هريرة

20-06-2007 01:31 PM

رد: انذار أخير ...

[B]معليش كتبت موضوع وأنحذف

وإن شاء ما أكررها وكان الموضوع ضع صورة قطتك هنا[/B]

nermin

20-06-2007 04:46 PM

رد: انذار أخير ...

شكرااااا :)

Bruce

20-06-2007 07:03 PM

رد: انذار أخير ...

قدها يادمدم

مابشرتينا عن نتيجة اختباراتك

وعندي بعد سؤال ليش اسمي يمه علامت +زائد

blap	20-06-2007 07:28 PM

رد: انذار أخير ...

حلوة الفكرة ,,,, عشان يكون في ابداع في القسم

Lolla_B

22-06-2007 04:47 PM

رد: انذار أخير ...

حلوة الفكرة والى الامام

Candy Man

22-06-2007 06:03 PM

رد: انذار أخير ...

انا عن نفسي عم بحاول قدر الامكان اطرح مواد جديدة ولا مرة انطرحت من مواقع اجنبية ... يعني انا بترجم المواد وبعرضا بلمنتدى سهلة ...

جميع الأوقات بتوقيت GMT +3. الساعة الآن 05:27 PM.